ನವದೆಹಲಿ (ಪಿಟಿಐ): ನಿಷೇಧಿತ ಪಿಎಫ್‌ಐ ಸಂಘಟನೆಗೆ ಸೇರಿದ ಮತ್ತೊಬ್ಬ ವ್ಯಕ್ತಿಯನ್ನು ಬಿಹಾರದಲ್ಲಿ ಬಂಧಿಸಲಾಗಿದೆ ಎಂದು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಭಾನುವಾರ ತಿಳಿಸಿದೆ.
ಪೂರ್ವ ಚಂಪಾರಣದ ಮೆಹಸೀ ಮೂಲದ ಮೊಹದ್‌ ಇರ್ಷದ್‌ ಆಲಂ ಬಂಧಿತ ಆರೋಪಿ. ಇದರೊಂದಿಗೆ ಫುಲ್ವಾರಿ ಷರೀಫ್‌–ಬಿಹಾರ ಪಿಎಫ್‌ಐ ಪ್ರಕರಣದಲ್ಲಿ 13 ಮಂದಿಯನ್ನು ಬಂಧಿಸಿದಂತಾಗಿದೆ ಎಂದು ಎನ್‌ಐಎ ವಕ್ತಾರರು ತಿಳಿಸಿದ್ದಾರೆ.
ಬಂಧಿತ ಆಲಂ ಪಿಎಫ್‌ಐ ದೈಹಿಕ ತರಬೇತುದಾರ ಯಾಕುಬ್‌ ಖಾನ್‌ ಅಲಿಯಾಸ್‌ ಉಸ್ಮಾನ್ ಸಹಚರ ಎಂದು ತಿಳಿಸಿದ್ದಾರೆ.
