ಕೋವಿಡ್-19 ಸೋಂಕಿತರು ಗುಣಮುಖರಾದ ಮೇಲೆ ಮರುಸೋಂಕಿನ ಬಗ್ಗೆ ಎಚ್ಚರಿಕೆ ಇರಲಿ

ಕೋವಿಡ್-19 ಸೋಂಕಿನ ಪ್ರಕರಣಗಳು ದಿನದಿಂದ ದಿನಕ್ಕೆ ಹೆಚ್ಚುತಲಿದ್ದು ನಮ್ಮ ಸುತ್ತಮುತ್ತಲಿನ ಜನರು ಅನೇಕರು ಸೋಂಕಿನಿಂದ ಗುಣಮುಖರಾಗಿರುವುದನ್ನು ಸಹ ನಾವು ಕಂಡಿದ್ದೇವೆ. ಅನೇಕ ಗುಣಮುಖ ಹೊಂದಿರುವ ವ್ಯಕ್ತಿಗಳಲ್ಲಿ ಮರುಸೋಂಕು ಅಥವಾ ರೋಗ ಮರುಕಳಿಸುವಿಕೆ (Relapse) ಆಗುವ ಭಯ ಕಾಡುತ್ತಿದೆ.

. ಏನಿದು ಮರುಸೋಂಕು ಅಥವಾ ರೋಗ ಮರುಕಳಿಸುವಿಕೆ (Relapse) ?

ಕೆಲವೊಂದು ವೈರಾಣುವಿನ ಸೋಂಕಿನಲ್ಲಿ ಅಂದರೆ ಮೀಸಲ್ಸ್, ಚಿಕನ್ ಪಾಕ್ಸ್ ಮುಂತಾದ ವೈರಾಣುವಿನ ಸೋಂಕಿನಲ್ಲಿ ಆ ವ್ಯಕ್ತಿಗೆ ಜೀವಿತಾವಧಿ ಆ ರೋಗದ ವಿರುದ್ಧ ಆಂತರಿಕ ಶಕ್ತಿಯು ವೃದ್ಧಿಸುತ್ತದೆ. ಆದರೆ ಕೋವಿಡ್-19 ಸೋಂಕು ಇಂತಹ ಜೀವಿತಾವಧಿ ಆ ರೋಗದ ವಿರುದ್ಧ ಆಂತರಿಕ ಶಕ್ತಿಯನ್ನು ವೃದ್ಧಿಸಬಲ್ಲದು ಎಂಬುದಕ್ಕೆ ಯಾವುದೇ ಪುರಾವೆಗಳಿಲ್ಲ. ಏಕೆಂದರೆ ಆಂತರಿಕ ಶಕ್ತಿಯ ವೃದ್ಧಿಯ ಪ್ರಕ್ರಿಯೆಯು ಬಹಳ ಸಂಕೀಣವಾಗಿದ್ದು ಹೆಚ್ಚಿನ ಅಧ್ಯಯನಗಳ ಅವಶ್ಯಕತೆ ಇರುತ್ತದೆ. ಆದುದರಿಂದ ಕೋವಿಡ್ ಸೋಂಕಿತ ವ್ಯಕ್ತಿಯು ಮರುಸೋಂಕು ಹೊಂದಬಹುದಾಗಿರುತ್ತದೆ. ಇದು ಅವನಲ್ಲಿ ಉತ್ಪತ್ತಿಯಾದ ಆಂಟಿಬಾಡಿಸ್ ನ ಪ್ರಮಾಣವನ್ನು ಆಧರಿಸಿರುತ್ತದೆ. ವೈರಾಣುವು ಕಾಯಿಲೆಯ ರೋಗಲಕ್ಷಣಗಳು ಗುಣಮುಖವಾದ ಮೇಲೂ ಸಹ ಶರೀರದಲ್ಲಿ ಹಲವು ದಿನಗಳು ನೆಲೆಯಾಗಿರುತ್ತದೆ. ಆದರೆ ಆವ್ಯಕ್ತಿ ಇನ್ನೊಬ್ಬರಿಗೆ ರೋಗವನ್ನು ಹರಡುವ ಸಾಂಕ್ರಾಮಿಕ ಲಕ್ಷಣಗಳು ಕಡಿಮೆಯಿರುತ್ತದೆ.

. ರೋಗಲಕ್ಷಣಗಳು ಕಡಿಮೆಯಾದ ನಂತರವೂ ವೈರಾಣುವು ವ್ಯಕ್ತಿಯ ಮಲದಲ್ಲಿ, ಗಂಟಲಿನಲ್ಲಿ 2-3 ತಿಂಗಳವರೆಗೂ ನೆಲೆಯಾಗಿರುತ್ತದೆ ಎಂದು ಅಧ್ಯಯನಗಳು ತಿಳಿಸಿವೆ.

ಸಂಪೂರ್ಣ ಚಿಕಿತ್ಸೆಯ ನಂತರವೂ ಸಹ ವೈರಾಣು ದೇಹದಲ್ಲಿ ಕಾಣಬಹುದಾಗಿದ್ದು RT – PCR ಟೆಸ್ಟ್ ಪಾಸಿಟಿವ್ ಬರುವ ಸಂಭವ ಹೆಚ್ಚಿರುತ್ತದೆ. ಆದರೆ ಅಂತಹ ವೈರಾಣುವು ಚಿಕಿತ್ಸೆಯ ಬಳಿಕ ದುರ್ಬಲವಾಗಿದ್ದು ರೋಗ ಉಲ್ಭಣಿಸುವ ಅಥವಾ ಹರಡುವ ಗುಣವನ್ನು ಕಳೆದುಕೊಂಡಿರುತ್ತದೆ.

. ವೈರಾಣು ಹತ್ತು ದಿನಗಳ ನಂತರ 88% ತನ್ನ ಸಾಮಥ್ಯವನ್ನು ಕಳೆದುಕೊಂಡಿದ್ದು 15 ದಿನಗಳ ನಂತರ 95% ಸಾಮಥ್ಯವನ್ನು ಕಳೆದುಕೊಳ್ಳುತ್ತದೆ ಎಂದು ಅಧ್ಯಯನಗಳು ತಿಳಿಸಿವೆ.

. ಕೋವಿಡ್-19 ಸೋಂಕಿನಿಂದ ಗುಣಮುಖರಾದ ಮೇಲೆ ಹಾಗೂ ತನಗೆ ಸಂಬಂಧಪಟ್ಟ ಹತ್ತಿರದ ವ್ಯಕ್ತಿಗಳು ತೆಗೆದುಕೊಳ್ಳಬೇಕಾದ ಮುನ್ನೆಚ್ಚರಿಕಾ ಕ್ರಮಗಳ ಬಗ್ಗೆ ಇಲ್ಲಿದೆ ಮಾಹಿತಿ.

. * ಕೋವಿಡ್-19 ರಿಂದ ಗುಣಮುಖರಾದ ವ್ಯಕ್ತಿಗಳು ಆಂತರಿಕವಾಗಿ ಹಾಗೂ ಮಾನಸಿಕವಾಗಿ ಕುಗ್ಗಿರುವುದರಿಂದ ತನ್ನ ಹತ್ತಿರದ ಬಂಧುಗಳು, ತಾನು ಕೆಲಸ ಮಾಡುವ ಸ್ಥಳಗಳಲ್ಲಿನ ವ್ಯಕ್ತಿಗಳು ಅವರಿಗೆ ಮನೋಸ್ಥೈರ್ಯವನ್ನು ತುಂಬುವುದು ಅತಿ ಮುಖ್ಯವಾಗುತ್ತದೆ. ಪೌಷ್ಠಿಕ ಆಹಾರ, ನಿಯಮಿತ ವ್ಯಾಯಾಮ ಆಂತರಿಕ ಶಕ್ತಿಯ ವೃದ್ಧಿಗೆ ಅವಶ್ಯಕ.

. * ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು 3-6 ಅಡಿ, ಮುಖಗವಸು, ಕೈಗಳ ಸ್ವಚ್ಛತೆ ಅಥವಾ ಹ್ಯಾಂಡ್ ಸ್ಯಾನಿಟೈಸರ್ ಗಳ ಬಳಕೆ ಮುಖ್ಯ.

. * ಜನಜಂಗುಳಿ ಇರುವ ಸ್ಥಳಗಳು, ಸಾಮಾಜಿಕ ಸ್ಥಳಗಳಿಂದ, ಸಮಾರಂಭಗಳಿಂದ ದೂರ ಉಳಿಯುವುದು ಒಳಿತು.

. * ನಿಮ್ಮ ಸುತ್ತಮುತ್ತಿಲಿನ ಜನ ಉಸಿರಾಟದ ನೈಮಲ್ಯತೆಯನ್ನು ಕಾಪಾಡಿಕೊಳ್ಳುವುದನ್ನು ಖಾತ್ರಿ ಮಾಡಿಕೊಳ್ಳಿ.

. * ಕೆಮ್ಮು, ಶೀತ, ಜ್ವರ ಅಥವಾ ಉಸಿರಾಟದ ಸಮಸ್ಯೆ ಮರುಕಳಿಸಿದರೆ ತಕ್ಷಣವೇ ವೈದ್ಯರ ಸಲಹೆ ಪಡೆಯಿರಿ.

. * ಆಂತರಿಕ ಶಕ್ತಿ ಸೋಂಕಿನಿಂದ ಕುಗ್ಗಿರುವುದರಿಂದ ವೈಯಕ್ತಿಕ ಸ್ವಚ್ಛತೆಯ ಕಡೆಗೆ ಗಮನಹರಿಸುವುದು ಬಹಳ ಮುಖ್ಯ ಪಾತ್ರ ವಹಿಸುತ್ತದೆ.

. * ಆತ್ಮಸ್ಥೈರ್ಯ, ಮನೋಬಲ, ಸಕಾರಾತ್ಮಕ ಚಿಂತನೆಯಿಂದ ಯಾವುದೇ ಸೋಂಕಿನಿಂದ ಹೊರಬರಲು ಸಾಧ್ಯ ಎಂಬುದನ್ನು ಮನಗೊಳ್ಳಬೇಕಿದೆ.

. ಲೇಖಕರು-ಡಾ.ಜೆ.ಡಿ.ಸ್ಮಿತಾ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್-19 ಸೋಂಕಿತರು ಗುಣಮುಖರಾದ ಮೇಲೆ ಮರುಸೋಂಕಿನ ಬಗ್ಗೆ ಎಚ್ಚರಿಕೆ ಇರಲಿ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ