ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಸಾಂಬಾ ಜಿಲ್ಲೆಯ ಅಂತರ ರಾಷ್ಟ್ರೀಯ ಗಡಿಯಲ್ಲಿ ಪಾಕಿಸ್ತಾನ ನುಸುಳುಕೋರನೊಬ್ಬನನ್ನು ಗಡಿ ಕಾವಲು ಪಡೆಯ (ಬಿಎಸ್ಎಫ್) ಯೋಧರು ಹತ್ಯೆಗೈದಿದ್ದಾರೆ.
ರಾಮಘಡ ಸೆಕ್ಟರ್ನ ಮಲ್ಲುಚಕ್ ಬಾರ್ಡರ್ನ ಔಟರ್ ಪೋಸ್ಟ್ ಪ್ರದೇಶದಲ್ಲಿ ಘಟನೆ ನಡೆದಿದೆ. ಕಳೆದ ವರ್ಷ ನವೆಂಬರ್ನಿಂದ ಇಲ್ಲಿಯ ವರೆಗೆ ಇಂತಹ ಮೂರನೇ ಘಟನೆ ನಡೆದಿದೆ ಎಂದು ಬಿಎಸ್ಎಫ್ ವಕ್ತಾರರು ಮಾಹಿತಿ ನೀಡಿದ್ದಾರೆ.
ಮಂಗಳವಾರ ಮಧ್ಯಾಹ್ನ 3.55ರ ಹೊತ್ತಿಗೆ ಪಾಕಿಸ್ತಾನದ ಲೆಹ್ರಿ ಕಲನ್ ಗ್ರಾಮದಿಂದ ಆಕ್ರಮಣಕಾರಿಯಾಗಿ ಚಲಿಸುತ್ತಾ ಬಂದ ವ್ಯಕ್ತಿ ಅಂತರ ರಾಷ್ಟ್ರೀಯ ಗಡಿ ಬೇಲಿಯನ್ನು ದಾಟಿ ಭಾರತೀಯ ಭೂಪ್ರದೇಶಕ್ಕೆ ಪ್ರವೇಶಿಸಿದ್ದರು.
ವ್ಯಕ್ತಿಯನ್ನು ಪತ್ತೆ ಹಚ್ಚಿದ ಬಿಎಸ್ಎಫ್ ಯೋಧರು ಎಚ್ಚರಿಕೆ ರವಾನಿಸಿದರು. ಆದರೆ ಆತ ಪರಾರಿಯಾಗಲು ಯತ್ನಿಸಿದ ವೇಳೆ ಗುಂಡು ಹಾರಿಸಲಾಯಿತು.