<p><strong>ಲಂಡನ್:</strong> ವಿಶ್ವದ ಅಗ್ರಮಾನ್ಯ ಆಟಗಾರ್ತಿ ಅರಿನಾ ಸಬಲೆಂಕಾ ಅವರಿಗೆ ಮೂರು ಸೆಟ್ಗಳ ಪಂದ್ಯದಲ್ಲಿ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ ವಿಂಬಲ್ಡನ್ ಚಾಂಪಿಯನ್ಷಿಪ್ನಲ್ಲಿ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಟ್ಟರು. </p><p>ಗುರುವಾರ ನಡೆದ ‘ಪವರ್ ಹಿಟ್ಟರ್’ಗಳ ಮೊದಲ ಸೆಮಿಫೈನಲ್ನಲ್ಲಿ ಅಮೆರಿಕದ ಆಟಗಾರ್ತಿ 6–4, 4–6, 6–4 ರಿಂದ ಜಯಗಳಿಸಿದರು. ಆ ಮೂಲಕ ಮೊದಲ ಬಾರಿ ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ ಕಿರೀಟ ಧರಿಸುವ ಸಬಲೆಂಕಾ ಕನಸನ್ನು ಭಗ್ನಗೊಳಿಸಿದರು. 13ನೇ ಶ್ರೇಯಾಂಕದ ಅಮಂಡಾ, ಪ್ರಶಸ್ತಿ ಸುತ್ತಿನಲ್ಲಿ ಎಂಟನೇ ಶ್ರೇಯಾಂಕದ ಇಗಾ ಶ್ವಾಂಟೆಕ್ ಅವರನ್ನು ಎದುರಿಸಲಿದ್ದಾರೆ.</p><p>‘ಇದನ್ನು ವಾಸ್ತವವೆಂದು ನಂಬಲಾಗುತ್ತಿಲ್ಲ. ಅರಿನಾ ಪ್ರಬಲ ಹೋರಾಟ ಗಾರ್ತಿ. ನಾನು ದಣಿದೇ ಹೋಗಿದ್ದೆ. ಹೇಗೆ ಚೇತರಿಸಿಕೊಂಡೆ ಎಂದೇ ತಿಳಿಯಲಿಲ್ಲ’ ಎಂದು 23 ವರ್ಷ ವಯಸ್ಸಿನ ಅನಿಸಿಮೋವಾ 2 ಗಂಟೆ 36 ನಿಮಿಷಗಳ ಪಂದ್ಯದ ನಂತರ ಪ್ರತಿಕ್ರಿಯಿಸಿದರು.</p><p>ಮೂರನೇ ಬಾರಿ ಇಲ್ಲಿ ಫೈನಲ್ ತಲುಪಿದ್ದ ಬೆಲರೂಸ್ನ ಸಬಲೆಂಕಾ ಮತ್ತೊಮ್ಮೆ ನಿರಾಶೆ ಅನುಭವಿಸಿದರು. ಈ ವರ್ಷ ಅವರು ಒಂದೂ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಗೆಲ್ಲಲಾಗಿಲ್ಲ. ಕಳೆದ ತಿಂಗಳು ಫ್ರೆಂಚ್ ಓಪನ್ ಫೈನಲ್ನಲ್ಲಿ ಅಮೆರಿಕದ ಕೊಕೊ ಗಾಫ್ಗೆ ಮಣಿದಿದ್ದರು.</p><p>ಮೊದಲ ಸೆಟ್ನ ಏಳನೇ ಗೇಮ್ ಬ್ರೇಕ್ ಮಾಡುವ ಮೂಲಕ ಅನಿಸಿಮೋವಾ ನಿರ್ಣಾಯಕ ಮುನ್ನಡೆ ಪಡೆದರು. ಆ ಗೇಮ್ ನಲ್ಲಿ ಸಬಲೆಂಕಾ ಡಬಲ್ಫಾಲ್ಟ್ ಮಾಡಿದ್ದು ದುಬಾರಿ ಆಯಿತು. ಎರಡನೇ ಸೆಟ್ನ ಏಳನೇ ಗೇಮ್ನಲ್ಲಿ ಅನಿಸಿಮೋವಾ ಕೂಡ ಇಂಥದ್ದೇ ತಪ್ಪು ಮಾಡಿದ್ದರಿಂದ ಸಬಲೆಂಕಾ 4–3 ಮುನ್ನಡೆ ಪಡೆದರಲ್ಲದೇ ಸೆಟ್ ಗೆದ್ದು 1–1 ಸಮ ಮಾಡಿಕೊಂಡರು.</p><p>ಮೂರನೇ ಸೆಟ್ನ ಮೊದಲ ಗೇಮ್ನಲ್ಲೇ ಎದುರಾಳಿ ಸರ್ವ್ ಬ್ರೇಕ್ ಮಾಡಿದ ಸಬಲೆಂಕಾ ಗೆಲುವಿನ ಹಾದಿಯಲ್ಲಿ ನಡೆಯುವಂತೆ ಕಂಡಿತ್ತು. ಆದರೆ ಮರು ಗೇಮ್ನಲ್ಲಿ ಬ್ರೇಕ್ ಮಾಡಿದ ಅನಿಸಿನೋವಾ ಸ್ಕೋರ್ ಸಮಾಡಿಕೊಂಡರು. ನಾಲ್ಕನೇ ಗೇಮ್ನಲ್ಲಿ ಮತ್ತೆ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿ ಮೇಲುಗೈ ಸಾಧಿಸಿದರು.</p><p><strong>ಶ್ವಾಂಟೆಕ್ಗೆ ಗೆಲುವು: ಮತ್ತೊಂದು ಸೆಮಿಫೈನಲ್ ಹಣಾಹಣಿಯಲ್ಲಿ ಪೋಲೆಂಡ್ನ ಶ್ವಾಂಟೆಕ್ 6-2, 6-0ರ ನೇರ ಸೆಟ್ಗಳಿಂದ ಒಲಿಂಪಿಕ್ ಮಾಜಿ ಚಾಂಪಿಯನ್ ಬೆಲಿಂಡಾ ಬೆನ್ಸಿಕ್ ಅವರನ್ನು ಸುಲಭವಾಗಿ ಸೋಲಿಸಿದರು. </strong></p><p>ಐದು ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಗಳ ಒಡತಿಯಾಗಿರುವ 24 ವರ್ಷ ವಯಸ್ಸಿನ ಶ್ವಾಂಟೆಕ್ ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ ಇದೇ ಮೊದಲ ಬಾರಿ ಫೈನಲ್ ತಲುಪಿದರು.</p><p>ಫ್ರೆಂಚ್ ಓಪನ್ನಲ್ಲಿ ನಾಲ್ಕು ಬಾರಿ ಮತ್ತು 2022ರಲ್ಲಿ ಅಮೆರಿಕ ಓಪನ್ನಲ್ಲಿ ಶ್ವಾಂಟೆಕ್ ಪ್ರಶಸ್ತಿ ಗೆದ್ದಿದ್ದರು. 2023ರಲ್ಲಿ ಇಲ್ಲಿ ಕ್ವಾರ್ಟರ್ಫೈನಲ್ ತಲುಪಿದ್ದು ಈ ಹಿಂದಿನ ಉತ್ತಮ ಸಾಧನೆಯಾಗಿತ್ತು.</p><p>ವಿಂಬಲ್ಡನ್ನಲ್ಲಿ ಚೊಚ್ಚಲ ಬಾರಿ ನಾಲ್ಕರ ಘಟ್ಟ ತಲುಪಿದ್ದ ಸ್ವಿಜರ್ಲೆಂಡ್ನ 28 ವರ್ಷದ ಬೆನ್ಸಿಕ್ ಕೇವಲ ಒಂದು ಗಂಟೆಯಲ್ಲಿ ಸೋಲೊಪ್ಪಿಕೊಂಡರು. </p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್:</strong> ವಿಶ್ವದ ಅಗ್ರಮಾನ್ಯ ಆಟಗಾರ್ತಿ ಅರಿನಾ ಸಬಲೆಂಕಾ ಅವರಿಗೆ ಮೂರು ಸೆಟ್ಗಳ ಪಂದ್ಯದಲ್ಲಿ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ ವಿಂಬಲ್ಡನ್ ಚಾಂಪಿಯನ್ಷಿಪ್ನಲ್ಲಿ ಮೊದಲ ಬಾರಿ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಟ್ಟರು. </p><p>ಗುರುವಾರ ನಡೆದ ‘ಪವರ್ ಹಿಟ್ಟರ್’ಗಳ ಮೊದಲ ಸೆಮಿಫೈನಲ್ನಲ್ಲಿ ಅಮೆರಿಕದ ಆಟಗಾರ್ತಿ 6–4, 4–6, 6–4 ರಿಂದ ಜಯಗಳಿಸಿದರು. ಆ ಮೂಲಕ ಮೊದಲ ಬಾರಿ ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ ಕಿರೀಟ ಧರಿಸುವ ಸಬಲೆಂಕಾ ಕನಸನ್ನು ಭಗ್ನಗೊಳಿಸಿದರು. 13ನೇ ಶ್ರೇಯಾಂಕದ ಅಮಂಡಾ, ಪ್ರಶಸ್ತಿ ಸುತ್ತಿನಲ್ಲಿ ಎಂಟನೇ ಶ್ರೇಯಾಂಕದ ಇಗಾ ಶ್ವಾಂಟೆಕ್ ಅವರನ್ನು ಎದುರಿಸಲಿದ್ದಾರೆ.</p><p>‘ಇದನ್ನು ವಾಸ್ತವವೆಂದು ನಂಬಲಾಗುತ್ತಿಲ್ಲ. ಅರಿನಾ ಪ್ರಬಲ ಹೋರಾಟ ಗಾರ್ತಿ. ನಾನು ದಣಿದೇ ಹೋಗಿದ್ದೆ. ಹೇಗೆ ಚೇತರಿಸಿಕೊಂಡೆ ಎಂದೇ ತಿಳಿಯಲಿಲ್ಲ’ ಎಂದು 23 ವರ್ಷ ವಯಸ್ಸಿನ ಅನಿಸಿಮೋವಾ 2 ಗಂಟೆ 36 ನಿಮಿಷಗಳ ಪಂದ್ಯದ ನಂತರ ಪ್ರತಿಕ್ರಿಯಿಸಿದರು.</p><p>ಮೂರನೇ ಬಾರಿ ಇಲ್ಲಿ ಫೈನಲ್ ತಲುಪಿದ್ದ ಬೆಲರೂಸ್ನ ಸಬಲೆಂಕಾ ಮತ್ತೊಮ್ಮೆ ನಿರಾಶೆ ಅನುಭವಿಸಿದರು. ಈ ವರ್ಷ ಅವರು ಒಂದೂ ಗ್ರ್ಯಾನ್ಸ್ಲಾಮ್ ಪ್ರಶಸ್ತಿ ಗೆಲ್ಲಲಾಗಿಲ್ಲ. ಕಳೆದ ತಿಂಗಳು ಫ್ರೆಂಚ್ ಓಪನ್ ಫೈನಲ್ನಲ್ಲಿ ಅಮೆರಿಕದ ಕೊಕೊ ಗಾಫ್ಗೆ ಮಣಿದಿದ್ದರು.</p><p>ಮೊದಲ ಸೆಟ್ನ ಏಳನೇ ಗೇಮ್ ಬ್ರೇಕ್ ಮಾಡುವ ಮೂಲಕ ಅನಿಸಿಮೋವಾ ನಿರ್ಣಾಯಕ ಮುನ್ನಡೆ ಪಡೆದರು. ಆ ಗೇಮ್ ನಲ್ಲಿ ಸಬಲೆಂಕಾ ಡಬಲ್ಫಾಲ್ಟ್ ಮಾಡಿದ್ದು ದುಬಾರಿ ಆಯಿತು. ಎರಡನೇ ಸೆಟ್ನ ಏಳನೇ ಗೇಮ್ನಲ್ಲಿ ಅನಿಸಿಮೋವಾ ಕೂಡ ಇಂಥದ್ದೇ ತಪ್ಪು ಮಾಡಿದ್ದರಿಂದ ಸಬಲೆಂಕಾ 4–3 ಮುನ್ನಡೆ ಪಡೆದರಲ್ಲದೇ ಸೆಟ್ ಗೆದ್ದು 1–1 ಸಮ ಮಾಡಿಕೊಂಡರು.</p><p>ಮೂರನೇ ಸೆಟ್ನ ಮೊದಲ ಗೇಮ್ನಲ್ಲೇ ಎದುರಾಳಿ ಸರ್ವ್ ಬ್ರೇಕ್ ಮಾಡಿದ ಸಬಲೆಂಕಾ ಗೆಲುವಿನ ಹಾದಿಯಲ್ಲಿ ನಡೆಯುವಂತೆ ಕಂಡಿತ್ತು. ಆದರೆ ಮರು ಗೇಮ್ನಲ್ಲಿ ಬ್ರೇಕ್ ಮಾಡಿದ ಅನಿಸಿನೋವಾ ಸ್ಕೋರ್ ಸಮಾಡಿಕೊಂಡರು. ನಾಲ್ಕನೇ ಗೇಮ್ನಲ್ಲಿ ಮತ್ತೆ ಎದುರಾಳಿಯ ಸರ್ವ್ ಬ್ರೇಕ್ ಮಾಡಿ ಮೇಲುಗೈ ಸಾಧಿಸಿದರು.</p><p><strong>ಶ್ವಾಂಟೆಕ್ಗೆ ಗೆಲುವು: ಮತ್ತೊಂದು ಸೆಮಿಫೈನಲ್ ಹಣಾಹಣಿಯಲ್ಲಿ ಪೋಲೆಂಡ್ನ ಶ್ವಾಂಟೆಕ್ 6-2, 6-0ರ ನೇರ ಸೆಟ್ಗಳಿಂದ ಒಲಿಂಪಿಕ್ ಮಾಜಿ ಚಾಂಪಿಯನ್ ಬೆಲಿಂಡಾ ಬೆನ್ಸಿಕ್ ಅವರನ್ನು ಸುಲಭವಾಗಿ ಸೋಲಿಸಿದರು. </strong></p><p>ಐದು ಗ್ರ್ಯಾನ್ಸ್ಲಾಮ್ ಪ್ರಶಸ್ತಿಗಳ ಒಡತಿಯಾಗಿರುವ 24 ವರ್ಷ ವಯಸ್ಸಿನ ಶ್ವಾಂಟೆಕ್ ಆಲ್ ಇಂಗ್ಲೆಂಡ್ ಕ್ಲಬ್ನಲ್ಲಿ ಇದೇ ಮೊದಲ ಬಾರಿ ಫೈನಲ್ ತಲುಪಿದರು.</p><p>ಫ್ರೆಂಚ್ ಓಪನ್ನಲ್ಲಿ ನಾಲ್ಕು ಬಾರಿ ಮತ್ತು 2022ರಲ್ಲಿ ಅಮೆರಿಕ ಓಪನ್ನಲ್ಲಿ ಶ್ವಾಂಟೆಕ್ ಪ್ರಶಸ್ತಿ ಗೆದ್ದಿದ್ದರು. 2023ರಲ್ಲಿ ಇಲ್ಲಿ ಕ್ವಾರ್ಟರ್ಫೈನಲ್ ತಲುಪಿದ್ದು ಈ ಹಿಂದಿನ ಉತ್ತಮ ಸಾಧನೆಯಾಗಿತ್ತು.</p><p>ವಿಂಬಲ್ಡನ್ನಲ್ಲಿ ಚೊಚ್ಚಲ ಬಾರಿ ನಾಲ್ಕರ ಘಟ್ಟ ತಲುಪಿದ್ದ ಸ್ವಿಜರ್ಲೆಂಡ್ನ 28 ವರ್ಷದ ಬೆನ್ಸಿಕ್ ಕೇವಲ ಒಂದು ಗಂಟೆಯಲ್ಲಿ ಸೋಲೊಪ್ಪಿಕೊಂಡರು. </p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>