<p>ಹಾರ್ಡ್ ರಾಕ್ ಡಾನ್ಸ್ ಫ್ಲೋರ್ನಿಂದ ಹಿಡಿದು ಗಣೇಶ ವಿಸರ್ಜನೆಯ ಬ್ಯಾಂಡ್ ಮುಂದೆ ಕುಣಿಯುವ ಹುಡುಗರವರೆಗೆ `ಗೇಲ್ ಡಾನ್ಸ್~ ಕ್ರೇಜ್. ಎಲ್ಲರೂ ಕಾಲು ಕೈಗಳನ್ನು ಕ್ರಾಸ್ ಮಾಡಿಕೊಂಡು ಕುಣಿಯತೊಡಗಿದ್ದಾರೆ. ಅಣ್ಣಾ ಬಾಂಡ್ ಕನ್ನಡ ಹಾಡಿಗೂ ಹಾಗೆಯೇ ಹೆಜ್ಜೆ ಹಾಕಿ ಸಂಭ್ರಮಿಸಿದ್ದಾರೆ ಉದ್ಯಾನನಗರಿಯ ಯುವಕರು.<br /> <br /> ಭಾರತ-ಪಾಕಿಸ್ತಾನ ನಡುವಣ ಟ್ವೆಂಟಿ-20 ಪಂದ್ಯವನ್ನು ಕ್ಲಬ್ವೊಂದರಲ್ಲಿನ ಬೃಹತ್ ಪರದೆಯ ಮೇಲೆ ವೀಕ್ಷಿಸುತ್ತಿದ್ದ ಡ್ರಮ್ಮು ಹೊಟ್ಟೆಯ ಮಹನೀಯರು ಕೂಡ ಇದೇ ಕತ್ತರಿಗಾಲು ಡಾನ್ಸ್ ಮಾಡುವ ಸಾಹಸ ಮಾಡಿದ್ದರು. <br /> <br /> ಎಲ್ಲರೂ `ಗೇಲ್ ಡಾನ್ಸ್~ ಎಂದು ಉತ್ಸಾಹದಿಂದ ಅನುಕರಣೆ ಮಾಡಿದ್ದೂ ವಿಶೇಷ. ಪುಟಾಣಿ ಮಕ್ಕಳು ಕೂಡ ಎರಡು ವಾರದಿಂದೀಚೆಗೆ ಶಾಲೆ ಮೈದಾನದಲ್ಲಿ ಕ್ರಿಕೆಟ್ ಆಡುವಾಗ ವಿಕೆಟ್ ಪಡೆದಾಗ ಗೇಲ್ ರೀತಿಯಲ್ಲಿಯೇ ಹೆಜ್ಜೆ ಹಾಕತೊಡಗಿದ್ದಾರೆ. `ಗೇಲ್ ನ್ಯೂ ಡಾನ್ಸ್~ ಎಂದು ಇಂಗ್ಲೆಂಡ್ನ ಪತ್ರಿಕೆಗಳು ಕೂಡ ಈ ಸಿಂಪಲ್ ಸ್ಟೆಪ್ಪನ್ನು ವರ್ಣಿಸಿವೆ.<br /> <br /> ಹೀಗೆ ಅಲ್ಪ ಕಾಲದಲ್ಲಿ ಅದ್ಭುತ ಎನ್ನುವ ಮಟ್ಟದ ಪ್ರಚಾರ ಪಡೆದ `ಗೇಲ್ ಡಾನ್ಸ್~ ನಿಜವಾಗಿಯೂ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ಕ್ರಿಸ್ ಗೇಲ್ ಸೃಷ್ಟಿ ಅಲ್ಲ. ಇದು ದಕ್ಷಿಣ ಕೊರಿಯಾದ ರ್ಯಾಪ್ ಕಲಾವಿದ ಪಾರ್ಕ್ ಜಾನ್ ಸಾಂಗ್ ಅವರ ವಿಶಿಷ್ಟ ಪ್ರಯೋಗ. `ಗಾಂಗ್ನಾಮ್ ಸ್ಟೈಲ್~ ಎನ್ನುವ ಏಕವ್ಯಕ್ತಿ ಗಾನ-ನರ್ತನದ ವೀಡಿಯೊದಲ್ಲಿನ ಹೆಜ್ಜೆಯನ್ನೇ ಗೇಲ್ ಅನುಕರಿಸುತ್ತಿದ್ದಾರೆ. <br /> <br /> ಆದರೆ, ಸಾಂಗ್ ಅವರ ಮೂಲ ನೃತ್ಯಕ್ಕಿಂತ ಗೇಲ್ ಮಾಡಿರುವ ಅನುಕರಣೆ ಕ್ರಿಕೆಟ್ ಪ್ರೇಮಿಗಳಿಗೆ ಮೆಚ್ಚುಗೆಯಾಗಿದೆ. ಆದ್ದರಿಂದಲೇ ಈ ಸ್ಟೆಪ್ನ ಕ್ರೆಡಿಟ್ ಈಗ ಗೇಲ್ ಖಾತೆಗೆ ಸೇರಿಕೊಂಡಿದೆ.<br /> <br /> ಈ ನೃತ್ಯದ ನಿಜವಾದ ಸೊಗಸು ಕಾಣಬೇಕೆಂದರೆ `ಪ್ಸಿ~ ಅವರ `ಗಾಂಗ್ನಾಮ್ ಸ್ಟೈಲ್~ ವೀಕ್ಷಿಸಲೇಬೇಕು. ಕಳೆದ ಜುಲೈ 15ರಂದು ಬಿಡುಗಡೆಯಾದ ಈ ಹಾಡಿನ ವೀಡಿಯೊ ಜನರಿಗೆ ಎಷ್ಟೊಂದು ಇಷ್ಟವಾಯಿತೆಂದರೆ ಈಗಾಗಲೇ `ಯುಟ್ಯೂಬ್~ನಲ್ಲಿ ಮೂವತ್ತು ಕೋಟಿಗೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಅಷ್ಟೇ ಅಲ್ಲ, `ಕೆ-ಪಾಪ್~ ಚಾರ್ಟ್ನಲ್ಲಿ ಕಳೆದು ಎರಡು ತಿಂಗಳಿಂದ ಟಾಪ್ನಲ್ಲಿಯೇ ಇದೆ. ವಿಶ್ವಮಟ್ಟದಲ್ಲಿಯೂ ಇದರ ಜನಪ್ರಿಯತೆ ಏರಿಕೆಯಲ್ಲಿದೆ.<br /> <br /> ಇನ್ನೊಂದು ವಿಶೇಷವೆಂದರೆ ಕ್ಯಾಟಿ ಪೆರ್ರಿ, ಬ್ರಿಟ್ನಿ ಸ್ಪೀಯರ್ಸ್ ಹಾಗೂ ಟಾಮ್ ಕ್ರೂಸ್ ಅವರಂಥ ಖ್ಯಾತ ತಾರೆಗಳು ಕೂಡ ಅಂತರ್ಜಾಲದಲ್ಲಿನ ತಮ್ಮ ಪ್ರೊಫೈಲ್ನಲ್ಲಿ `ಗ್ಯಾಂಗ್ನಾಮ್ ಸ್ಟೈಲ್~ಗೆ ನೆಚ್ಚಿನ ವೀಡಿಯೊ ಸ್ಥಾನ ನೀಡಿದ್ದಾರೆ. ವಾಲ್ ಸ್ಟ್ರೀಟ್ ಜರ್ನಲ್ ಕೂಡ ಇದಕ್ಕೆ ಅಗ್ರಪಟ್ಟ ನೀಡಿದೆ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಾರ ಪಡೆದ ಸಾಂಗ್ ಹಾಡನ್ನು ಬೆಂಗಳೂರಿನ ಪಾಪ್ ಸಂಗೀತ ಪ್ರಿಯರೂ ಗುನುಗುತ್ತಿದ್ದಾರೆ.<br /> <br /> ತಿಂಗಳ ಹಿಂದೆ ಕೇವಲ ಕಾಲೇಜು ವಿದ್ಯಾರ್ಥಿಗಳು ಹಾಗೂ ಐಟಿ ಮಂದಿಯ ನಡುವೆ ಮಾತ್ರ ಸುಳಿದಾಡಿದ್ದ `ಗ್ಯಾಂಗ್ನಾಮ್ ಸ್ಟೈಲ್~ ಈಗ ಬೀದಿಯಲ್ಲಿ ಆಡುವ ಮಕ್ಕಳಿಗೂ ಅಚ್ಚುಮೆಚ್ಚು. ಅದಕ್ಕೆ ಕಾರಣ ಕ್ರಿಸ್ ಗೇಲ್ ಕ್ರಿಕೆಟ್ ಅಂಗಳದಲ್ಲಿ ಈ ಶೈಲಿಯನ್ನು ಅನುಕರಣೆ ಮಾಡಿದ್ದು. ನಿಧಾನವಾಗಿ ಗೇಲ್ಗೆ ಇಷ್ಟವಾದ ಈ ಪಾಪ್ ಗೀತೆಯ ನಿನಾದವು ಚೆಂಡು-ದಾಂಡಿನ ಆಟವನ್ನು ಇಷ್ಟಪಡುವ ಜನರ ಮನದ ಮನೆಯಲ್ಲಿ ಸದ್ದು ಮಾಡುತ್ತಿದೆ.<br /> <br /> <strong>ಯಾರಿದು `ಪಿಎಸ್ವೈ~?</strong><br /> `ಪ್ಸಿ~ (ಪಿಎಸ್ವೈ) ಇದು ಹೆಸರಲ್ಲ. `ಪ್ಸಿ~ ಎನ್ನುವ ದಕ್ಷಿಣ ಕೊರಿಯಾದ ಜನಪ್ರಿಯ ಸಂಗೀತ ಪ್ರದರ್ಶನ ತಂಡ. ಅದೇ ರ್ಯಾಪ್ ಡಾನ್ಸರ್ ಹಾಗೂ ಸಿಂಗರ್ ಪಾರ್ಕ್ ಜಾನ್ ಸಾಂಗ್ ಅವರ ಹೆಸರಿನೊಂದಿಗೆ ಅಂಟಿಕೊಂಡಿದೆ. ಹಾಸ್ಯದ ಲೇಪದೊಂದಿಗೆ ಗಾನಸುಧೆ ಹರಿಸುತ್ತ ಬಂದ ಸಾಂಗ್ ಅತಿ ಕಡಿಮೆ ಅವಧಿಯಲ್ಲಿ ಖ್ಯಾತಿಯ ಎತ್ತರಕ್ಕೆ ಏರಿದವರು. <br /> <br /> ಮೂವತ್ನಾಲ್ಕು ವರ್ಷ ವಯಸ್ಸಿನ, ಗುಂಡು ಗುಂಡಾಗಿರುವ ಯುವಕನ `ಎಕ್ಸ್ಟ್ರಾ~, `ಗುಡ್ ಸಂಡೆ~, `ಎಕ್ಸ್-ಮ್ಯಾನ್~, `ದಿ ಟುಡೆ~ ಶೋಗಳನ್ನು ಕಲಾ ಪ್ರೇಮಿಗಳು ಮೆಚ್ಚಿಕೊಂಡಿದ್ದಾರೆ. `ಗಾಂಗ್ನಾಮ್ ಸ್ಟೈಲ್~ ಅಂತೂ ಮಕ್ಕಳಿಂದ ಮುದುಕರವರೆಗೆ ಹುಚ್ಚೆದ್ದು ಕುಣಿಯುವಂತೆ ಮಾಡಿದೆ. ಈ ವೀಡಿಯೊ ವೀಕ್ಷಿಸಲು <a href="http://www.youtube.com/watch?v=9bZkp7q19f0">http://www.youtube.com/watch?v=9bZkp7q19f0</a> ನಲ್ಲಿ ಕ್ಲಿಕ್ ಮಾಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹಾರ್ಡ್ ರಾಕ್ ಡಾನ್ಸ್ ಫ್ಲೋರ್ನಿಂದ ಹಿಡಿದು ಗಣೇಶ ವಿಸರ್ಜನೆಯ ಬ್ಯಾಂಡ್ ಮುಂದೆ ಕುಣಿಯುವ ಹುಡುಗರವರೆಗೆ `ಗೇಲ್ ಡಾನ್ಸ್~ ಕ್ರೇಜ್. ಎಲ್ಲರೂ ಕಾಲು ಕೈಗಳನ್ನು ಕ್ರಾಸ್ ಮಾಡಿಕೊಂಡು ಕುಣಿಯತೊಡಗಿದ್ದಾರೆ. ಅಣ್ಣಾ ಬಾಂಡ್ ಕನ್ನಡ ಹಾಡಿಗೂ ಹಾಗೆಯೇ ಹೆಜ್ಜೆ ಹಾಕಿ ಸಂಭ್ರಮಿಸಿದ್ದಾರೆ ಉದ್ಯಾನನಗರಿಯ ಯುವಕರು.<br /> <br /> ಭಾರತ-ಪಾಕಿಸ್ತಾನ ನಡುವಣ ಟ್ವೆಂಟಿ-20 ಪಂದ್ಯವನ್ನು ಕ್ಲಬ್ವೊಂದರಲ್ಲಿನ ಬೃಹತ್ ಪರದೆಯ ಮೇಲೆ ವೀಕ್ಷಿಸುತ್ತಿದ್ದ ಡ್ರಮ್ಮು ಹೊಟ್ಟೆಯ ಮಹನೀಯರು ಕೂಡ ಇದೇ ಕತ್ತರಿಗಾಲು ಡಾನ್ಸ್ ಮಾಡುವ ಸಾಹಸ ಮಾಡಿದ್ದರು. <br /> <br /> ಎಲ್ಲರೂ `ಗೇಲ್ ಡಾನ್ಸ್~ ಎಂದು ಉತ್ಸಾಹದಿಂದ ಅನುಕರಣೆ ಮಾಡಿದ್ದೂ ವಿಶೇಷ. ಪುಟಾಣಿ ಮಕ್ಕಳು ಕೂಡ ಎರಡು ವಾರದಿಂದೀಚೆಗೆ ಶಾಲೆ ಮೈದಾನದಲ್ಲಿ ಕ್ರಿಕೆಟ್ ಆಡುವಾಗ ವಿಕೆಟ್ ಪಡೆದಾಗ ಗೇಲ್ ರೀತಿಯಲ್ಲಿಯೇ ಹೆಜ್ಜೆ ಹಾಕತೊಡಗಿದ್ದಾರೆ. `ಗೇಲ್ ನ್ಯೂ ಡಾನ್ಸ್~ ಎಂದು ಇಂಗ್ಲೆಂಡ್ನ ಪತ್ರಿಕೆಗಳು ಕೂಡ ಈ ಸಿಂಪಲ್ ಸ್ಟೆಪ್ಪನ್ನು ವರ್ಣಿಸಿವೆ.<br /> <br /> ಹೀಗೆ ಅಲ್ಪ ಕಾಲದಲ್ಲಿ ಅದ್ಭುತ ಎನ್ನುವ ಮಟ್ಟದ ಪ್ರಚಾರ ಪಡೆದ `ಗೇಲ್ ಡಾನ್ಸ್~ ನಿಜವಾಗಿಯೂ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ಕ್ರಿಸ್ ಗೇಲ್ ಸೃಷ್ಟಿ ಅಲ್ಲ. ಇದು ದಕ್ಷಿಣ ಕೊರಿಯಾದ ರ್ಯಾಪ್ ಕಲಾವಿದ ಪಾರ್ಕ್ ಜಾನ್ ಸಾಂಗ್ ಅವರ ವಿಶಿಷ್ಟ ಪ್ರಯೋಗ. `ಗಾಂಗ್ನಾಮ್ ಸ್ಟೈಲ್~ ಎನ್ನುವ ಏಕವ್ಯಕ್ತಿ ಗಾನ-ನರ್ತನದ ವೀಡಿಯೊದಲ್ಲಿನ ಹೆಜ್ಜೆಯನ್ನೇ ಗೇಲ್ ಅನುಕರಿಸುತ್ತಿದ್ದಾರೆ. <br /> <br /> ಆದರೆ, ಸಾಂಗ್ ಅವರ ಮೂಲ ನೃತ್ಯಕ್ಕಿಂತ ಗೇಲ್ ಮಾಡಿರುವ ಅನುಕರಣೆ ಕ್ರಿಕೆಟ್ ಪ್ರೇಮಿಗಳಿಗೆ ಮೆಚ್ಚುಗೆಯಾಗಿದೆ. ಆದ್ದರಿಂದಲೇ ಈ ಸ್ಟೆಪ್ನ ಕ್ರೆಡಿಟ್ ಈಗ ಗೇಲ್ ಖಾತೆಗೆ ಸೇರಿಕೊಂಡಿದೆ.<br /> <br /> ಈ ನೃತ್ಯದ ನಿಜವಾದ ಸೊಗಸು ಕಾಣಬೇಕೆಂದರೆ `ಪ್ಸಿ~ ಅವರ `ಗಾಂಗ್ನಾಮ್ ಸ್ಟೈಲ್~ ವೀಕ್ಷಿಸಲೇಬೇಕು. ಕಳೆದ ಜುಲೈ 15ರಂದು ಬಿಡುಗಡೆಯಾದ ಈ ಹಾಡಿನ ವೀಡಿಯೊ ಜನರಿಗೆ ಎಷ್ಟೊಂದು ಇಷ್ಟವಾಯಿತೆಂದರೆ ಈಗಾಗಲೇ `ಯುಟ್ಯೂಬ್~ನಲ್ಲಿ ಮೂವತ್ತು ಕೋಟಿಗೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಅಷ್ಟೇ ಅಲ್ಲ, `ಕೆ-ಪಾಪ್~ ಚಾರ್ಟ್ನಲ್ಲಿ ಕಳೆದು ಎರಡು ತಿಂಗಳಿಂದ ಟಾಪ್ನಲ್ಲಿಯೇ ಇದೆ. ವಿಶ್ವಮಟ್ಟದಲ್ಲಿಯೂ ಇದರ ಜನಪ್ರಿಯತೆ ಏರಿಕೆಯಲ್ಲಿದೆ.<br /> <br /> ಇನ್ನೊಂದು ವಿಶೇಷವೆಂದರೆ ಕ್ಯಾಟಿ ಪೆರ್ರಿ, ಬ್ರಿಟ್ನಿ ಸ್ಪೀಯರ್ಸ್ ಹಾಗೂ ಟಾಮ್ ಕ್ರೂಸ್ ಅವರಂಥ ಖ್ಯಾತ ತಾರೆಗಳು ಕೂಡ ಅಂತರ್ಜಾಲದಲ್ಲಿನ ತಮ್ಮ ಪ್ರೊಫೈಲ್ನಲ್ಲಿ `ಗ್ಯಾಂಗ್ನಾಮ್ ಸ್ಟೈಲ್~ಗೆ ನೆಚ್ಚಿನ ವೀಡಿಯೊ ಸ್ಥಾನ ನೀಡಿದ್ದಾರೆ. ವಾಲ್ ಸ್ಟ್ರೀಟ್ ಜರ್ನಲ್ ಕೂಡ ಇದಕ್ಕೆ ಅಗ್ರಪಟ್ಟ ನೀಡಿದೆ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರಚಾರ ಪಡೆದ ಸಾಂಗ್ ಹಾಡನ್ನು ಬೆಂಗಳೂರಿನ ಪಾಪ್ ಸಂಗೀತ ಪ್ರಿಯರೂ ಗುನುಗುತ್ತಿದ್ದಾರೆ.<br /> <br /> ತಿಂಗಳ ಹಿಂದೆ ಕೇವಲ ಕಾಲೇಜು ವಿದ್ಯಾರ್ಥಿಗಳು ಹಾಗೂ ಐಟಿ ಮಂದಿಯ ನಡುವೆ ಮಾತ್ರ ಸುಳಿದಾಡಿದ್ದ `ಗ್ಯಾಂಗ್ನಾಮ್ ಸ್ಟೈಲ್~ ಈಗ ಬೀದಿಯಲ್ಲಿ ಆಡುವ ಮಕ್ಕಳಿಗೂ ಅಚ್ಚುಮೆಚ್ಚು. ಅದಕ್ಕೆ ಕಾರಣ ಕ್ರಿಸ್ ಗೇಲ್ ಕ್ರಿಕೆಟ್ ಅಂಗಳದಲ್ಲಿ ಈ ಶೈಲಿಯನ್ನು ಅನುಕರಣೆ ಮಾಡಿದ್ದು. ನಿಧಾನವಾಗಿ ಗೇಲ್ಗೆ ಇಷ್ಟವಾದ ಈ ಪಾಪ್ ಗೀತೆಯ ನಿನಾದವು ಚೆಂಡು-ದಾಂಡಿನ ಆಟವನ್ನು ಇಷ್ಟಪಡುವ ಜನರ ಮನದ ಮನೆಯಲ್ಲಿ ಸದ್ದು ಮಾಡುತ್ತಿದೆ.<br /> <br /> <strong>ಯಾರಿದು `ಪಿಎಸ್ವೈ~?</strong><br /> `ಪ್ಸಿ~ (ಪಿಎಸ್ವೈ) ಇದು ಹೆಸರಲ್ಲ. `ಪ್ಸಿ~ ಎನ್ನುವ ದಕ್ಷಿಣ ಕೊರಿಯಾದ ಜನಪ್ರಿಯ ಸಂಗೀತ ಪ್ರದರ್ಶನ ತಂಡ. ಅದೇ ರ್ಯಾಪ್ ಡಾನ್ಸರ್ ಹಾಗೂ ಸಿಂಗರ್ ಪಾರ್ಕ್ ಜಾನ್ ಸಾಂಗ್ ಅವರ ಹೆಸರಿನೊಂದಿಗೆ ಅಂಟಿಕೊಂಡಿದೆ. ಹಾಸ್ಯದ ಲೇಪದೊಂದಿಗೆ ಗಾನಸುಧೆ ಹರಿಸುತ್ತ ಬಂದ ಸಾಂಗ್ ಅತಿ ಕಡಿಮೆ ಅವಧಿಯಲ್ಲಿ ಖ್ಯಾತಿಯ ಎತ್ತರಕ್ಕೆ ಏರಿದವರು. <br /> <br /> ಮೂವತ್ನಾಲ್ಕು ವರ್ಷ ವಯಸ್ಸಿನ, ಗುಂಡು ಗುಂಡಾಗಿರುವ ಯುವಕನ `ಎಕ್ಸ್ಟ್ರಾ~, `ಗುಡ್ ಸಂಡೆ~, `ಎಕ್ಸ್-ಮ್ಯಾನ್~, `ದಿ ಟುಡೆ~ ಶೋಗಳನ್ನು ಕಲಾ ಪ್ರೇಮಿಗಳು ಮೆಚ್ಚಿಕೊಂಡಿದ್ದಾರೆ. `ಗಾಂಗ್ನಾಮ್ ಸ್ಟೈಲ್~ ಅಂತೂ ಮಕ್ಕಳಿಂದ ಮುದುಕರವರೆಗೆ ಹುಚ್ಚೆದ್ದು ಕುಣಿಯುವಂತೆ ಮಾಡಿದೆ. ಈ ವೀಡಿಯೊ ವೀಕ್ಷಿಸಲು <a href="http://www.youtube.com/watch?v=9bZkp7q19f0">http://www.youtube.com/watch?v=9bZkp7q19f0</a> ನಲ್ಲಿ ಕ್ಲಿಕ್ ಮಾಡಬಹುದು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
