<p>ಪಂಡಿತ್ ಭೀಮಸೇನ ಜೋಶಿ ಎನ್ನುವ ಹೆಸರು ಪ್ರಸ್ತಾಪವಾದ ಕೂಡಲೇ ಸಂಗೀತ ಪ್ರೇಮಿಗಳ ಕಿವಿ ನಿಮಿರುತ್ತದೆ. ಹೆಸರಿಗೆ ತಕ್ಕಂತೆ ಸಂಗೀತದಲ್ಲೂ ‘ಭೀಮ ಛಾಪು’ ಮೂಡಿಸಿದ್ದ ಜೋಶಿಯವರು ಹಿಂದೂಸ್ತಾನಿ ಸಂಗೀತಕ್ಕೆ ಹೊಸ ಕಳೆ ತಂದವರು; ಆನೆ ನಡೆದ ಹಾದಿಯಂತೆ ತಮ್ಮದೇ ಘರಾನಾ ರೂಪಿಸಿಕೊಂಡು ವಿಶ್ವದಾದ್ಯಂತ ತಮ್ಮ ಸಂಗೀತದ ಸುಧೆ ಉಣಿಸಿದವರು. ಅಭಿಮಾನಿಗಳ ಪಾಲಿಗವರು ‘ಹಿಂದುಸ್ತಾನಿ ಸಂಗೀತದ ದಂತಕಥೆ’. ಇಂಥ ಮೇರು ಪ್ರತಿಭೆಯನ್ನು ನೆನಪಿಸಿಕೊಳ್ಳುವ ಕಾರ್ಯಕ್ರಮ ‘ಪಂಡಿತ್ ಭೀಮಸೇನ ಜೋಶಿ ಗಾನವೈಭವ’. <br /> <br /> ‘ವಸಂತ ಪ್ರಕಾಶನ’ ಹಮ್ಮಿಕೊಂಡಿರುವ ಈ ‘ಗಾನವೈಭವ’ ಮಾತಿನ ಮಂಟಪದ ಶ್ರದ್ಧಾಂಜಲಿ ಕಾರ್ಯಕ್ರಮವಲ್ಲ. ಇದು ಪಂಡಿತ್ಜಿ ಅವರನ್ನು ಅವರ ಶರೀರ- ಶಾರೀರದ ದರ್ಶನದ ಮೂಲಕ ನೆನಪಿಸುವ ಕಾರ್ಯಕ್ರಮ. ಇಲ್ಲಿ ಅವರ ಉತ್ತುಂಗದ ದಿನಗಳ ಸಂಗೀತ ಕಛೇರಿಯ ಆಯ್ದ ವಿಡಿಯೊ ತುಣುಕುಗಳ ಪ್ರದರ್ಶನ ಇರುತ್ತದೆ. ಪಂಡಿತ್ಜಿಯನ್ನು ಕಣ್ತುಂಬಿಕೊಳ್ಳುತ್ತಲೇ ಅವರ ಕಂಠಸಿರಿಯನ್ನು ಎದೆತುಂಬಿಕೊಳ್ಳುವ ಅಪೂರ್ವ ಅವಕಾಶವಿದು.<br /> <br /> ಮಾರುಕಟ್ಟೆಯಲ್ಲಿ ಲಭ್ಯವಿಲ್ಲದ ವಿಡಿಯೊಗಳನ್ನು ಖಾಸಗಿ ಸಂಗ್ರಹದಿಂದ ಪ್ರದರ್ಶನಕ್ಕಾಗಿ ಆರಿಸಿಕೊಳ್ಳಲಾಗಿದೆ. ಭೀಮಸೇನರ ಅಚ್ಚುಮೆಚ್ಚಿನ ರಾಗಗಳನ್ನೇ ಆರಿಸಿಕೊಂಡು ಪ್ರಸ್ತುತ ಪಡಿಸುತ್ತಿರುವುದು ವಿಶೇಷ. ತೋಡಿ, ರಾಮಕಲಿ, ಪುರಿಯಾ ಧನಾಶ್ರೀ, ಮುಲ್ತಾನಿ, ದರ್ಬಾರಿ, ಮಾಲಕೌಂಸ್, ಮಾರುಬಿಹಾಗ್, ಮಿಯಾಮಲ್ಹಾರ್- ಹೀಗೆ ಭೀಮಸೇನರ ಸಾಧನೆಯನ್ನು ಸ್ವರಗಳೇ ತಿಳಿಸಿಕೊಡುವ ಕಾರ್ಯಕ್ರಮವಿದು. ‘ಭೀಮಸೇನ ಜೋಶಿ ಗಾನವೈಭವ’ ಕಾರ್ಯಕ್ರಮದ ಹಿಂದೆ ಮತ್ತೊಂದು ಉದ್ದೇಶವೂ ಇದೆ. ಹೊಸ ತಲೆಮಾರಿನ ಸಂಗೀತಪ್ರೇಮಿಗಳಿಗೆ ಭೀಮಸೇನ ಜೋಶಿ (ಫೆ. 4,1920- ಜ. 24, 2011) ಅವರು ಧ್ವನಿಮುದ್ರಿಕೆಗಳ ಮೂಲಕವಷ್ಟೇ ಗೊತ್ತು. ಅನಾರೋಗ್ಯದಿಂದ ಬಳಲುತ್ತಿದ್ದ ಜೋಶಿಯವರು ಕಛೇರಿ ನೀಡುವುದನ್ನು ಬಿಟ್ಟು ವರ್ಷಗಳೇ ಆಗಿದ್ದವು. ಹಾಗಾಗಿ, ಪಂಡಿತ್ಜಿ ಅವರ ಕಛೇರಿಯ ಅನುಭವವನ್ನು ಹೊಸ ತಲೆಮಾರಿನ ಸಂಗೀತಪ್ರೇಮಿಗಳಿಗೆ ಕಟ್ಟಿಕೊಡುವ ಪ್ರಯತ್ನ ಇದು.</p>.<p><strong>ವಸಂತ ಪ್ರಕಾಶನ:</strong> ಶನಿವಾರ ಗಾನವೈಭವ. ಭೀಮಸೇನ ಜೋಶಿಯವರ ಸಂಗೀತ ಮತ್ತು ಮಾತಿನ ಧ್ವನಿಮುದ್ರಿಕೆ ಹಾಗೂ ವಿಡಿಯೊ ಪ್ರದರ್ಶನ. ಅವರ ಬದುಕು-ಸಾಧನೆ ಕುರಿತು ಕಥೆಗಾರ ಎಸ್.ದಿವಾಕರ್ ಬರೆದ ‘ಪಂಡಿತ್ ಭೀಮಸೇನ ಜೋಶಿ’ ಕೃತಿ ಲೋಕಾರ್ಪಣೆ. ಅತಿಥಿಗಳು: ಪಂಡಿತ್ ಪರಮೇಶ್ವರ ಹೆಗಡೆ, ಇತಿಹಾಸಕಾರ ಡಾ. ರಾಮಚಂದ್ರ ಗುಹಾ, ಪ್ರಜಾವಾಣಿ ಸಂಪಾದಕ ಕೆ. ಎನ್. ಶಾಂತಕುಮಾರ್.<br /> <br /> ಸ್ಥಳ: ಗಾಯನ ಸಮಾಜ, ಕೆ. ಆರ್. ರಸ್ತೆ, ಚಾಮರಾಜಪೇಟೆ. ಸಂಜೆ 6. ಮಾಹಿತಿಗೆ: 98863 99125, 99862 11308.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಪಂಡಿತ್ ಭೀಮಸೇನ ಜೋಶಿ ಎನ್ನುವ ಹೆಸರು ಪ್ರಸ್ತಾಪವಾದ ಕೂಡಲೇ ಸಂಗೀತ ಪ್ರೇಮಿಗಳ ಕಿವಿ ನಿಮಿರುತ್ತದೆ. ಹೆಸರಿಗೆ ತಕ್ಕಂತೆ ಸಂಗೀತದಲ್ಲೂ ‘ಭೀಮ ಛಾಪು’ ಮೂಡಿಸಿದ್ದ ಜೋಶಿಯವರು ಹಿಂದೂಸ್ತಾನಿ ಸಂಗೀತಕ್ಕೆ ಹೊಸ ಕಳೆ ತಂದವರು; ಆನೆ ನಡೆದ ಹಾದಿಯಂತೆ ತಮ್ಮದೇ ಘರಾನಾ ರೂಪಿಸಿಕೊಂಡು ವಿಶ್ವದಾದ್ಯಂತ ತಮ್ಮ ಸಂಗೀತದ ಸುಧೆ ಉಣಿಸಿದವರು. ಅಭಿಮಾನಿಗಳ ಪಾಲಿಗವರು ‘ಹಿಂದುಸ್ತಾನಿ ಸಂಗೀತದ ದಂತಕಥೆ’. ಇಂಥ ಮೇರು ಪ್ರತಿಭೆಯನ್ನು ನೆನಪಿಸಿಕೊಳ್ಳುವ ಕಾರ್ಯಕ್ರಮ ‘ಪಂಡಿತ್ ಭೀಮಸೇನ ಜೋಶಿ ಗಾನವೈಭವ’. <br /> <br /> ‘ವಸಂತ ಪ್ರಕಾಶನ’ ಹಮ್ಮಿಕೊಂಡಿರುವ ಈ ‘ಗಾನವೈಭವ’ ಮಾತಿನ ಮಂಟಪದ ಶ್ರದ್ಧಾಂಜಲಿ ಕಾರ್ಯಕ್ರಮವಲ್ಲ. ಇದು ಪಂಡಿತ್ಜಿ ಅವರನ್ನು ಅವರ ಶರೀರ- ಶಾರೀರದ ದರ್ಶನದ ಮೂಲಕ ನೆನಪಿಸುವ ಕಾರ್ಯಕ್ರಮ. ಇಲ್ಲಿ ಅವರ ಉತ್ತುಂಗದ ದಿನಗಳ ಸಂಗೀತ ಕಛೇರಿಯ ಆಯ್ದ ವಿಡಿಯೊ ತುಣುಕುಗಳ ಪ್ರದರ್ಶನ ಇರುತ್ತದೆ. ಪಂಡಿತ್ಜಿಯನ್ನು ಕಣ್ತುಂಬಿಕೊಳ್ಳುತ್ತಲೇ ಅವರ ಕಂಠಸಿರಿಯನ್ನು ಎದೆತುಂಬಿಕೊಳ್ಳುವ ಅಪೂರ್ವ ಅವಕಾಶವಿದು.<br /> <br /> ಮಾರುಕಟ್ಟೆಯಲ್ಲಿ ಲಭ್ಯವಿಲ್ಲದ ವಿಡಿಯೊಗಳನ್ನು ಖಾಸಗಿ ಸಂಗ್ರಹದಿಂದ ಪ್ರದರ್ಶನಕ್ಕಾಗಿ ಆರಿಸಿಕೊಳ್ಳಲಾಗಿದೆ. ಭೀಮಸೇನರ ಅಚ್ಚುಮೆಚ್ಚಿನ ರಾಗಗಳನ್ನೇ ಆರಿಸಿಕೊಂಡು ಪ್ರಸ್ತುತ ಪಡಿಸುತ್ತಿರುವುದು ವಿಶೇಷ. ತೋಡಿ, ರಾಮಕಲಿ, ಪುರಿಯಾ ಧನಾಶ್ರೀ, ಮುಲ್ತಾನಿ, ದರ್ಬಾರಿ, ಮಾಲಕೌಂಸ್, ಮಾರುಬಿಹಾಗ್, ಮಿಯಾಮಲ್ಹಾರ್- ಹೀಗೆ ಭೀಮಸೇನರ ಸಾಧನೆಯನ್ನು ಸ್ವರಗಳೇ ತಿಳಿಸಿಕೊಡುವ ಕಾರ್ಯಕ್ರಮವಿದು. ‘ಭೀಮಸೇನ ಜೋಶಿ ಗಾನವೈಭವ’ ಕಾರ್ಯಕ್ರಮದ ಹಿಂದೆ ಮತ್ತೊಂದು ಉದ್ದೇಶವೂ ಇದೆ. ಹೊಸ ತಲೆಮಾರಿನ ಸಂಗೀತಪ್ರೇಮಿಗಳಿಗೆ ಭೀಮಸೇನ ಜೋಶಿ (ಫೆ. 4,1920- ಜ. 24, 2011) ಅವರು ಧ್ವನಿಮುದ್ರಿಕೆಗಳ ಮೂಲಕವಷ್ಟೇ ಗೊತ್ತು. ಅನಾರೋಗ್ಯದಿಂದ ಬಳಲುತ್ತಿದ್ದ ಜೋಶಿಯವರು ಕಛೇರಿ ನೀಡುವುದನ್ನು ಬಿಟ್ಟು ವರ್ಷಗಳೇ ಆಗಿದ್ದವು. ಹಾಗಾಗಿ, ಪಂಡಿತ್ಜಿ ಅವರ ಕಛೇರಿಯ ಅನುಭವವನ್ನು ಹೊಸ ತಲೆಮಾರಿನ ಸಂಗೀತಪ್ರೇಮಿಗಳಿಗೆ ಕಟ್ಟಿಕೊಡುವ ಪ್ರಯತ್ನ ಇದು.</p>.<p><strong>ವಸಂತ ಪ್ರಕಾಶನ:</strong> ಶನಿವಾರ ಗಾನವೈಭವ. ಭೀಮಸೇನ ಜೋಶಿಯವರ ಸಂಗೀತ ಮತ್ತು ಮಾತಿನ ಧ್ವನಿಮುದ್ರಿಕೆ ಹಾಗೂ ವಿಡಿಯೊ ಪ್ರದರ್ಶನ. ಅವರ ಬದುಕು-ಸಾಧನೆ ಕುರಿತು ಕಥೆಗಾರ ಎಸ್.ದಿವಾಕರ್ ಬರೆದ ‘ಪಂಡಿತ್ ಭೀಮಸೇನ ಜೋಶಿ’ ಕೃತಿ ಲೋಕಾರ್ಪಣೆ. ಅತಿಥಿಗಳು: ಪಂಡಿತ್ ಪರಮೇಶ್ವರ ಹೆಗಡೆ, ಇತಿಹಾಸಕಾರ ಡಾ. ರಾಮಚಂದ್ರ ಗುಹಾ, ಪ್ರಜಾವಾಣಿ ಸಂಪಾದಕ ಕೆ. ಎನ್. ಶಾಂತಕುಮಾರ್.<br /> <br /> ಸ್ಥಳ: ಗಾಯನ ಸಮಾಜ, ಕೆ. ಆರ್. ರಸ್ತೆ, ಚಾಮರಾಜಪೇಟೆ. ಸಂಜೆ 6. ಮಾಹಿತಿಗೆ: 98863 99125, 99862 11308.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
