ಏಷ್ಯಾ ಕಪ್ ಹಾಕಿ: ಭಾರತಕ್ಕೆ ಜಯ

ಚೀನಾ ವಿರುದ್ಧದ ಎರಡನೇ ಪಂದ್ಯದಲ್ಲಿ ಭಾರತ ತಂಡ 3–2ಗೋಲುಗಳಲ್ಲಿ ಜಯಗಳಿಸಿದೆ.

ಪಂದ್ಯದ 7ನೇ ನಿಮಿಷದಲ್ಲಿಯೇ ಭಾರತ ತಂಡದ ಆಟಗಾರ್ತಿ ಲಾಲ್‌ರೆಮಸಿಯಾಮಿ ಚೆಂಡನ್ನು ಗುರಿ ಸೇರಿಸಿ ಸಂಭ್ರಮಿಸಿದರು. ಹತ್ತು ನಿಮಿಷದ ಅಂತರದಲ್ಲಿ ಲಾಲ್‌ ಭಾರತಕ್ಕೆ ಮತ್ತೊಂದು ಗೋಲು ತಂದುಕೊಟ್ಟರು. ದ್ವಿತೀಯಾರ್ಧದಲ್ಲಿ ಚೀನಾ ಆಕ್ರಮಣ ಕಾರಿಯಾಗಿ ಆಡಿತು. 40 ಹಾಗೂ 51ನೇ ನಿಮಿಷದಲ್ಲಿ ಚೀನಾ ತಂಡದ ಗು ಯಂಗ್ಯಾನ್‌ ಎರಡು ಗೋಲು ದಾಖಲಿಸಿ ಸಮಬಲಕ್ಕೆ ಕಾರಣರಾದರು.

ಪಂದ್ಯದ ಅಂತಿಮ ಹಂತದಲ್ಲಿ ಭಾರತದ ಸಂಗೀತಾ ಕುಮಾರಿ ಪೆನಾಲ್ಟಿ ಕಾರ್ನರ್‌ನಲ್ಲಿ ಗೋಲು ಗಳಿಸಿ ಗೆಲುವಿಗೆ ಕಾರಣರಾದರು. ಹಿಂದಿನ ಪಂದ್ಯದಲ್ಲಿ ಭಾರತ 4–0 ಗೋಲುಗಳಲ್ಲಿ ಚೀನಾ ತೈಪೆ ತಂಡವನ್ನು ಮಣಿಸಿತ್ತು.