ಮಿಸ್ಡ್ಕಾಲ್ ಪ್ರೇಮ: ‘ಬೆಂಗಳೂರಿನಲ್ಲಿ ಅಡುಗೆ ಕೆಲಸಕ್ಕೆ ಸೇರಿಕೊಂಡಿದ್ದ ಯಲ್ಲೋಜಿ ಮೊಬೈಲ್ಗೆ ಮಾರ್ಚ್ನಲ್ಲಿ ಮಿಸ್ ಕಾಲ್ಡ್ ಬಂದಿತ್ತು. ಮರಳಿ ಕರೆ ಮಾಡಿದಾಗ ಆಚನೂರಿನ ಮಹಿಳೆಯ ಪರಿಚಯವಾಯಿತು. ನಂತರ ಅವರ ಸ್ನೇಹ, ಪ್ರೇಮಕ್ಕೆ ತಿರುಗಿತ್ತು. ಮೂವರು ಮಕ್ಕಳ ತಾಯಿಯಾದ ಆ ಮಹಿಳೆ ಪ್ರತಿ ಅಮವಾಸ್ಯೆಗೆ ಮಲ್ಲಾಪುರ ಗುಡ್ಡದಲ್ಲಿರುವ ಮೈಲಾರಲಿಂಗನ ದೇವಸ್ಥಾನಕ್ಕೆ ಹೋಗುತ್ತಿದ್ದರು. ಅಲ್ಲಿಗೆ ಯಲ್ಲೋಜಿಯೂ ಹೋಗುತ್ತಿದ್ದ. ನಾಲ್ಕಾರು ಬಾರಿ ಇಬ್ಬರೂ ಗೌಪ್ಯವಾಗಿ ಅಲ್ಲಿ ಭೇಟಿಯಾಗಿದ್ದರು’ ಎಂಬುದನ್ನು ಪೊಲೀಸರು ತಿಳಿಸಿದ್ದಾರೆ.