ಶಹಜಹಾನ್‌ಪುರ: ನಪುಂಸಕತ್ವವನ್ನು ಮುಚ್ಚಿಟ್ಟು ಮದುವೆ ಮಾಡಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿ ಪತಿ ಸೇರಿದಂತೆ 7 ಮಂದಿ ವಿರುದ್ಧ ಉತ್ತರ ಪ್ರದೇಶದ ಶಹಜಹಾನ್‌ಪುರದಲ್ಲಿ ಎಫ್‌ಐಆರ್‌ ದಾಖಲಿಸಲಾಗಿದೆ.
ಪುವಯಾನ್‌ ಪೊಲೀಸ್‌ ಠಾಣಾ ವ್ಯಪ್ತಿಯ ಗ್ರಾಮವೊಂದರ ಯುವತಿಯು ಶಹಜಹಾನ್‌ಪುರದ ಹುಡುಗನನ್ನು ಮದುವೆಯಾಗಿದ್ದರು. ಸಂಸಾರ ಆರಂಭಿಸಿದ ಬಳಿಕ ಗಂಡನಿಗೆ ನಪುಂಸಕತ್ವವಿರುವುದು ತಿಳಿದುಬಂದಿದೆ. ಈ ಸಂಬಂಧ ತನ್ನನ್ನು ವಂಚಿಸಿ ಮದುವೆ ಮಾಡಿಕೊಳ್ಳಲಾಗಿದೆ ಎಂದು ಯುವತಿ ದೂರು ದಾಖಲಿಸಿದ್ದಾರೆ.
ಗಂಡನ ನಪುಂಸಕತ್ವದ ಬಗ್ಗೆ ಸಂಬಂಧಿಗಳ ಬಳಿ ಹೇಳಿಕೊಂಡಾಗ ತನ್ನ ಮೇಲೆಯೇ ದಾಳಿ ನಡೆಸಿದ್ದರು ಮತ್ತು ಈ ವಿಚಾರವನ್ನು ಹೊರಗೆ ಹೇಳಿದರೆ ಕೊಲ್ಲುವುದಾಗಿ ಬೆದರಿಕೆ ಒಡ್ಡಿದ್ದರು ಎಂದು ಯುವತಿ ದೂರಿದ್ದಾರೆ.
ಯುವತಿಯ ಕುಟುಂಬವು ₹ 10 ಲಕ್ಷ ನಗದು ಸೇರಿದಂತೆ ಮನೆಗೆ ಅಗತ್ಯ ಪೀಠೋಪಕರಣಗಳನ್ನು ಉಡುಗೊರೆ ರೂಪದಲ್ಲಿ ನೀಡಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
