ಫ್ಯಾಬ್ ಇಂಡಿಯಾ ಕಂಪನಿಯು ತನ್ನದೊಂದು ಜಾಹೀರಾತನ್ನು ಹಿಂದಕ್ಕೆ ಪಡೆದು ಕೆಲವೇ ದಿನಗಳಲ್ಲಿ ಈ ಪ್ರಸಂಗ ನಡೆದಿದೆ. ಈ ಜಾಹೀರಾತಿನಲ್ಲಿ ಇಬ್ಬರು ಯುವತಿಯರು ತಮ್ಮ ಮೊದಲ ಕರ್ವಾ ಚೌತ್ ಆಚರಣೆಗೆ ಸಿದ್ಧರಾಗುವ ಚಿತ್ರಣ ಇತ್ತು. ಯುವತಿಯರ ಪೈಕಿ ಒಬ್ಬಳು, ಫೆಮ್ ಕ್ರೀಮ್ಅನ್ನು ಇನ್ನೊಬ್ಬಳ ಮುಖಕ್ಕೆ ಹಚ್ಚುತ್ತಾಳೆ. ಇಬ್ಬರೂ ಕರ್ವಾ ಚೌತ್ ಆಚರಣೆಯ ಮಹತ್ವದ ಬಗ್ಗೆ ಚರ್ಚಿಸುತ್ತಾರೆ. ಆಗ ಅಲ್ಲಿ ಇನ್ನೊಬ್ಬಳು ಮಹಿಳೆ ಬಂದು, ಇಬ್ಬರಿಗೂ ಸೀರೆಯನ್ನು ಉಡುಗೊರೆಯಾಗಿ ನೀಡುತ್ತಾಳೆ. ನಂತರದಲ್ಲಿ ಇಬ್ಬರೂ ಯುವತಿಯರು ಗಂಡ–ಹೆಂಡತಿ ರೀತಿಯಲ್ಲಿ ಪರಸ್ಪರ ಎದುರಾಗಿ ಕುಳಿತುಕೊಂಡಿರುವ ದೃಶ್ಯಗಳೂ ಇದ್ದವು.