20 ಸಾವಿರ ವಲಸೆ ಕಾರ್ಮಿಕರಿಗೆ ವಸತಿ ಸೌಲಭ್ಯ: ಸೋನು ಸೂದ್‌

ಲಾಕ್‌ಡೌನ್‌ ಸಂದರ್ಭದಲ್ಲಿ ಸಾವಿರಾರು ವಲಸೆ ಕಾರ್ಮಿಕರು ತಮ್ಮ ಮನೆ ತಲುಪಲು ಸಾರಿಗೆ ವ್ಯವಸ್ಥೆಯ ಸಹಾಯ ಮಾಡಿದ್ದ ಸೂದ್‌, ಇದೀಗ ವಸತಿ ಸೌಲಭ್ಯ ಕಲ್ಪಿಸುವ ಕುರಿತು ಇನ್‌ಸ್ಟಾಗ್ರಾಮ್‌ ಮುಖಾಂತರ ಮಾಹಿತಿ ನೀಡಿದ್ದಾರೆ. ಜೊತೆಗೆ ಈ ಕಾರ್ಮಿಕರಿಗೆ ಸ್ಥಳೀಯ ಜವಳಿ ಕೈಗಾರಿಕೆಗಳಲ್ಲಿ ಕೆಲಸ ನೀಡಲಾಗಿದೆ ಎಂದು ಸೂದ್‌ ತಿಳಿಸಿದ್ದಾರೆ.

‘ಎನ್‌ಎಇಸಿ ಅಧ್ಯಕ್ಷ ಲಲಿತ್‌ ತುಕ್ರಾಲ್‌ ಅವರ ಬೆಂಬಲದೊಂದಿಗೆ ಈ ವ್ಯವಸ್ಥೆಯನ್ನು ಕಲ್ಪಿಸಲಾಗುತ್ತಿದ್ದು, ಕಾರ್ಮಿಕರಿಗೆ ಆರೋಗ್ಯಕರ ವಸತಿ ಸೌಲಭ್ಯವನ್ನೇ ನೀಡಲಾಗುವುದು’ ಎಂಬ ಭರವಸೆಯನ್ನು ನೀಡಿದ್ದಾರೆ. ಲಾಕ್‌ಡೌನ್‌ ವೇಳೆ ಕಾರ್ಮಿಕರಿಗೆ ನೆರವಾಗಲು ಟೋಲ್‌ಫ್ರಿ ಹಾಗೂ ವಾಟ್ಸ್‌ಆ್ಯಪ್‌ ಸಹಾಯವಾಣಿಯನ್ನು ಆರಂಭಿಸಿದ್ದ ಸೂದ್‌, ಕಾರ್ಮಿಕರು ಉದ್ಯೋಗ ಹುಡುಕಲು ಹೊಸ ಆ್ಯಪ್‌ ಕೂಡಾ ಬಿಡುಗಡೆ ಮಾಡಿದ್ದರು.