ವಾಯವ್ಯ ಮತ್ತು ಕೇಂದ್ರ ಭಾರತದ ಗರಿಷ್ಠ ತಾಪಮಾನದಲ್ಲಿ ಮುಂದಿನ 2–3 ದಿನಗಳಲ್ಲಿ ಭಾರಿ ಬದಲಾವಣೆ ಕಾಣಿಸದು. ಆ ಬಳಿಕ 2–3 ಡಿಗ್ರಿ ಸೆಲ್ಸಿಯಸ್ನಷ್ಟು ಹೆಚ್ಚಳವಾಗಬಹುದು. ಮಹಾರಾಷ್ಟ್ರ ಹಾಗೂ ರಾಜಸ್ಥಾನದ ಕೆಲವಡೆ ಬುಧವಾರದ ಬಳಿಕ ಬಿಸಿ ಗಾಳಿ ಪರಿಸ್ಥಿತಿ ಮರುಕಳಿಸುವ ಸಾಧ್ಯತೆಯೂ ಇದೆ ಎಂದು ಇಲಾಖೆಯ ಪ್ರಕಟಣೆ ತಿಳಿಸಿದೆ.
ವಾಯವ್ಯ ಮತ್ತು ಮಧ್ಯ ಭಾರತದಲ್ಲಿ 5 ದಿನಗಳು ಮತ್ತು ಪೂರ್ವ ಭಾರತದಲ್ಲಿ ಮುಂದಿನ 3 ದಿನ ಬಿಸಿ ಗಾಳಿ ಇರಲಿದ್ದು, ಆ ಬಳಿಕ ತಗ್ಗಲಿದೆ ಎಂದು ಇಲಾಖೆ ಏಪ್ರಿಲ್ 29ರಂದು ಹೇಳಿತ್ತು. ಅದಾಗಿ ಕೆಲವು ದಿನಗಳಲ್ಲಿ ದೇಶದ ಹಲವೆಡೆ ಗರಿಷ್ಠ ತಾಪಮಾನ ವರದಿಯಾಗಿತ್ತು.