ಮೈಸೂರು: ‘ಡ್ರಗ್ಸ್‌ ದಂಧೆ ವಿಚಾರವಾಗಿ ವಕೀಲ ಪ್ರಶಾಂತ್‌ ಸಂಬರಗಿ ಕೆಲವರ ಹೆಸರನ್ನು ಬಹಿರಂಗಪಡಿಸಿದ್ದು, ಆ ಪಟ್ಟಿಯಲ್ಲಿರುವ ಶಾಸಕ ಜಮೀರ್ ಅಹ್ಮದ್ ಅವರನ್ನು ಪೊಲೀಸರು ಇನ್ನೂ ಏಕೆ ವಿಚಾರಣೆ ನಡೆಸಿಲ್ಲ’ ಎಂದು ಸಂಸದ ಪ್ರತಾಪಸಿಂಹ ಗುರುವಾರ ಇಲ್ಲಿ ಪ್ರಶ್ನಿಸಿದರು.
‘ಕೇವಲ ಇಬ್ಬರು ನಟಿಯರನ್ನು ಕೂರಿಸಿಕೊಂಡು ವಿಚಾರಣೆ ನಡೆಸಿದರೆ ಸಾಲದು. ಇಡೀ ಜಾಲದ ಆಳಕ್ಕೆ ಇಳಿಯಬೇಕು. ಬೇಕಿದ್ದರೆ ಮೊದಲು ಸಂಬರಗಿ ಅವರನ್ನೇ ವಿಚಾರಣೆ ಮಾಡಲಿ. ಅವರು ಹೇಳಿರುವುದರಲ್ಲಿ ಸತ್ಯವಿದೆ ಎನಿಸಿದರೆ ನಂತರ ಉಳಿದವರನ್ನು ವಿಚಾರಣೆಗೆ ಕರೆಯಲಿ’ ಎಂದರು.
