ರಾಜ್ಯದಲ್ಲಿ 435 ಸರ್ಕಾರಿ ಕಾಲೇಜುಗಳ ಪೈಕಿ 1ರಲ್ಲಿ ಮಾತ್ರ ಕಾಯಂ ಪ್ರಾಂಶುಪಾಲ ಇದ್ದಾರೆ. ಉಳಿದ ಕಡೆ ಪ್ರಭಾರ ಪ್ರಾಂಶುಪಾಲರು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. 12 ವರ್ಷಗಳಿಂದ ಕಾಯಂ ಪ್ರಾಂಶುಪಾಲರ ನೇಮಕ ಆಗಿಲ್ಲ. ಯುಜಿಸಿ ನಿಯಮದ ನೆಪವೊಡ್ಡಿ ಪ್ರಾಂಶುಪಾಲರ ಹುದ್ದೆಗಳಿಗೆ ಅಧ್ಯಾಪಕರುಗಳಿಗೆ ನೀಡುತ್ತಿದ್ದ ಪದೋನ್ನತಿಯನ್ನು ನಿರಾಕರಿಸಲಾಗಿತ್ತು. ಇದೀಗ ವಯೋಮಿತಿ ನಿಗದಿಪಡಿಸಿ ನೇಮಕಾತಿ ಅಧಿಸೂಚನೆ ಹೊರಡಿಸಿದ್ದರಿಂದ ಅಧ್ಯಾಪಕ ವರ್ಗದಲ್ಲಿ ನಿರಾಶೆ ಮೂಡಿದೆ. ಅಲ್ಲದೆ, ಪ್ರಾಂಶುಪಾಲ ಹುದ್ದೆಗಳು ಸರ್ಕಾರಿ ಕಾಲೇಜುಗಳ ಹೆಚ್ಚಿನ ಅಧ್ಯಾಪಕರಿಗೆ ದೊರೆಯುವುದೇ ಅನುಮಾನ ಎಂಬ ಸ್ಥಿತಿ ನಿರ್ಮಾಣವಾಗಿದೆ ಎಂದೂ ಮನವಿಯಲ್ಲಿ ಸಂಘ ಹೇಳಿದೆ.