‘ದೀಪಿಕಾ ಅದ್ಭುತ ನಟಿ’
ಬಾಲಿವುಡ್‌ನ ಜನಪ್ರಿಯ ನಟಿ ದೀಪಿಕಾ ಪಡುಕೋಣೆ ಅವರ ಕೀರ್ತಿ ಹಾಲಿವುಡ್‌ಗೂ ಹಬ್ಬಿರುವುದು ಹಳೆಯ ಸಂಗತಿಯೇ. ಆದರೀಗ ದೀಪಿಕಾ ಪ್ರತಿಭೆಯೊಟ್ಟಿಗೆ ಅವರ ವ್ಯಕ್ತಿತ್ವದ ಕುರಿತಾಗಿಯೂ ಹಾಲಿವುಡ್‌ನಲ್ಲಿ ಪ್ರಶಂಸೆಯ ಮಾತುಗಳು ಕೇಳಿಬರುತ್ತಿವೆ.
‘ಆರೆಂಜ್‌ ಈಸ್‌ ನ್ಯೂ ಬ್ಲ್ಯಾಕ್‌’ ಸಿನಿಮಾ ಖ್ಯಾತಿಯ ಹಾಲಿವುಡ್‌ ನಟಿ ರೂಬಿ ರೋಸ್‌ ಅವರು ದೀಪಿಕಾ ಅವರನ್ನು ಮುಕ್ತವಾಗಿ ಹೊಗಳಿದ್ದಾರೆ.
‘ಎಕ್ಸ್‌ಎಕ್ಸ್‌ಎಕ್ಸ್‌: ದ ರಿಟರ್ನ್‌ ಆಫ್‌ ಕ್ಸ್ಯಾಂಡರ್‌ ಕೇಜ್‌’ ಸಿನಿಮಾದಲ್ಲಿ ತಮ್ಮೊಂದಿಗೆ ನಟಿಸಿರುವ ದೀಪಿಕಾ ಕುರಿತು ಕೇಳಲಾದ ಪ್ರಶ್ನೆಗೆ ಉತ್ತರಿಸುತ್ತಾ ರೂಬಿ ‘ತಾನು ದೀಪಿಕಾ ಅಭಿಮಾನಿ’ ಎಂದಿದ್ದಾರೆ.
ಲಾಸ್‌ ಏಂಜಲಿಸ್‌ನಲ್ಲಿ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು, ‘ಎಲ್ಲಿಂದ ಆರಂಭಿಸಲಿ? ದೀಪಿಕಾ ಅತ್ಯಂತ ವಿನಯವಂತೆ. ಪ್ರತಿಭಾವಂತ ನಟಿ. ನಾನು ಅವಳ ಅಭಿಮಾನಿಯಾಗಿದ್ದೇನೆ. ನೀವೂ ಖಂಡಿತ ಆ ಅದ್ಭುತ ನಟಿಯ ಅಭಿಮಾನಿಯಾಗುವುದರಲ್ಲಿ ಸಂಶಯ ಇಲ್ಲ’ ಎಂದು ಹೇಳಿದ್ದಾರೆ.
ಈ ಸಿನಿಮಾದ ಸಹ ನಟ ಡಿಸೇಲ್‌ ಮತ್ತು ನಿರ್ದೇಶಕ ಡಿಜೆ ಕ್ಯಾರುಸೋ ಕೂಡ ದೀಪಿಕಾ ಅವರನ್ನು ಮನದಣಿಯೆ ಹೊಗಳಿದ್ದಾರೆ. ಇದು ‘ಎಕ್ಸ್‌ಎಕ್ಸ್‌ಎಕ್ಸ್‌’ ಸರಣಿಯ ಮೂರನೇ ಭಾಗವಾಗಿದ್ದು, ಸ್ಯಾಮುವೆಲ್‌ ಎಲ್‌. ಜಾಕ್ಸನ್‌, ಕೊನೊರ್‌ ಮೆಕ್‌ಜಾರ್ಜರ್‌, ಜೆಟ್‌್ ಲಿ, ಟೋನಿ ಜಾ, ನೀನಾ ದೊರ್ಬೇವ್‌ ಕೂಡ ನಟಿಸುತ್ತಿದ್ದಾರೆ. 2017ರ ಜನವರಿಯಲ್ಲಿ ಈ ಚಿತ್ರ ಬಿಡುಗಡೆಯಾಗುವ ನಿರೀಕ್ಷೆ ಇದೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.