ಮಹಾರಾಷ್ಟ್ರ: ಶಂಕಿತ ಭಯೋತ್ಪಾದಕನ ಬಂಧನ

ಈ ಬಗ್ಗೆ ಮಾಹಿತಿ ನೀಡಿರುವ ಎಟಿಎಸ್‌ನ ಹಿರಿಯ ಅಧಿಕಾರಿಯೊಬ್ಬರು, ‘ಶಂಕಿತ ಉಗ್ರ ಜುನೈದ್‌ ಎಂಬಾತ ಪುಣೆಯ ನಿವಾಸಿಯಾಗಿದ್ದು, ಸಾಮಾಜಿಕ ಜಾಲತಾಣದ ಮೂಲಕ ಎಲ್‌ಇಟಿಯೊಂದಿಗೆ ನಂಟು ಹೊಂದಿದ್ದ. ಭಯೋತ್ಪಾದನಾ ನಿಧಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಜುನೈದ್‌ನನ್ನು ಬಂಧಿಸಲಾಗಿದೆ’ ಎಂದು ತಿಳಿಸಿದರು.

‘ಬಂಧಿತನನ್ನು ಪುಣೆಯ ನ್ಯಾಯಲಯಕ್ಕೆ ಹಾಜರುಪಡಿಸಲಾಗಿತ್ತು. ಸದ್ಯ ಆತನನ್ನು ವಿಚಾರಣೆಗಾಗಿ ಜೂನ್‌ 3ರ ವರೆಗೆ ಎಟಿಎಸ್‌ ಕಸ್ಟಡಿಗೆ ಒಪ್ಪಿಸಲಾಗಿದೆ’ ಎಂದು ಮತ್ತೊಬ್ಬ ಅಧಿಕಾರಿ ಮಾಹಿತಿ ನೀಡಿದರು.