ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ದಿನೇದಿನೇ ಏರುಗತಿಯಲ್ಲಿ ಸಾಗಿದ್ದ ಕೊರೊನಾ ಸೋಂಕು ಹರಡುವಿಕೆ ಹಾಗೂ ಸಾವಿನ ಸಂಖ್ಯೆಯು ಮಂಗಳವಾರ ಇಳಿಮುಖವಾಗಿದೆ.
ಮಂಗಳವಾರ ಸಂಜೆಯವರೆಗೆ ಕೊರೊನಾ ಪರೀಕ್ಷೆಗೆ ಒಳಗಾಗಿದ್ದ 74,654 ಜನರ ಪೈಕಿ 19,953 (ಶೇ 26.73) ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ. ಈ ಅವಧಿಯಲ್ಲಿ 18,788 ಜನ ಗುಣಮುಖರಾಗಿದ್ದಾರೆ. ಒಟ್ಟು 90,419 ಸಕ್ರಿಯ ಪ್ರಕರಣಗಳಿವೆ.
ಸತತ ಮೂರು ದಿನಗಳ ಕಾಲ 400ರ ಗಡಿ ದಾಟಿದ್ದ ಸಾವಿನ ಸಂಖ್ಯೆಯೂ ಕಡಿಮೆಯಾಗಿದ್ದು, 338ಕ್ಕೆ ಇಳಿದಿದೆ.
ಶೇ 35ಕ್ಕಿಂತ ಅಧಿಕ ಪ್ರಮಾಣ ತಲುಪಿದ್ದ ಸೋಂಕಿಗೆ ಒಳಗಾಗುವವರ ಪ್ರಮಾಣ ಮಂಗಳವಾರದಿಂದ ಕಡಿಮೆಯಾಗಿರುವುದೂ ಜನರ ಆತಂಕ ಕಡಿಮೆ ಮಾಡಿ, ಸಮಾಧಾನ.