ಬೆಂಗಳೂರು: ಕಪ್ಪು ಶಿಲೀಂಧ್ರ (ಬ್ಲ್ಯಾಕ್ ಫಂಗಸ್) ರೋಗದ ಚಿಕಿತ್ಸೆಗೆ ವಿವಿಧ ರಾಜ್ಯಗಳಿಗೆ ಹೆಚ್ಚುವರಿಯಾಗಿ ಒಟ್ಟು 30,100 ಎಂಫೋಟೆರಿಸಿನ್-ಬಿ ವಯಲ್ಸ್ಗಳನ್ನು ಕೇಂದ್ರ ಸರ್ಕಾರ ಸೋಮವಾರ ಹಂಚಿಕೆ ಮಾಡಿದೆ. ಅದರಲ್ಲಿ ರಾಜ್ಯಕ್ಕೆ 1,930 ಹಂಚಿಕೆ ಮಾಡಲಾಗಿದೆ.
ಈ ರೋಗದ ಚಿಕಿತ್ಸೆಗೆ ಈವರೆಗೆ ರಾಜ್ಯಕ್ಕೆ ಕೇಂದ್ರ ಸರ್ಕಾರ 12,710 ವಯಲ್ಸ್ ಹಂಚಿಕೆ ಮಾಡಿದೆ. ವಿವಿಧ ರಾಜ್ಯಗಳಲ್ಲಿರುವ ಕಪ್ಪು ಶಿಲೀಂದ್ರ ರೋಗಿಗಳ ಸಂಖ್ಯೆ ಆಧರಿಸಿ ಕೇಂದ್ರ ಸರ್ಕಾರ ಈ ಔಷಧವನ್ನು ಹಂಚಿಕೆ ಮಾಡುತ್ತಿದೆ.
ಉಳಿದಂತೆ, ಮಹಾರಾಷ್ಟ್ರಕ್ಕೆ 5,900 ಗುಜರಾತ್ಗೆ 5,630, ರಾಜಸ್ಥಾನ 3,670, ಮಧ್ಯಪ್ರದೇಶಕ್ಕೆ 1,920, ಉತ್ತರಪ್ರದೇಶಕ್ಕೆ 1,710, ಆಂಧ್ರಪ್ರದೇಶಕ್ಕೆ 1,600, ತೆಲಂಗಾಣ ಮತ್ತು ಹರಿಯಾಣಕ್ಕೆ ತಲಾ 1,200, ದೆಹಲಿಗೆ 1,190 ವಯಲ್ಸ್ಗಳನ್ನು ಕೇಂದ್ರ ಹಂಚಿಕೆ ಮಾಡಿದೆ.