₹ 2.17 ಕೋಟಿ ಮೌಲ್ಯದ ಡ್ರಗ್ಸ್‌ ಸಾಗಣೆ: ನೇಪಾಳ ಮೂಲದ ವ್ಯಕ್ತಿ ಬಂಧನ

ಮಹಾರಾಜಗಂಜ್ : ಸುಮಾರು ₹ 2.17 ಕೋಟಿ ಮೌಲ್ಯದ 6.1 ಕೆ.ಜಿ ಚರಸ್‌ (ಮಾದಕ ವಸ್ತು) ಸಾಗಿಸುತ್ತಿದ್ದ ಆರೋಪದ ಮೇಲೆ ವ್ಯಕ್ತಿಯೊಬ್ಬರನ್ನು ಉತ್ತರ ಪ್ರದೇಶದ ಸೊನೌಲಿ ಪಟ್ಟಣದ ಗಡಿಭಾಗದಲ್ಲಿ ಭಾನುವಾರ ಬಂಧಿಸಲಾಗಿದೆ. 

‘ನೇಪಾಳ ಮೂಲದ ಸೋಮ್ ಬಹದ್ದೂರ್ ಬಂಧಿತ ‌ವ್ಯಕ್ತಿ. ಈತ ನೇಪಾಳದಿಂದ ದೆಹಲಿಗೆ ಈ ವಸ್ತುಗಳನ್ನು ಸಾಗಿಸಲು ಸಂಚು ರೂಪಿಸಿದ್ದ. ಈ ಪ್ರಕರಣದ ಜಾಲ ಭೇದಿಸಲು ನೇಪಾಳದ ನೆರವು ಕೋರಲಾಗಿದೆ’ ಎಂದು ಸೊನೌಲಿ ಪೊಲೀಸರು ತಿಳಿಸಿದ್ದಾರೆ.