ಡಿಸ್ನಿ ಸಿನಿಮಾ ‘101 ಡಾಲ್ಮೇಷಿಯನ್ಸ್’ನಲ್ಲಿ ಕ್ರುಯೆಲ್ಲಾ ಡಿವಿಲ್ಲೆ ಎಂಬ ವಿಕೃತ ಮಹಿಳೆ ಡಾಲ್ಮೇಷಿಯನ್ ನಾಯಿಗಳನ್ನು ಅಪಹರಿಸುತ್ತಾ ಇರುತ್ತಾಳೆ. ಅವುಗಳ ಚರ್ಮದಿಂದ ಬಟ್ಟೆ ತಯಾರಿಸುವುದು ಅವಳ ಉದ್ದೇಶ.
ಡಾಲ್ಮೇಷಿಯಾ ನಾಯಿಯು ಕ್ರೊಯೇಷಿಯಾ ಮೂಲದ್ದು ಎನ್ನುತ್ತಾರೆ. ಕುರಿಗಳ ನಿಗಾ ಮಾಡಲು ಹಾಗೂ ಮನರಂಜನೆಗೆಂದು ಈ ನಾಯಿಗಳನ್ನು ಅಲ್ಲಿ ಸಾಕುತ್ತಿದ್ದರು. ವಿಕ್ಟೋರಿಯನ್ ಇಂಗ್ಲೆಂಡ್್ನಲ್ಲಿ ಕುದುರೆ ಗಾಡಿಗಳು ಸಾಗುವಾಗ ಕಾಪಾಡಲೆಂದು ಈ ನಾಯಿಗಳಿಗೆ ತರಬೇತಿ ನೀಡುತ್ತಿದ್ದರು.
ಕ್ರಮೇಣ ಇವು ಫ್ಯಾಷನ್ ಸಂಕೇತವಾದವು. ಅಮೆರಿಕದಲ್ಲಿ ಕುದುರೆಗಳು ಎಳೆದೊಯ್ಯುತ್ತಿದ್ದ ಅಗ್ನಿಶಾಮಕ ವಾಹನಗಳ ಕಾವಲಿಗೆಂದು ಇವನ್ನು ಬಳಸಿದರು. ಅಗ್ನಿಶಾಮಕ ವಾಹನಗಳ ಚಕ್ರಗಳ ಮಧ್ಯ ತುಸುವೂ ಅಳುಕಿಲ್ಲದೆ ವೇಗವಾಗಿ ಓಡಬಲ್ಲ ನಾಯಿಗಳಿವು.
ಹುಟ್ಟುವಾಗ ಈ ತಳಿಯ ನಾಯಿ ಬಿಳಿಬಣ್ಣದ್ದಾಗಿರುತ್ತದೆ. ವಾರದ ನಂತರ ಚರ್ಮದ ಮೇಲೆ ಕಪ್ಪು ತೇಪೆಗಳು ಮೂಡುತ್ತವೆ.