ಒಂದು ವರ್ಷದ ನಂತರ ನನ್ನ ಮದುವೆಯಾಯಿತು. ಮದುವೆಯ ನಂತರ ಬೆಂಗಳೂರಿನಲ್ಲಿ ನನ್ನ ವಾಸ. ಅಡುಗೆಮನೆಯಲ್ಲಿ ಅತ್ತೆ ನಿರ್ದೇಶಕಿಯಾದರೆ, ಸೊಸೆ ಕಲಾವಿದೆ. ಒಂದು ದಿನ ಅನಿವಾರ್ಯ ಕಾರಣದಿಂದ ನನಗೆ ಸಾಂಬಾರು ಮಾಡುವ ಕೆಲಸ ಕೊಟ್ಟು ಅತ್ತೆಯವರು ಹೊರಗೆ ಹೊರಟರು. ಕೆಲಸ ತಿಳಿಯದೇ ನಾನು ನನ್ನ ಅಮ್ಮನಿಗೆ ದೂರವಾಣಿ ಕರೆ ಮಾಡಿ ಸಾಂಬಾರು ಮಾಡುವ ವಿಧಾನ ತಿಳಿದುಕೊಂಡೆ. ಆದರೆ ಆತುರದಲ್ಲಿ ಕುಕ್ಕರ್ಗೆ ಬೇಳೆ ಹಾಕುವುದನ್ನೇ ಮರೆತಿದ್ದೆ. ಬರೀ ತರಕಾರಿ, ಖಾರದ ಪುಡಿ, ಉಪ್ಪು ಹಾಕಿ ಬೇಯಿಸಿದ್ದೆ.