ನಟನೆಯಲ್ಲಿ ಪಳಗುವಾಸೆ

ಬುಧವಾರ, ಜೂನ್ 19, 2019
25 °C

ನಟನೆಯಲ್ಲಿ ಪಳಗುವಾಸೆ

Published:
Updated:
ನಟನೆಯಲ್ಲಿ ಪಳಗುವಾಸೆ

ಮಾಡೆಲಿಂಗ್‌ಗೆ ಹೇಳಿ ಮಾಡಿಸಿದ ಆಕರ್ಷಕ ಮೈಕಟ್ಟು ಹೊಂದಿರುವ ಸುನಿಲ್‌ ರಾಜ್ ಹುಟ್ಟಿ ಬೆಳೆದಿದ್ದ ಬೆಂಗಳೂರಿನಲ್ಲಿ. ಚಿಕ್ಕಂದಿನಿಂದಲೇ ಸಿನಿಮಾ, ಮಾಡೆಲಿಂಗ್‌ ಆಸಕ್ತಿ. ಎಂಜಿನಿಯರಿಂಗ್‌ ಪದವಿ ಪಡೆದ ಬಳಿಕ ಮಾಡೆಲಿಂಗ್‌ನತ್ತ ಹೊರಳಿತು ಮನ. ಆದರೆ ಮನೆಯವರು ‘ಓದು, ಕೆಲಸ ಮೊದಲು, ಮಾಡೆಲಿಂಗ್‌ ಆಮೇಲೆ’ ಎಂದು ಕಟ್ಟುನಿಟ್ಟಾಗಿ ಹೇಳಿದ್ದರಿಂದ ಉದ್ಯೋಗ ದೊರೆತ ಬಳಿಕವೇ ಮಾಡೆಲಿಂಗ್‌ನಲ್ಲಿ ಕಾಣಿಸಿಕೊಂಡರು.

ಕಾಲೇಜಿನಲ್ಲಿ ವಿದ್ಯಾಭ್ಯಾಸದ ಜೊತೆಜೊತೆಗೆ ಫ್ಯಾಷನ್‌ ಷೋ, ಜಾಹೀರಾತುಗಳಲ್ಲಿ ನಟಿಸಲು ಆರಂಭಿಸಿದರು. ರೇಮಂಡ್ಸ್‌, ರೆಕ್‌ ಪ್ರೊಡಕ್ಷನ್ಸ್‌, ಸೈ ಫ್ಯಾಷನ್‌, ಫೆಸ್ಟ್‌, ರಿಲಯನ್ಸ್‌ ಜ್ಯುವೆಲ್ಸ್‌...ಹೀಗೆ ಅನೇಕ ಟಿವಿ ಹಾಗೂ ಪ್ರಿಂಟ್‌ ಜಾಹೀರಾತುಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

'ಈಚೆಗೆ ಕನ್ನಡದ ಎರಡು ವಾಹಿನಿಗಳ ಧಾರಾವಾಹಿಗಳಲ್ಲಿ ಅವಕಾಶ ಹುಡುಕಿಕೊಂಡು ಬಂದಿತ್ತು. ಆದರೆ ಅದೇ ಸಮಯದಲ್ಲಿ ಆರೋಗ್ಯ ಸರಿಯಿಲ್ಲದೆ, ತೂಕ ಕಳೆದುಕೊಂಡಿದ್ದರಿಂದ ಅವಕಾಶಗಳು ಕೈ ತಪ್ಪಿದವು' ಎಂಬುದು ಅವರ ಅಳಲು. ‘ಭವಿಷ್ಯದಲ್ಲಿ ಇನ್ನೂ ಒಳ್ಳೆಯ ಅವಕಾಶಗಳು ಬರಬಹುದು. ಆಗುವುದೆಲ್ಲಾ ಒಳ್ಳೆಯದಕ್ಕೆ’ ಎನ್ನುವ ಅವರ ಮಾತಿನಲ್ಲಿ ಆತ್ಮವಿಶ್ವಾಸದ ಸೆಳೆ ಇದೆ.

ಸದ್ಯ ಮಾಡೆಲಿಂಗ್‌ ಕ್ಷೇತ್ರದಲ್ಲಿಯೇ ಹೆಚ್ಚು ತೊಡಗಿಸಿಕೊಂಡಿರುವ ಸುನಿಲ್‌ ನಟನೆ ಬಗ್ಗೆಯೂ ಅರಿತುಕೊಳ್ಳುವ ಪ್ರಯತ್ನದಲ್ಲಿದ್ದಾರೆ. ‘ಉತ್ತಮ ಅವಕಾಶ ಸಿಕ್ಕರೆ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್‌ ಸೈನ್ಸ್‌ ಸಂಸ್ಥೆಯಲ್ಲಿ ಪ್ರಾಜೆಕ್ಟ್‌ ಅಸೋಸಿಯೇಟ್‌ ಕೆಲಸಕ್ಕೆ ರಾಜೀನಾಮೆ ಕೊಡಲೂ ಸಿದ್ಧ’ ಎನ್ನುತ್ತಾರೆ.

ಆರು ಅಡಿ ಮೂರು ಇಂಚು ಎತ್ತರದ ಈ ಅಜಾನುಬಾಹುವಿನ ತೂಕ 80 ಕೆ.ಜಿ. ಜೀನ್ಸ್‌, ಜಾಕೆಟ್‌, ಟೀ–ಶರ್ಟ್‌  ತುಂಬಾ ಇಷ್ಟವಂತೆ. ಅಂಗಸೌಷ್ಟವವನ್ನು ಜತನವಾಗಿ ಕಾಪಾಡಿಕೊಂಡಿದ್ದಾರೆ. ನಟನೆಯ ಅವಕಾಶಕ್ಕಾಗಿ ಕಾಯುತ್ತಿದ್ದಾರೆ. 

ದೇಹಸಿರಿಗಾಗಿ ಏನೆಲ್ಲಾ...

ಪ್ರತಿದಿನ ಬೆಳಿಗ್ಗೆ ಎರಡು ತಾಸು ಜಿಮ್‌ನಲ್ಲಿ ವರ್ಕೌಟ್

ಜಿಮ್‌ಗೆ ಹೋಗುವ ಮೊದಲು ಓಟ್ಸ್‌, ಬಾಳೆಹಣ್ಣು ಸೇವನೆ

ಜಿಮ್‌ನಿಂದ ಬಂದ ಮೇಲೆ ಬಾಳೆಹಣ್ಣು, ಬಾದಾಮಿ, ಹಾಲು ಸೇರಿಸಿ ರುಬ್ಬಿದ ಪ್ರೊಟೀನ್‌ ಶೇಕ್

ಮಧ್ಯಾಹ್ನಕ್ಕೆ ಚಪಾತಿ, ಅನ್ನ , ತರಕಾರಿಗಳು, ಮೊಟ್ಟೆ

ರಾತ್ರಿಗೆ ಚಪಾತಿ, ಪಾಲಕ್‌ ಸೊಪ್ಪಿನ ಪಲ್ಯ ಹಾಗೂ ಮೊಟ್ಟೆ

ವಾರದಲ್ಲಿ ಮೂರು ದಿನ ಚಿಕನ್‌ ಬಿರಿಯಾನಿ, ಮಾಂಸದ ಖಾದ್ಯ

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry