ಚಂಡೀಗಡ: ಪಂಜಾಬ್‌ನ ತರ್ನ ತರನ್‌ ಜಿಲ್ಲೆಯ ಅಂತರರಾಷ್ಟ್ರೀಯ ಗಡಿಯಲ್ಲಿ ಪಾಕಿಸ್ತಾನಿ ನುಸುಳುಕೋರನೊಬ್ಬನ‌ನ್ನು ಗಡಿ ಭದ್ರತಾ ಪಡೆಯು ಗುಂಡಿಕ್ಕಿ ಹತ್ಯೆಗೈದಿದೆ.
‘ಶನಿವಾರ ಬೆಳಿಗ್ಗೆ 2.30ರ ಸುಮಾರಿಗೆ ಅಂತರರಾಷ್ಟ್ರೀಯ ಗಡಿಯ ಬಳಿ ಅನುಮಾನಾಸ್ಪದ ಚಟುವಟಿಕೆಗಳನ್ನು ಬಿಎಸ್‌ಎಫ್‌ ಯೋಧರು ಗಮನಿಸಿದರು. ಹೀಗಾಗಿ, ಗುಂಡಿನ ದಾಳಿ ನಡೆಸಿದರು’ ಎಂದು ಹೇಳಿದ್ದಾರೆ.
‘ಘಟನಾ ಸ್ಥಳದಿಂದ 14 ಹೆರಾಯಿನ್‌ ಪ್ಯಾಕೆಟ್‌, ಪಿಸ್ತೂಲ್‌ನ ಆರು ಸುತ್ತಿನ ಗುಂಡುಗಳು, ಎರಡು ಮೊಬೈಲ್‌ ಫೋನ್‌ಗಳನ್ನು ವಶಕ್ಕೆ ಪಡೆಯಲಾಗಿದೆ’ ಎಂದು ಅವರು ಮಾಹಿತಿ ನೀಡಿದ್ದಾರೆ.
