ಬುಧವಾರ, ಮೇ 18, 2022
28 °C
’ಆಕ್ಸ್‌ಫರ್ಡ್‌ ಲ್ಯಾಂಗ್ವೇಜಸ್‌‘ನಿಂದ ನಾಮನಿರ್ದೇಶನ

‘ಆತ್ಮನಿರ್ಭರತಾ’; 2020ನೇ ಸಾಲಿನ ಹಿಂದಿ ಪದ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ‘ಆತ್ಮನಿರ್ಭರತಾ’ (ಸ್ವಾವಲಂಬನೆ) ಶಬ್ದವನ್ನು 2020ನೇ ಸಾಲಿನ ‘ಹಿಂದಿ ಪದ’ ಎಂಬುದಾಗಿ ‘ಆಕ್ಸ್‌ಫರ್ಡ್‌ ಲ್ಯಾಂಗ್ವೇಜಸ್‌’ ಘೋಷಿಸಿದೆ.

ಕೋವಿಡ್‌ ಪಿಡುಗಿನ ವಿರುದ್ಧ ಕೋಟ್ಯಂತರ ಭಾರತೀಯರು ನಿತ್ಯವೂ ಹೋರಾಡಿ, ಜಯ ಸಾಧಿಸಿ, ಈ ಶಬ್ದವನ್ನು ಜನಮಾನಸದಲ್ಲಿ ಕಾಯಂ ಆಗುವಂತೆ ಮಾಡಿದ್ದಾರೆ ಎಂದು ‘ಆಕ್ಸ್‌ಫರ್ಡ್‌ ಲ್ಯಾಂಗ್ವೇಜಸ್‌’ ಹೇಳಿದೆ.

‘ಆಕ್ಸ್‌ಫರ್ಡ್‌ ಲ್ಯಾಂಗ್ವೇಜಸ್‌’ ವಿಶ್ವದ ವಿವಿಧ ಭಾಷೆಗಳ ಕುರಿತ ಮಾಹಿತಿಯನ್ನು ಸಂಗ್ರಹಿಸಿ, ಪ್ರಚುರಪಡಿಸುವ ಸಂಸ್ಥೆ. ಭಾಷಾತಜ್ಞರಾದ ಕೃತ್ತಿಕಾ ಅಗರ್‌ವಾಲ್‌, ಪೂನಂ ನಿಗಮ್‌ ಸಹಾಯ್‌ ಹಾಗೂ ಇಮೋಜೆನ್‌ ಫಾಕ್ಸ್‌ವೆಲ್‌ ಅವರನ್ನೊಳಗೊಂಡ ಸಲಹಾ ಸಮಿತಿ ಈ ಪದವನ್ನು ಆಯ್ಕೆ ಮಾಡಿದೆ.

‘ಕೋವಿಡ್‌–19 ವ್ಯಾಪಕವಾಗುತ್ತಿರುವ ಆರಂಭಿಕ ದಿನಗಳಲ್ಲಿ, ದೇಶದ ಆರ್ಥಿಕತೆಗೆ ಪುನಶ್ಚೇತನ ನೀಡಲು ಪ್ರಧಾನಿ ನರೇಂದ್ರ ಮೋದಿ ಅವರು ವಿಶೇಷ ಪ್ಯಾಕೇಜ್‌ ಘೋಷಿಸಿದರು. ವೈಯಕ್ತಿಕವಾಗಿ, ಸಾಮಾಜಿಕ ಹಾಗೂ ಒಂದು ರಾಷ್ಟ್ರವಾಗಿ ಸ್ವಾವಲಂಬನೆ ಸಾಧಿಸುವುದನ್ನು ಅವರು ಪ್ರತಿಪಾದಿಸಿದರು. ಅದನ್ನು ವಿವರಿಸಲು ಅವರು ‘ಆತ್ಮನಿರ್ಭರತಾ’ ಪದವನ್ನು ಬಳಸಿದರು’ ಎಂದು ಆಕ್ಸ್‌ಫರ್ಡ್‌ ಲ್ಯಾಂಗ್ವೇಜಸ್‌ ಪ್ರಕಟಣೆಯಲ್ಲಿ ತಿಳಿಸಿದೆ.

ಈ ಹಿಂದಿನ ವರ್ಷಗಳಲ್ಲಿ ಆಧಾರ್‌ (2017), ನಾರಿಶಕ್ತಿ (2018) ಹಾಗೂ ಸಂವಿಧಾನ (2019) ಪದಗಳನ್ನು ಈ ಸಂಸ್ಥೆ ವರ್ಷದ ಹಿಂದಿ ಪದಗಳು ಎಂದು ಗುರುತಿಸಿತ್ತು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು