ಜಮೀನಿನಲ್ಲಿ ಸಿಕ್ಕ ವಜ್ರದ ಕಲ್ಲುಗಳಿಂದ ಶ್ರೀಮಂತರಾದ ಕಾರ್ಮಿಕರು

ಜರುವಾಪುರ ಗಣಿ ಪ್ರದೇಶದಲ್ಲಿ ದಿಲೀಪ್ ಮಿಸ್ತ್ರಿಗೆ 7.44 ಕ್ಯಾರೆಟಿನ ಹಾಗೂ ಕಲ್ಯಾಣಪುರ ಪ್ರದೇಶದಲ್ಲಿ ಲಖನ್ ಯಾದವ್ ಕೃಷ್ಣ ಎಂಬುವರಿಗೆ 14.98 ಕ್ಯಾರೆಟ್ ವಜ್ರದ ಕಲ್ಲು ದೊರೆತಿದೆ ಎಂದು ಸರ್ಕಾರಿ ವಜ್ರ ಪರಿಶೋಧಕ ಅನುಪಮ್ ಸಿಂಗ್ ತಿಳಿಸಿದ್ದಾರೆ.

ಈಗಾಗಲೇ ವಜ್ರದ ಕಲ್ಲುಗಳನ್ನು ಇಲ್ಲಿನ ಸರ್ಕಾರಿ ಕಚೇರಿಯಲ್ಲಿ ಹರಾಜಿಗೆ ಇಡಲಾಗಿದೆ. 7.44 ಕ್ಯಾರೆಟಿನ ವಜ್ರದ ಕಲ್ಲಿಗೆ ಸುಮಾರು ₹ 30 ಲಕ್ಷ, ಹಾಗೂ 14.98 ಕ್ಯಾರೆಟಿನ ವಜ್ರದ ಕಲ್ಲಿಗೆ ಸುಮಾರು ₹ 60 ಲಕ್ಷ ರೂಪಾಯಿ ಸಿಗಲಿದೆ ಎಂದು ಅಂದಾಜಿಸಿದ್ದಾರೆ. ಇದರಲ್ಲಿ ಶೇ 12 ರಷ್ಟು ತೆರಿಗೆಯನ್ನು ಕಡಿತ ಮಾಡಿ ಉಳಿದ ಹಣವನ್ನು ಆ ಇಬ್ಬರು ಕಾರ್ಮಿಕರಿಗೆ ನೀಡಲಾಗುವುದು ಎಂದು ಅನುಪಮ್ ಸಿಂಗ್‌ ಹೇಳಿದ್ದಾರೆ.

ನಮ್ಮ ಪರಿಶ್ರಮಕ್ಕೆ ಫಲ ಸಿಕ್ಕಿದೆ. ಈ ಹಣದಲ್ಲಿ ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಸುವುದಾಗಿ ಆ ಕಾರ್ಮಿಕರು ತಿಳಿಸಿದ್ದಾರೆ.