ವಿಶೇಷವಾಗಿ ರೋಹಿತ್‌ ಗಾಂಧಿ ಮತ್ತು ರಾಹುಲ್ ಖನ್ನಾ ಅವರ ವಿನ್ಯಾಸಗಳನ್ನು ಬಾಲಿವುಡ್‌ ನಟ/ರೂಪದರ್ಶಿ ಆಯುಷ್ಮಾನ್‌ ಖುರಾನಾ ಮತ್ತು ದಿಶಾ ಪಟಾನಿ ಅವರು ಪ್ರದರ್ಶಿಸಿದ್ದು ಮನಮೋಹಕವಾಗಿತ್ತು. ಪಟಾನಿ, ಗನ್‌ಮೆಟಲ್‌ನ ಉದ್ದ ತೋಳಿನ ಮತ್ತು ವಿ (V) ನೆಕ್‌ ಶೇಪ್‌ನಲ್ಲಿ ಇಳಿಬಿಟ್ಟ, ಹೈ ಸ್ಲಿಟ್‌ ಸ್ಲಿಂಕಿ ಗೌನ್‌ನಲ್ಲಿ ಕಣ್ಮನ ಸೆಳೆದರು. ಅವರ ಜೊತೆ ಬ್ಲ್ಯಾಕ್‌ ಡಬಲ್‌ ಬ್ರೆಸ್ಟೆಡ್‌, ಒನ್‌ ಬಟನ್‌ನ ಮೊಣಕಾಲುದ್ದದ ಕೋಟು ತೊಟ್ಟು ನಟ ಆಯುಷ್ಮಾನ್‌ ಖುರಾನಾ ಮಿಂಚಿದರು. ಕೋಟ್‌ನ ತೋಳುಗಳ ಮೇಲೆ ಬಿಡಿಸಿದ ಚಿತ್ತಾರಗಳು ಭರ್ಜರಿ ಗಮನ ಸೆಳೆದವು.
