ಹೈದರಾಬಾದ್: ತಿರುಮಲದಲ್ಲಿ ಡ್ರೋನ್ಗಳ ಚಲನವಲನದ ತ್ವರಿತ ಪತ್ತೆಗಾಗಿ ಡ್ರೋನ್ ನಿರೋಧಕ ವ್ಯವಸ್ಥೆ (ಎನ್ಎಡಿಎಸ್) ಅಳವಡಿಸಿಕೊಳ್ಳಲು ತಿರುಮಲ ತಿರುಪತಿ ದೇವಸ್ಥಾನ ಆಡಳಿತದ ಅಧಿಕಾರಿಗಳು ನಿರ್ಧರಿಸಿದ್ದಾರೆ.
ಡ್ರೋನ್ ಬಳಸಿ ಚಿತ್ರಿಸಲಾಗಿದ್ದ ದೇವಸ್ಥಾನದ ಪಕ್ಷಿನೋಟದ ದೃಶ್ಯಗಳು ಕಳೆದ ವಾರ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದ್ದವರು. ಇದರ ಹಿಂದೆಯೇ ಜಾಗೃತಗೊಂಡಿರುವ ಅಧಿಕಾರಿಗಳು ಈ ಬಗ್ಗೆ ಚಿಂತನೆ ನಡೆಸಿದ್ದಾರೆ.
ಎನ್ಎಡಿಎಸ್ ಸೌಲಭ್ಯ ಪಡೆಯುವ ನಿಟ್ಟಿನಲ್ಲಿ ಭಾರತ್ ಎಲೆಕ್ಟ್ರಾನಿಕ್ಸ್ (ಬಿಇಎಲ್) ಜೊತೆಗೆ ಮಾತುಕತೆ ನಡೆದಿದೆ ಎಂದು ಟಿಟಿಡಿ ಆಡಳಿತ ಮಂಡಳಿಯ ಕಾರ್ಯನಿರ್ವಾಹಕ ಅಧಿಕಾರಿ ಧರ್ಮ ರೆಡ್ಡಿ ಸುದ್ದಿಗಾರರಿಗೆ ತಿಳಿಸಿದರು.