ಚುರುಮುರಿ: ಇಂಗ್ಲಿಷ್ ಅವಮಾನ!

‘ಛೇ, ಇವರಿಗೆಲ್ಲ ಸೂಕ್ಷ್ಮಗಳೇ ಗೊತ್ತಾಗಲ್ಲ’ ಫ್ಲಾರಿಡಾದ ದೊಡ್ಡ ಬಂಗಲೆಯಿಂದ ಹೀಗೆ ಗೊಣಗುತ್ತಾ ಹೊರಬಂದ ‘ಯಂಗ್’ ಸಂಸದ.

. ‘ಸಾರ್, ನೀವೇನ್ ಇಲ್ಲಿ? ಎಷ್ಟ್ ದಿನ ಆಯ್ತು ನಿಮ್ಮನ್ನ ನೋಡಿ. ಕೊನೆಗೂ ಅಮೆರಿಕದಲ್ಲಿ ನಿಮ್ಮ ದರ್ಶನ ಭಾಗ್ಯ ಸಿಗೋ ಹಾಗಾಯ್ತು’ ಖುಷಿಯಿಂದ ಹೇಳಿದ ಅನಿವಾಸಿ ಭಾರತೀಯ ಫ್ರೆಂಡ್.

. ‘ಏನ್ ಬಿಡ್ರೀ, ಈ ದೇಶದ ಅಧ್ಯಕ್ಷ ಟ್ರಂಪ್ಗೆ ಸ್ವಲ್ಪವೂ ಸಮಾಧಾನ ಅನ್ನೋದೇ ಇಲ್ವಲ್ರೀ…’

. ‘ಏನಾಯ್ತು ಸರ್?’

. ‘ನಮ್ ಲೀಡರ್ ಶಶಿ ತರೂರ್ ನೇತೃತ್ವದಲ್ಲಿ ನಾವೆಲ್ಲ ಇಲ್ಲಿಗೆ ಬಂದಿದ್ವಿ. ಬೆಳಿಗ್ಗೆ ಅವರ ಜೊತೆ ಮಾತಾಡ್ತಿದ್ದೆ. ಆ ಸಾಹೇಬ್ರು ಅದ್ಯಾವ ಇಂಗ್ಲಿಷ್ ಮಾತಾಡ್ತಾರೋ ನನಗಂತೂ ತಳ–ಬುಡ ಅರ್ಥಆಗಲಿಲ್ಲ. ನನ್ನ ಮಿತಿಯಲ್ಲಿ ನಾನೇ ಏನೋ ಅರ್ಥ ಮಾಡಿಕೊಂಡೆ. ಅದನ್ನ ಪರ್ಸನಲ್ ಆಗಿ ಭೇಟಿಯಾಗೇ ಹೇಳೋಣ ಅಂತ ಅಧ್ಯಕ್ಷರ ಮನೆಗೆ ಬಂದೆ. ಮಾತು ಸ್ಟಾರ್ಟ್ ಮಾಡ್ತಿದ್ದಂಗೆ ನನ್ನನ್ನ ಹೊರಗೆ ಕಳಿಸಿಬಿಟ್ರು...’

. ‘ಅಂಥದ್ದೇನ್ ಹೇಳಿದ್ರಿ ಸಾರ್?’

. ‘ನೊಬೆಲ್ ಶಾಂತಿ ಅವಾರ್ಡ್ಗೆ ನಿಮ್ಮ ಹೆಸರನ್ನ ಶಿಫಾರಸು ಮಾಡಿ ಅಂತ ನೆತನ್ಯಾಹುಗೆ ಹೇಳಿದ್ದೇ ನಾನು ಅಂದೆ ಅಷ್ಟೇ, ಬೈದೇ ಬಿಡೋದಾ... ಆಯಪ್ಪ ಇಂಡಿಯಾ– ಪಾಕ್ ವಾರ್ ನಿಲ್ಸಿದ್ದು ನಾನೇ ಅಂತ ಸುಳ್ ಸುಳ್ ಹೇಳಿದಾಗ ನಾವು ಕೇಳಿಸಿಕೊಂಡಿರಲಿಲ್ವ...’

. ‘ಈಗೇನ್ ಮಾಡ್ತೀರಿ ಸರ್?’

. ‘ಹಿಂದಿಯಲ್ಲಿ ಖಂಡನಾ ಪತ್ರ ಬರೆದು ಅದನ್ನ ಎಕ್ಸ್ನಲ್ಲಿ ಪೋಸ್ಟ್ ಮಾಡ್ತೀನಿ’.

. ‘ಟ್ರಂಪ್ಗೆ ಹಿಂದಿ ಬರೋದೇ ಇಲ್ವಲ್ಲ?’

. ‘ಅದಕ್ಕೇ ಹಿಂದಿಯಲ್ಲಿ ಪೋಸ್ಟ್ ಮಾಡ್ತೀನಿ ಅಂದಿದ್ದು. ಟ್ರಂಪ್ಗೆ ಇಂಗ್ಲಿಷ್ ಮಾತ್ರ ಬರೋದಕ್ಕೆ ಮತ್ತು ಹಿಂದಿ ಬಾರದ ಕಾರಣಕ್ಕೆ ಅವರು ಅವಮಾನದಿಂದ ತಲೆ ತಗ್ಗಿಸಬೇಕು!’ ಕಾಲರ್ ಏರಿಸಿಕೊಂಡು ಹೊರಟರು ಯಂಗ್ ಎಂಪಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಇಂಗ್ಲಿಷ್ ಅವಮಾನ!

ಚಿನಕುರುಳಿ Cartoon: 9 ಜುಲೈ 2025

ಚಿನಕುರುಳಿ Cartoon: 10 ಜುಲೈ 2025