ಕೇಂದ್ರ ನೌಕರರಿಗೆ ಬೋನಸ್‌

ಅರೆಸೇನಾ ಪಡೆ ಮತ್ತು ಸಶಸ್ತ್ರ ಪಡೆಯ ಸಿಬ್ಬಂದಿಯೂ ಬೋನಸ್‌ಗೆ ಅರ್ಹರು ಎಂದು ಕೇಂದ್ರ ಹಣಕಾಸು ಸಚಿವಾಲಯದ ವೆಚ್ಚ ಇಲಾಖೆಯ ಹೇಳಿಕೆಯು ತಿಳಿಸಿದೆ.

2021ರ ಮಾರ್ಚ್‌ 31ರವರೆಗೆ ಕರ್ತವ್ಯದಲ್ಲಿದ್ದ ಮತ್ತು ಆ ವರೆಗೆ ಕನಿಷ್ಠ ಆರು ತಿಂಗಳು ಕರ್ತವ್ಯ ನಿರ್ವಹಿಸಿರುವ ಸಿಬ್ಬಂದಿಯು ಬೋನಸ್‌ಗೆ ಅರ್ಹರಾಗುತ್ತಾರೆ.

ಕೇಂದ್ರ ಸರ್ಕಾರದ ಗ್ರೂಪ್‌ ಸಿ ಮತ್ತು ಗ್ರೂಪ್‌ ಬಿಯಲ್ಲಿರುವ ಗೆಜೆಟೆಡ್‌ ಅಲ್ಲದ ಸಿಬ್ಬಂದಿಗೆ ಈ ಬೋನಸ್‌ ನೀಡಲಾಗುತ್ತದೆ. ಆದರೆ, ಅವರು ಉತ್ಪಾದನೆ ಆಧಾರಿತ ಬೋನಸ್ ಯೋಜನೆಯ ವ್ಯಾಪ್ತಿಯಲ್ಲಿ ಇರಬಾರದು.

ತಿಂಗಳಿಗೆ ಲೆಕ್ಕ ಹಾಕಲಾಗುವ ಬೋನಸ್‌ನ ಗರಿಷ್ಠ ಮೊತ್ತವನ್ನು ₹7,000 ಎಂದು ನಿಗದಿ ಮಾಡಲಾಗಿದೆ.

2021ರ ಮಾರ್ಚ್‌ 31ರ ಒಳಗೆ ಕೆಲಸಕ್ಕೆ ರಾಜೀನಾಮೆ ಕೊಟ್ಟವರು, ನಿವೃತ್ತರಾದವರು ಅಥವಾ ಮೃತಪ‍ಟ್ಟವರ ಪೈಕಿ ರಾಜೀನಾಮೆ ಕೊಟ್ಟವರಿಗೆ ಬೋನಸ್‌ಗೆ ಅರ್ಹತೆ ಇಲ್ಲ. ನಿವೃತ್ತರಾದವರು, ವೈದ್ಯಕೀಯ ಕಾರಣದಿಂದ ನಿವೃತ್ತಿ ತೆಗೆದುಕೊಂಡವರಿಗೆ ಮಾತ್ರ ಬೋನಸ್‌ ದೊರೆಯುತ್ತದೆ. ಆದರೆ, ಅವರು ಆ ಆರ್ಥಿಕ ವರ್ಷದಲ್ಲಿ ಕನಿಷ್ಠ ಆರು ತಿಂಗಳು ಕರ್ತವ್ಯ
ನಿರ್ವಹಿಸಿರಬೇಕು.