ದೆಹಲಿಯ ಜಾಮಾ ಮಸೀದಿ ದೇಶದ ಅತಿದೊಡ್ಡ ಮಸೀದಿಯಲ್ಲ: ಇತಿಹಾಸಕಾರರ ಅಭಿಪ್ರಾಯ
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ‘ದೆಹಲಿಯಲ್ಲಿರುವ ಜಾಮಾ ಮಸೀದಿಯು ದೇಶದ ಅತಿದೊಡ್ಡ ಮಸೀದಿಯಲ್ಲ’ ಎಂದು ಹಲವು ಇತಿಹಾಸಕಾರರು ಅಭಿಪ್ರಾಯಪಟ್ಟಿದ್ದಾರೆ.
‘ನಗರದಲ್ಲಿ ಅಳವಡಿಸಲಾಗಿರುವ ಹಲವು ಹೋರ್ಡಿಂಗ್‌ಗಳು ಹಾಗೂ ದೆಹಲಿ ಪ್ರವಾಸೋದ್ಯಮದ ವೆಬ್‌ಸೈಟ್‌ನಲ್ಲಿ ಜಾಮಾ ಮಸೀದಿಯನ್ನು ಅತಿದೊಡ್ಡ ಮಸೀದಿ ಎಂದು ಸಂಬೋಧಿಸಲಾಗಿದೆ. ಆದರೆ ಈ ಶ್ರೇಯವು ಭೋಪಾಲ್‌ನಲ್ಲಿರುವ ತಾಜ್‌–ಉಲ್‌–ಮಸೀದಿಗೆ ಸೇರಬೇಕು’ ಎಂದು ಇತಿಹಾಸಕಾರರು ಹೇಳಿದ್ದಾರೆ.
ಜಾಮಾ ಮಸೀದಿಯನ್ನು 1656ರಲ್ಲಿ ಮೊಘಲ್‌ ದೊರೆ ಶಹಾಜಹಾನ್‌ ಕಟ್ಟಿಸಿದ್ದರು. ತಾಜ್‌ ಉಲ್‌ ಮಸೀದಿಯನ್ನು ಶಹಾಜಹಾನ್‌ ಬೇಗಂ ಅವರ ಕಾಲಾವಧಿಯಲ್ಲಿ (1868 ರಿಂದ 1901) ನಿರ್ಮಿಸಲಾಗಿತ್ತು.
‘ದೆಹಲಿ ಸರ್ಕಾರದವರೇ, ಜಾಮಾ ಮಸೀದಿಯು ಭಾರತದ ಅತಿದೊಡ್ಡ ಮಸೀದಿಯಲ್ಲ. ಈ ಶ್ರೇಯ ಭೋಪಾಲ್‌ನ ತಾಜ್‌ ಉಲ್‌ ಮಸೀದಿಗೆ ಸಲ್ಲುತ್ತದೆ’ ಎಂದು ದೆಹಲಿಯ ಇತಿಹಾಸಕಾರ ಸೊಹೈಲ್‌ ಹಶ್ಮಿ ಇತ್ತೀಚೆಗೆ ಫೇಸ್‌ಬುಕ್‌ನಲ್ಲಿ ಬರೆದುಕೊಂಡಿದ್ದರು.
ದಾರುಲ್‌ ಉಲೂಮ್‌ನ ಪ್ರೊ.ಹಸನ್‌ ಖಾನ್‌ ಅವರು ಸೊಹೈಲ್‌ ಅವರ ಹೇಳಿಕೆಗೆ ಸಹಮತ ವ್ಯಕ್ತಪಡಿಸಿದ್ದಾರೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
