<p>ಬಿಸಿಲ ಝಳಕ್ಕೆ ಬೆಂದು ಬಸವಳಿದಿದ್ದ ಬೆಳಗಾವಿ ಜಿಲ್ಲೆಯ ಸವದತ್ತಿಯ ಇಳೆಗೆ ಎರಡು ವಾರಗಳ ಹಿಂದೆ ವರುಣ ಕೃಪೆ ತೋರಿದ್ದೇ ತಡ... ಮೂಲೆಯೊಂದರಲ್ಲಿ ಸದ್ದುಗದ್ದಲವಿಲ್ಲದೇ ಅಡಗಿಕುಳಿತಿದಿದ್ದ ಹೆಸರೇ ಇಲ್ಲದ ಜಲಪಾತವೊಂದು ನೀರಿನಿಂದ ಮಿಂದು ನೋಡುಗರನ್ನು ಪುಳಕಗೊಳಿಸುತ್ತಿದೆ.<br /> <br /> ತನ್ನ ಒಡಲಲ್ಲಿ ಕೆನೆಭರಿತ ಹಾಲಿನಂತೆ ನೊರೆಯನ್ನು ಉಕ್ಕಿಸುತ್ತ ದಾರಿಹೋಕರೆಲ್ಲ ಒಂದು ಕ್ಷಣ ತನ್ನತ್ತ ನೋಟ ಹರಿಸುವಂತೆ ಮಾಡುತ್ತಿದೆ. ಕೊರೆದಿಟ್ಟ ಬೆಟ್ಟದ ಸಾಲು, ವೈಶಿಷ್ಟ್ಯಪೂರ್ಣವಾದ ತಿರುವೊಂದರಲ್ಲಿ ಕಾಣಸಿಗುವ ಈ ಜಲಧಾರೆಯ ಸೊಬಗು ಯಲ್ಲಮ್ಮನಗುಡ್ಡಕ್ಕೆ ಹೋಗುವ ದಾರಿಯಲ್ಲಿ ಸಿಗುತ್ತದೆ.<br /> <br /> ಜೋಗುಳಬಾವಿಯಿಂದ ಅರ್ಧ ಕಿ.ಮೀ. ಅಂತರದಲ್ಲಿ ವಾಹನದಲ್ಲಿ ಸುಲಭವಾಗಿ ತಲುಪಬಹುದಾದ ಅಥವಾ ಕಾಲ್ನಡಿಗೆಯಲ್ಲಿ ಬರಬಹುದಾದ ಜಲಧಾರೆ ಇದು. ಸವದತ್ತಿಯಿಂದ 2 ಕಿ.ಮೀ.ಅಂತರದಲ್ಲಿ ರಮಣೀಯ ಪರಿಸರದಲ್ಲಿ ಇರುವ ಈ ಅನಾಮಧೇಯ ಜಲಪಾತ ಮಳೆಗಾಲದಲ್ಲಿ ಮಾತ್ರ ತನ್ನ ಇರುವಿಕೆಯನ್ನು ಸಾಬೀತುಪಡಿಸುತ್ತದೆ.<br /> <br /> ಆದರೆ ಈ ಬಾರಿ ವಾಯುಭಾರ ಕುಸಿತದಿಂದ ಉಂಟಾದ ಮಳೆಯಿಂದಾಗಿ ಬೇಸಿಗೆಯಲ್ಲೂ ನೋಡುಗರ ಕಣ್ಣು ತಂಪು ಮಾಡುತ್ತಿದೆ. ಅಕ್ಕಪಕ್ಕದ ಗದ್ದೆಗಳಲ್ಲೂ ತನ್ನ ಒನಪು ವೈಯಾರದಿಂದ ಹರಿಯುತ್ತಿದೆ. ದಾರಿಹೋಕರನೇಕರು ಇದರ ದಡದಲ್ಲಿ ತಾವು ಸ್ನಾನ ಮಾಡುವುದಲ್ಲದೇ, ವಾಹನಗಳಿಗೂ ಸ್ನಾನ ಮಾಡಿಸುತ್ತಿದ್ದಾರೆ.<br /> <br /> ಜಲಧಾರೆಯ ಸೊಬಗನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲೆಂದು ಹೊರಟೆ. ಆಗ ತಾನೆ ಮಳೆ ಸುರಿದಿದ್ದರಿಂದಾಗಿ ಬೆಟ್ಟದ ಕಲ್ಲುಗಳಲ್ಲಿ ಅಲ್ಲಲ್ಲಿ ನೀರು ಜಿನುಗುತ್ತಿತ್ತು. ಹಾಗೆಯೇ ಸಾವಕಾಶವಾಗಿ ಬೆಟ್ಟ ಏರತೊಡಗಿದೆ. ಒಂದು ಕ್ಷಣ ಎಲ್ಲಿ ಬಿದ್ದುಬಿಡುವೆನೋ ಎಂಬ ಭಯ ಕಾಡಿದರೂ ಚಾರಣಿಗರಂತೆ ಹತ್ತುವ ಹರಸಾಹಸ ಮಾಡಿದೆ.<br /> <br /> ವಾಹ್! ಎಂಥಾ ಸೊಬಗು ಅದು. ನಾಲ್ಕಾರು ರೀತಿಯ ತಿರುವುಗಳಲ್ಲಿ ರಭಸದಿಂದ ಹರಿಯುವ ಜಲಧಾರೆ ವಿಸ್ಮಯವನ್ನುಂಟು ಮಾಡುವಂತಿತ್ತು. ಮಲೆನಾಡಿನಲ್ಲಾದರೆ ಇಂಥ ಜಲಧಾರೆಗಳು ಅನೇಕ ಸಿಗುತ್ತವೆ, ಬಯಲುಸೀಮೆಯ ಜನರಿಗೆ ಅಲ್ಲೊಂದು ಇಲ್ಲೊಂದು ಕಾಣಸಿಗುತ್ತವೆ. ಅದೂ ಮಳೆಯಾದಾಗ ಮಾತ್ರ.<br /> <br /> ಇಂಥ ಅವಕಾಶ ಸಿಕ್ಕಾಗ ಕಷ್ಟವಾದರೂ ಸರಿ ಅದರ ಸೊಬಗು ಸವಿಯುವುದೇ ಚೆಂದ. ಯಲ್ಲಮ್ಮನಗುಡ್ಡಕ್ಕೆ ಸೇರಿರುವ ಸಂಗಪ್ಪನಕೊಳ್ಳದ ಮೂಲಕ ಹರಿದು ಜೋಗುಳಬಾವಿ ಹತ್ತಿರದ ತಿರುವಿನಲ್ಲಿ ಈ ಪ್ರಪಾತ ಸೃಷ್ಟಿಯಾಗಿದೆ. ಈ ಬೆಟ್ಟದಲ್ಲಿ ಸಾಮಾನ್ಯವಾಗಿ ಕುರಿಗಾಹಿಗಳು, ದನಕಾಯುವವರನ್ನು ಹೊರತುಪಡಿಸಿದರೆ ಬೇರಾರೂ ಇಲ್ಲಿ ಸಂಚರಿಸುವುದು ವಿರಳ.<br /> <br /> ಚಾರಣ ಹವ್ಯಾಸವುಳ್ಳವರು ಇಲ್ಲಿ ಬಂದರೆ ಇಡೀ ಬೆಟ್ಟದ ಹಾಗೂ ಜಲಧಾರೆಯ ಸೊಬಗನ್ನು ಅನುಭವಿಸಬಹುದು.<br /> ಯಲ್ಲಮ್ಮನಗುಡ್ಡಕ್ಕೆ ಬಂದು ಈ ಜಲಧಾರೆಯ ಸೊಬಗನ್ನು ಸವಿಯಿರಿ. ಸ್ವಂತ ವಾಹನದಲ್ಲಿ ಬಂದರೆ ನೇರವಾಗಿ ಜಲಧಾರೆ ಸಂದರ್ಶನ ಮಾಡಬಲ್ಲಿರಿ. ಬಸ್ ಪ್ರಯಾಣವಾದಲ್ಲಿ ಜೋಗುಳಬಾವಿಗೆ ಇಳಿದು ಯಲ್ಲಮ್ಮನಗುಡ್ಡದತ್ತ ಕಾಲ್ನಡಿಗೆಯಲ್ಲಿ ಬರಬೇಕು.<br /> <br /> ಹ್ಞಾಂ... ಇಲ್ಲಿ ಬರುವಾಗ ತಿನ್ನಲು ತಿಂಡಿತಿನಿಸು ತನ್ನಿ. ಏಕೆಂದರೆ ಇಲ್ಲಿ ಹತ್ತಿರದಲ್ಲಿ ಎಲ್ಲೂ ಅಂಗಡಿ, ಹೋಟೆಲ್ಗಳಿಲ್ಲ.<br /> ಹಾಗೆಯೇ ಒಂದು ಮಾತು. ರಸ್ತೆಬದಿ ಬೆಟ್ಟದಲ್ಲಿ ಕೊರೆದಿಟ್ಟಂತೆ ಉಕ್ಕಿಬರುವ ಈ ಜಲಧಾರೆ ಪ್ರಕೃತಿ ವೈಭವದ ನಡುವೆ ಕಚಗುಳಿ ಇಡುವ ಮಳೆರಾಯನ ಆರ್ಭಟಕ್ಕೆ ಮಾತ್ರ ಮೈಯೊಡ್ಡಿ ಉಕ್ಕುತ್ತದೆ. ಮಳೆ ಕಡಿಮೆಯಾದಂತೆ ಇದರ ಪ್ರವಾಹ ತಗ್ಗುತ್ತ ಬರೀ ಮೈ ಗೋಚರಿಸುವುದು. ಆದ್ದರಿಂದ ಮಳೆಗಾಲದಲ್ಲಿ ಬಂದು ಇದರ ಸವಿ ಸವಿಯಬಹುದು. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬಿಸಿಲ ಝಳಕ್ಕೆ ಬೆಂದು ಬಸವಳಿದಿದ್ದ ಬೆಳಗಾವಿ ಜಿಲ್ಲೆಯ ಸವದತ್ತಿಯ ಇಳೆಗೆ ಎರಡು ವಾರಗಳ ಹಿಂದೆ ವರುಣ ಕೃಪೆ ತೋರಿದ್ದೇ ತಡ... ಮೂಲೆಯೊಂದರಲ್ಲಿ ಸದ್ದುಗದ್ದಲವಿಲ್ಲದೇ ಅಡಗಿಕುಳಿತಿದಿದ್ದ ಹೆಸರೇ ಇಲ್ಲದ ಜಲಪಾತವೊಂದು ನೀರಿನಿಂದ ಮಿಂದು ನೋಡುಗರನ್ನು ಪುಳಕಗೊಳಿಸುತ್ತಿದೆ.<br /> <br /> ತನ್ನ ಒಡಲಲ್ಲಿ ಕೆನೆಭರಿತ ಹಾಲಿನಂತೆ ನೊರೆಯನ್ನು ಉಕ್ಕಿಸುತ್ತ ದಾರಿಹೋಕರೆಲ್ಲ ಒಂದು ಕ್ಷಣ ತನ್ನತ್ತ ನೋಟ ಹರಿಸುವಂತೆ ಮಾಡುತ್ತಿದೆ. ಕೊರೆದಿಟ್ಟ ಬೆಟ್ಟದ ಸಾಲು, ವೈಶಿಷ್ಟ್ಯಪೂರ್ಣವಾದ ತಿರುವೊಂದರಲ್ಲಿ ಕಾಣಸಿಗುವ ಈ ಜಲಧಾರೆಯ ಸೊಬಗು ಯಲ್ಲಮ್ಮನಗುಡ್ಡಕ್ಕೆ ಹೋಗುವ ದಾರಿಯಲ್ಲಿ ಸಿಗುತ್ತದೆ.<br /> <br /> ಜೋಗುಳಬಾವಿಯಿಂದ ಅರ್ಧ ಕಿ.ಮೀ. ಅಂತರದಲ್ಲಿ ವಾಹನದಲ್ಲಿ ಸುಲಭವಾಗಿ ತಲುಪಬಹುದಾದ ಅಥವಾ ಕಾಲ್ನಡಿಗೆಯಲ್ಲಿ ಬರಬಹುದಾದ ಜಲಧಾರೆ ಇದು. ಸವದತ್ತಿಯಿಂದ 2 ಕಿ.ಮೀ.ಅಂತರದಲ್ಲಿ ರಮಣೀಯ ಪರಿಸರದಲ್ಲಿ ಇರುವ ಈ ಅನಾಮಧೇಯ ಜಲಪಾತ ಮಳೆಗಾಲದಲ್ಲಿ ಮಾತ್ರ ತನ್ನ ಇರುವಿಕೆಯನ್ನು ಸಾಬೀತುಪಡಿಸುತ್ತದೆ.<br /> <br /> ಆದರೆ ಈ ಬಾರಿ ವಾಯುಭಾರ ಕುಸಿತದಿಂದ ಉಂಟಾದ ಮಳೆಯಿಂದಾಗಿ ಬೇಸಿಗೆಯಲ್ಲೂ ನೋಡುಗರ ಕಣ್ಣು ತಂಪು ಮಾಡುತ್ತಿದೆ. ಅಕ್ಕಪಕ್ಕದ ಗದ್ದೆಗಳಲ್ಲೂ ತನ್ನ ಒನಪು ವೈಯಾರದಿಂದ ಹರಿಯುತ್ತಿದೆ. ದಾರಿಹೋಕರನೇಕರು ಇದರ ದಡದಲ್ಲಿ ತಾವು ಸ್ನಾನ ಮಾಡುವುದಲ್ಲದೇ, ವಾಹನಗಳಿಗೂ ಸ್ನಾನ ಮಾಡಿಸುತ್ತಿದ್ದಾರೆ.<br /> <br /> ಜಲಧಾರೆಯ ಸೊಬಗನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯಲೆಂದು ಹೊರಟೆ. ಆಗ ತಾನೆ ಮಳೆ ಸುರಿದಿದ್ದರಿಂದಾಗಿ ಬೆಟ್ಟದ ಕಲ್ಲುಗಳಲ್ಲಿ ಅಲ್ಲಲ್ಲಿ ನೀರು ಜಿನುಗುತ್ತಿತ್ತು. ಹಾಗೆಯೇ ಸಾವಕಾಶವಾಗಿ ಬೆಟ್ಟ ಏರತೊಡಗಿದೆ. ಒಂದು ಕ್ಷಣ ಎಲ್ಲಿ ಬಿದ್ದುಬಿಡುವೆನೋ ಎಂಬ ಭಯ ಕಾಡಿದರೂ ಚಾರಣಿಗರಂತೆ ಹತ್ತುವ ಹರಸಾಹಸ ಮಾಡಿದೆ.<br /> <br /> ವಾಹ್! ಎಂಥಾ ಸೊಬಗು ಅದು. ನಾಲ್ಕಾರು ರೀತಿಯ ತಿರುವುಗಳಲ್ಲಿ ರಭಸದಿಂದ ಹರಿಯುವ ಜಲಧಾರೆ ವಿಸ್ಮಯವನ್ನುಂಟು ಮಾಡುವಂತಿತ್ತು. ಮಲೆನಾಡಿನಲ್ಲಾದರೆ ಇಂಥ ಜಲಧಾರೆಗಳು ಅನೇಕ ಸಿಗುತ್ತವೆ, ಬಯಲುಸೀಮೆಯ ಜನರಿಗೆ ಅಲ್ಲೊಂದು ಇಲ್ಲೊಂದು ಕಾಣಸಿಗುತ್ತವೆ. ಅದೂ ಮಳೆಯಾದಾಗ ಮಾತ್ರ.<br /> <br /> ಇಂಥ ಅವಕಾಶ ಸಿಕ್ಕಾಗ ಕಷ್ಟವಾದರೂ ಸರಿ ಅದರ ಸೊಬಗು ಸವಿಯುವುದೇ ಚೆಂದ. ಯಲ್ಲಮ್ಮನಗುಡ್ಡಕ್ಕೆ ಸೇರಿರುವ ಸಂಗಪ್ಪನಕೊಳ್ಳದ ಮೂಲಕ ಹರಿದು ಜೋಗುಳಬಾವಿ ಹತ್ತಿರದ ತಿರುವಿನಲ್ಲಿ ಈ ಪ್ರಪಾತ ಸೃಷ್ಟಿಯಾಗಿದೆ. ಈ ಬೆಟ್ಟದಲ್ಲಿ ಸಾಮಾನ್ಯವಾಗಿ ಕುರಿಗಾಹಿಗಳು, ದನಕಾಯುವವರನ್ನು ಹೊರತುಪಡಿಸಿದರೆ ಬೇರಾರೂ ಇಲ್ಲಿ ಸಂಚರಿಸುವುದು ವಿರಳ.<br /> <br /> ಚಾರಣ ಹವ್ಯಾಸವುಳ್ಳವರು ಇಲ್ಲಿ ಬಂದರೆ ಇಡೀ ಬೆಟ್ಟದ ಹಾಗೂ ಜಲಧಾರೆಯ ಸೊಬಗನ್ನು ಅನುಭವಿಸಬಹುದು.<br /> ಯಲ್ಲಮ್ಮನಗುಡ್ಡಕ್ಕೆ ಬಂದು ಈ ಜಲಧಾರೆಯ ಸೊಬಗನ್ನು ಸವಿಯಿರಿ. ಸ್ವಂತ ವಾಹನದಲ್ಲಿ ಬಂದರೆ ನೇರವಾಗಿ ಜಲಧಾರೆ ಸಂದರ್ಶನ ಮಾಡಬಲ್ಲಿರಿ. ಬಸ್ ಪ್ರಯಾಣವಾದಲ್ಲಿ ಜೋಗುಳಬಾವಿಗೆ ಇಳಿದು ಯಲ್ಲಮ್ಮನಗುಡ್ಡದತ್ತ ಕಾಲ್ನಡಿಗೆಯಲ್ಲಿ ಬರಬೇಕು.<br /> <br /> ಹ್ಞಾಂ... ಇಲ್ಲಿ ಬರುವಾಗ ತಿನ್ನಲು ತಿಂಡಿತಿನಿಸು ತನ್ನಿ. ಏಕೆಂದರೆ ಇಲ್ಲಿ ಹತ್ತಿರದಲ್ಲಿ ಎಲ್ಲೂ ಅಂಗಡಿ, ಹೋಟೆಲ್ಗಳಿಲ್ಲ.<br /> ಹಾಗೆಯೇ ಒಂದು ಮಾತು. ರಸ್ತೆಬದಿ ಬೆಟ್ಟದಲ್ಲಿ ಕೊರೆದಿಟ್ಟಂತೆ ಉಕ್ಕಿಬರುವ ಈ ಜಲಧಾರೆ ಪ್ರಕೃತಿ ವೈಭವದ ನಡುವೆ ಕಚಗುಳಿ ಇಡುವ ಮಳೆರಾಯನ ಆರ್ಭಟಕ್ಕೆ ಮಾತ್ರ ಮೈಯೊಡ್ಡಿ ಉಕ್ಕುತ್ತದೆ. ಮಳೆ ಕಡಿಮೆಯಾದಂತೆ ಇದರ ಪ್ರವಾಹ ತಗ್ಗುತ್ತ ಬರೀ ಮೈ ಗೋಚರಿಸುವುದು. ಆದ್ದರಿಂದ ಮಳೆಗಾಲದಲ್ಲಿ ಬಂದು ಇದರ ಸವಿ ಸವಿಯಬಹುದು. <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
