ಮೈಸೂರು: ಇಲ್ಲಿನಮಾನಸಗಂಗೋತ್ರಿಯ ಲಲಿತಕಲಾ ಕಾಲೇಜಿನ ಆವರಣದಲ್ಲಿ ನಡೆದ ರಾಜ್ಯಮಟ್ಟದ ‘ಯುವಜನೋತ್ಸವ–2022’ದಲ್ಲಿಮಂಗಳೂರು ವಿಶ್ವವಿದ್ಯಾಲಯವು ಸಮಗ್ರ ಪ್ರಶಸ್ತಿ ಪಡೆದು ಚಾಂಪಿಯನ್ ಆಗಿ ಹೊರಹೊಮ್ಮಿದೆ.ಬಾಗಲಕೋಟೆ ತೋಟಗಾರಿಕೆ ವಿಜ್ಞಾನ ವಿಶ್ವವಿದ್ಯಾಲಯ 2ನೇ ಹಾಗೂ ಮೈಸೂರು ವಿಶ್ವವಿದ್ಯಾಲಯವು 3ನೇ ಸ್ಥಾನ ಪಡೆದಿವೆ.
ಮೈಸೂರು ವಿಶ್ವವಿದ್ಯಾಲಯದ ರಾಷ್ಟ್ರೀಯ ಸೇವಾ ಯೋಜನೆ, ಯುವ ಸಬಲೀಕರಣ ಹಾಗೂ ಕ್ರೀಡಾ ಇಲಾಖೆಯು ಗುರುವಾರ ಆಯೋಜಿಸಿದ್ದ ಉತ್ಸವದ ಸಮಾರೋಪದಲ್ಲಿ ವಿಜೇತ ತಂಡ ಹಾಗೂ ಸ್ಪರ್ಧಿಗಳಿಗೆ ಟ್ರೋಫಿ ಹಾಗೂ ಪ್ರಶಸ್ತಿ ಪ್ರಮಾಣ ಪತ್ರವನ್ನು ಮೈಸೂರು ವಿ.ವಿ ಕುಲಸಚಿವ ಪ್ರೊ.ಆರ್‌.ಶಿವಪ್ಪ, ಮಹಾರಾಜ ಕಾಲೇಜು ಪ್ರಾಂಶುಪಾಲರಾದ ಪ್ರೊ.ಅನಿಟ ವಿಮ್ಲಾ ಬ್ರ್ಯಾಗ್ಸ್ ವಿತರಿಸಿದರು.
ಫಲಿತಾಂಶ
ವಸ್ತುಪ್ರದರ್ಶನ: 1. ಮಂಗಳೂರು ವಿ.ವಿ, 2. ಕರ್ನಾಟಕ ವಿ.ವಿ ಧಾರವಾಡ, 3. ಮೈಸೂರು ವಿ.ವಿ.ಪ್ರಹಸನ: 1.ತೋಟಗಾರಿಕೆ ವಿ.ವಿ ಬಾಗಲಕೋಟೆ, 2.ಮಂಗಳೂರು ವಿ.ವಿ, 3.ಮೈಸೂರು ವಿ.ವಿ.ರಸಪ್ರಶ್ನೆ: 1.ರಾಜೀವ್‌ ಗಾಂಧಿ ವಿ.ವಿ ಬೆಂಗಳೂರು, 2.ಕರ್ನಾಟಕ ವಿ.ವಿ, 3. ತೋಟಗಾರಿಕೆ ವಿ.ವಿ
