ದೆಹಲಿ: ಕಿರುತೆರೆ ನಟಿಯನ್ನು ಹಿಂಬಾಲಿಸಿದ ಆರೋಪದಡಿ ನಾಲ್ವರ ಬಂಧನ

‘ಪ್ರಾಚಿ ಟೆಹ್ಲಾನ್‌ ಅವರು ಸೋಮವಾರ ಮಧ್ಯರಾತ್ರಿ ಪತಿಯೊಂದಿಗೆ ಮನೆಗೆ ತೆರಳುತ್ತಿದ್ದ ವೇಳೆ ಅವರ ಕಾರನ್ನು ಹಿಂಬಾಲಿಸಲಾಗಿದೆ. ಪ್ರಾಚಿ ಅವರು ಪ್ರಶಾಂತ್‌ ವಿಹಾರದಲ್ಲಿರುವ ತಮ್ಮ ನಿವಾಸಕ್ಕೆ ತಲುಪುತ್ತಿದ್ದಂತೆ ಕೆಲವು ಯುವಕರು ವಾಹನದಿಂದ ಇಳಿದು, ಪ್ರಾಚಿ ಅವರಿಗೆ ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾರೆ’ ಎಂದು ಹಿರಿಯ ಪೊಲೀಸ್‌ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದರು.

‘ಈ ಸಂಬಂಧ ಪ್ರಾಚಿ ಅವರು ಮಂಗಳವಾರ ಬೆಳಿಗ್ಗೆ ದೂರು ಸಲ್ಲಿಸಿದ್ದಾರೆ. ದೂರಿನ ಆಧಾರದ ಮೇರೆಗೆ ನಾಲ್ವರು ಆರೋಪಿಗಳನ್ನು ಬಂಧಿಸಲಾಗಿದೆ. ಈ ಘಟನೆ ನಡೆದ ಸಂದರ್ಭದಲ್ಲಿ ಆರೋಪಿಗಳು ಮದ್ಯಸೇವಿಸಿದ್ದರು’ ಎಂದು ಅವರು ಹೇಳಿದರು.