ಇಸ್ಲಾಂ ಧರ್ಮದ ‘ಝಿನಾ’ (ಗಂಡ–ಹೆಂಡತಿಯ ಲೈಂಗಿಕ ಸಂಬಂಧ ಹೊರತುಪಡಿಸಿ ವಿವಾಹಬಾಹಿರ ಹಾಗೂ ವಿವಾಹಕ್ಕೂ ಮುಂಚಿನ ಲೈಂಗಿಕ ಸಂಬಂಧ) ಕುರಿತು ಉಲ್ಲೇಖಿಸಿದ ನ್ಯಾಯಾಲಯವು, ‘ಇಸ್ಲಾಂನಲ್ಲಿ ಮದುವೆಗೆ ಮುಂಚಿನ ಲೈಂಗಿಕತೆ, ಪ್ರೀತಿಯ ಕ್ರಿಯೆಗಳಾದ ಚುಂಬನ, ಸ್ಪರ್ಶ, ದಿಟ್ಟಿಸಿ ನೋಡುವುದು ಇತ್ಯಾದಿ ‘ಹರಾಮ್’ (ನಿಷಿದ್ಧ) ಆಗಿರುತ್ತವೆ. ಏಕೆಂದರೆ, ಇಂತಹ ಕ್ರಿಯೆಗಳನ್ನು ‘ಝಿನಾ’ದ ಭಾಗಗಳನ್ನಾಗಿ ಪರಿಗಣಿಸಲಾಗಿದೆ. ಕುರಾನ್ನ (ಅಧ್ಯಾಯ 24) ಪ್ರಕಾರ, ಅಂತಹ ಅಪರಾಧ ಮಾಡುವ ಅವಿವಾಹಿತ ಗಂಡು ಮತ್ತು ಹೆಣ್ಣಿಗೆ ನೂರು ಹೊಡೆತಗಳ ಶಿಕ್ಷೆಯನ್ನು ಮತ್ತು ವಿವಾಹಿತ ಗಂಡು ಮತ್ತ ಹೆಣ್ಣಿಗೆ ಕಲ್ಲು ಎಸೆದು ಸಾಯಿಸುವ ಶಿಕ್ಷೆಯನ್ನು ವಿಧಿಸಲಾಗಿದೆ’ ಎಂದೂ ಹೇಳಿದೆ.