ವಿವಿಧೆಡೆ ಸಂಭ್ರಮದ ವಾಸವಿ ಜಯಂತಿ ಆಚರಣೆ

ಕನಕಗಿರಿ ವರದಿ: ಪಟ್ಟಣ ಸೇರಿದಂತೆ ಸುತ್ತಲಿನ ಗ್ರಾಮಗಳ  ಆರ್ಯವೈಶ್ಯ ಸಮಾಜದವರು  ವಾಸವಿ ಜಯಂತಿಯನ್ನು ಶುಕ್ರವಾರ ಸಡಗರ, ಸಂಭ್ರಮದಿಂದ ಆಚರಿಸಿದರು. ವಾಸವಿ ಭಾವಚಿತ್ರಕ್ಕೆ ವಿಶೇಷ ಪೂಜೆ, ಕುಂಕುಮಾರ್ಚನೆ, ಗಂಗೆಸ್ಥಳದ ಕಾರ್ಯಕ್ರಮಗಳು ಶ್ರದ್ಧಾ, ಭಕ್ತಿಯಿಂದ ನಡೆದವು.
 
ವಾಸವಿ ಭಾವಚಿತ್ರದ ಮೆರವಣಿಗೆ ಮಹಿಳೆಯರ ಪೂರ್ಣ ಕುಂಭ, ಕಳಸ ದೊಂದಿಗೆ ಯಲಬುರ್ಗಿ ತಿಪ್ಪಣ್ಣ ಮನೆಯಿಂದ ಆರಂಭವಾಗಿ ಮಡಿ ವಾಳರ, ಗಾಣಿಗೇರ ಓಣಿ  ಮೂಲಕ ನಗರೇಶ್ವರ ದೇವಸ್ಥಾನದವರೆಗೆ ವಿಜೃಂಭ ಣೆಯಿಂದ ನಡೆಯಿತು. 

ನಗರೇಶ್ವರ ದೇವಸ್ಥಾನದಲ್ಲಿ ವಿಠ್ಠಲಾಚಾರ್ಯ ರಾಜಪುರೋಹಿತ ಹುಲಿಹೈದರ ಅವರ ನೇತೃತ್ವದಲ್ಲಿ ತೊಟ್ಟೀಲು ಸೇವೆ, ಪ್ರಸಾದ, ನೈವೇದ್ಯ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು ಹಾಗೂ ಬಾಲಾಜಿ ಯಲಬುರ್ಗಿ ಅವರಿಂದ ಒಡಪು ಹೇಳುವ ಕಾರ್ಯಕ್ರಮ ನಡೆಯಿತು. ಯುವಕರು ಪಟಾಕಿ ಸಿಡಿಸಿ ಸಂಭ್ರಮಿಸಿದರು.

ಆರ್ಯವೈಶ್ಯ ಸಮಾಜದ ಅಧ್ಯಕ್ಷ  ಹನುಮೇಶ ಭಕಸ್ತ, ಯುವ ಘಟಕದ ಅಧ್ಯಕ್ಷ ಮಂಜುನಾಥ ತಿಪ್ಪಣ್ಣ ಭಕಸ್ತ,  ಸಮಾಜದ ಪ್ರಮುಖರಾದ ಭಕಸ್ತ ಲಕ್ಷ್ಮಣ, ತಿಪ್ಪಣ್ಣ ಯಲಬುರ್ಗಿ, ನಾಗಪ್ಪ ಜನಾದ್ರಿ,  ಮಹಾಬಳೇಶ್ವರ ಶ್ರೇಷ್ಠಿ, ಪಾಂಡುರಂಗ ಜನಾದ್ರಿ, ವೆಂಕಟೇಶ ಸೌದ್ರಿ, ಹನುಮೇಶ ಯಲಬುರ್ಗಿ,  ರಮೇಶಶೆಟ್ಟಿ ಶಿರಿವಾರ. ಗೋಪಾಲ ಜನಾದ್ರಿ, ಸತ್ಯಪ್ಪ ಖ್ಯಾಡೆದ, ರಾಘವೇಂದ್ರ ಯಲಬುರ್ಗಿ, ರಾಘವೇಂದ್ರ ಜನಾದ್ರಿ, ಸಾಗರ ಜನಾದ್ರಿ, ಸಂಜೀವ ಸೌದ್ರಿ  ಹಾಗೂ ಆರ್ಯವೈಶ್ಯ ಸಮಾಜದ ವಾಸವಿ ಮಹಿಳಾ ಘಟಕದ ಅಧ್ಯಕ್ಷೆ ಲಕ್ಷ್ಮೀದೇವಿ, ವಿಜಯಲಕ್ಷ್ಮೀ ಜನಾದ್ರಿ,  ಕಾವ್ಯಾ ಶೇಷಗಿರಿ ಇದ್ದರು.

ಶಿರಿವಾರ: ಸಮೀಪದ ಶಿರಿವಾರ ಗ್ರಾಮದಲ್ಲಿ  ಶಿರಿವಾರ–ಹಿರೇಖೇಡ  ಆರ್ಯವೈಶ್ಯ ಸಮಾಜದವರಿಂದ   ವಾಸವಿ ಜಯಂತಿ ಆಚರಿಸಲಾಯಿತು.
ಈ ನಿಮಿತ್ತ ಹನುಮಂತ ದೇವರ ದೇವಸ್ಥಾನದಲ್ಲಿ ಅಭಿಷೇಕ, ಕುಂಕಮಾರ್ಚನೆ, ವಾಸವಿ ನಾಮಕರಣ, ಕುಂಭ, ಕಳಸದ ಮೆರವಣಿಗೆ ಹಾಗೂ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳು  ನಡೆದವು.  

ಕಾರಟಗಿ ವರದಿ: ಪಟ್ಟಣದಲ್ಲಿ ಆರ್ಯ ವೈಶ್ಯ ಸಮಾಜದಿಂದ ವಾಸವಿ ಜಯಂತಿಯನ್ನು ಸಡಗರ, ಸಂಭ್ರಮ ದಿಂದ ಶುಕ್ರವಾರ ಆಚರಿಸಲಾಯಿತು.
ಲಕ್ಷ್ಮೀ ವೆಂಕಟೇಶ್ವರ ದೇವಾಲಯ ದಲ್ಲಿ ಗಂಗಾಪೂಜೆ ನೆರವೇರಿಸಿದ ಬಳಿಕ ವಾಸವಿ ಅಮ್ಮನವರ ಬೃಹತ್  ಭಾವಚಿತ್ರದ ಮೆರವಣಿಗೆ ಆರಂಭಗೊಂಡಿತು.

ಪೂರ್ಣಕುಂಭ, ಕಳಸ ಹೊತ್ತ ಮಹಿಳೆಯರು, ಉತ್ಸಾಹದಿಂದ ಪಾಲ್ಗೊಂಡ ಸಮಾಜದವರು, ವಾದ್ಯಮೇಳಗಳು ಮೆರವಣಿಗೆಯ ಕಳೆ ಹೆಚ್ಚಿಸಿದವು. ಮೆರವಣಿಗೆಯಲ್ಲಿ ಮಹಿಳೆಯರು ಪ್ರದರ್ಶಿಸಿದ ಕೋಲಾಟ  ಗಮನ ಸೆಳೆಯಿತು.

ಮೆರವಣಿಗೆಯು ರಾಜಕುಮಾರ್‌ ಕಲಾ ಮಂದಿರ, ರಾಜ್ಯ ಹೆದ್ದಾರಿ, ಕನಕದಾಸ ವೃತ್ತ, ನವಲಿ ರಸ್ತೆ ಮಾರ್ಗವಾಗಿ ವಾಸವಿ ದೇವಾಲಯ ತಲುಪಿತು.
ದೇವಾಲಯದಲ್ಲಿ ವಿಶೇಷ ಪೂಜೆ,  ಅಲಂಕಾರ, ಹೋಮ, ಹವನ, ಒಂದು ಜೋಡಿ ಉಚಿತ ವಿವಾಹ, ಸಮಾಜದ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪುರಸ್ಕಾರ ಸೇರಿದಂತೆ ವಿವಿಧ ಕಾರ್ಯಕ್ರಮಗಳು ಜರುಗಿದವು.

ವೈಶ್ಯ ಸಮಾಜದ ಪ್ರಮುಖರಾದ ಎಸ್‌.ಇ.ಪ್ರಹ್ಲಾದ ಶ್ರೇಷ್ಠಿ, ಪಿ.ಗೋವಿಂದರಾಜ ಶ್ರೇಷ್ಠಿ, ವೆಂಕೋಬಣ್ಣ ಶ್ರೇಷ್ಠಿ, ನಾಗರಾಜ್ ಶ್ರೇಷ್ಠಿ, ಎಸ್‌. ಇ. ಗೋಪಾಲ ಶ್ರೇಷ್ಠಿ, ವೀರೇಶ್ ಶ್ರೇಷ್ಠಿ, ವಾಸು ಶ್ರೇಷ್ಠಿ, ಶರಣು ಶ್ರೇಷ್ಠಿ, ಲಕ್ಷ್ಮೀನಾರಾಯಣ ಶ್ರೇಷ್ಠಿ ಆರ್ಯ ವೈಶ್ಯ ಸೇವಾ ಸಂಘ, ವಾಸವಿ ಯುವಜನ ಸಂಘ, ವಾಸವಿ ಮಹಿಳಾ ಘಟಕಗಳ ಸದಸ್ಯರು ಇದ್ದರು.