ಬಾನಾಡಿಗಳ ಹುಡುಕುತ್ತಾ ಕಲಕೇರಿ ಕಾಡಲ್ಲಿ ಸುತ್ತಾಡಿ...

ಸೋಮವಾರ, ಜೂನ್ 24, 2019
29 °C

ಬಾನಾಡಿಗಳ ಹುಡುಕುತ್ತಾ ಕಲಕೇರಿ ಕಾಡಲ್ಲಿ ಸುತ್ತಾಡಿ...

Published:
Updated:
ಬಾನಾಡಿಗಳ ಹುಡುಕುತ್ತಾ ಕಲಕೇರಿ ಕಾಡಲ್ಲಿ ಸುತ್ತಾಡಿ...

ಧಾರವಾಡ: ವನ್ಯಜೀವಿ ಸಪ್ತಾಹದ ಅಂಗವಾಗಿ ಕರ್ನಾಟಕ ವಿಶ್ವವಿದ್ಯಾಲಯದ ಪಬ್ಲಿಕ್‌ ಶಾಲೆಯ ಮಕ್ಕಳು ತಾಲ್ಲೂಕಿನ ಕಲಕೇರಿ ಅರಣ್ಯ ಪ್ರದೇಶದಲ್ಲಿ ಗುರುವಾರ ಚಾರಣ ನಡೆಸಿ ಪ್ರಾಣಿ, ಪಕ್ಷಿ ವೀಕ್ಷಣೆಯ ಮಜ ಸವಿದರು.

ಅರಣ್ಯ ಇಲಾಖೆಯ ಸಹಯೋಗದಲ್ಲಿ ದೃಷ್ಟಿ ಸೃಷ್ಟಿ ಫೋಟೊಗ್ರಫಿ ಕ್ಲಬ್‌ ಆಯೋಜಿಸಿದ್ದ ಈ ಕಾರ್ಯಕ್ರಮದಲ್ಲಿ ಗುರುವಾರ ಬೆಳಿಗ್ಗೆ ದಟ್ಟವಾಗಿ ಕವಿದಿದ್ದ ಮಂಜಿನಲ್ಲೇ ಮಕ್ಕಳು ಕಾಡಿನಲ್ಲಿ ಚಾರಣಕ್ಕೆ ಅಣಿಯಾದರು. ದಾರಿಯುದ್ದಕ್ಕೂ ಮುಂಜಾವಿನ ಹಕ್ಕಿಗಳ ಚಿಲಿಪಿಲಿ ಆಲಿಸಿ ಪುಳಕಗೊಂಡರು. ಹಾದಿ ಮಧ್ಯೆ ಕಣ್ಣಿಗೆ ಕಂಡ ತರಹೇವಾರಿ ಪ್ರಾಣಿ ಹಾಗೂ ಪಕ್ಷಿಗಳ ಕುರಿತು ಕುತೂಹಲದಿಂದ ಮಾಹಿತಿ ಪಡೆದರು.

5 ಮತ್ತು 6ನೇ ತರಗತಿಯ ಶಾಲೆಯ 27 ಮಕ್ಕಳು, ಅರಣ್ಯ ಇಲಾಖೆ ಜೀಪಿನಲ್ಲಿ ಧಾರವಾಡದಿಂದ ಕಲಕೇರಿಗೆ ಬಂದಿಳಿದಾಗ ಬೆಳಿಗ್ಗೆ 7 ಆಗಿತ್ತು. ಅಲ್ಲಿನ ಮಕ್ಕಳಿಗೆ ವನ್ಯಜೀವಿ ಸಪ್ತಾಹ ಕುರಿತು ಹವ್ಯಾಸಿ ಛಾಯಾಗ್ರಾಹಕ ಅನಿಲ್‌ಕುಮಾರ್‌ ಕಿತ್ತೂರು ಮಾಹಿತಿ ನೀಡಿದರು. ನಂತರ ಅದೇ ಕಾಡಿನೊಳಗಿರುವ ಕೆರೆಯ ಸುತ್ತ ಮಕ್ಕಳು ಓಡಾಡಿ ಸಂಭ್ರಮಿಸಿದರು.

ಅಲ್ಲಿ  ಕಂಡ ಅಪರೂಪದ ಕೆಂದೆಳೆ ಗಿಳಿ, ಗುಲಾಬಿ ಕತ್ತಿನ ಗಿಳಿ, ಕಂದು ಬಣ್ಣದ ಮುನಿಯಾ, ಬೂದು ಕೊಕ್ಕರೆ, ಕೆಂದಳಿಲು, ಆಮೆ, ಬ್ರಾಹ್ಮಿಣಿ ಡಕ್‌, ಸ್ಪಾಟೆಡ್‌ ಡವ್‌ ಸೇರಿದಂತೆ ಹಲವಾರು ಪಕ್ಷಿ ಹಾಗೂ ಪ್ರಾಣಿಗಳನ್ನು ತೋರಿಸಿದ ಹವ್ಯಾಸಿ ಛಾಯಾಗ್ರಾಹಕ ಅನಿಲ್‌ಕುಮಾರ್‌ ಕಿತ್ತೂರು ಮಾಹಿತಿ ನೀಡಿದರು. ವನ್ಯಜೀವಿಗಳ ಉಳಿವಿನಿಂದ ಪ್ರಕೃತಿಗೆ ಆಗುವ ಲಾಭ ಕುರಿತು ಮಕ್ಕಳು ಅವರಿಂದ ಕೇಳಿ ಮಾಹಿತಿ ಪಡೆದರು.

ಪ್ರಕಾಶ ಗೌಡರ ಅವರು ಕಾಡಿನಲ್ಲಿರುವ ವಿವಿಧ ತಳಿಯ ಸಸ್ಯಗಳು ಹಾಗೂ ಅದರ ಉಪಯೋಗಗಳನ್ನು ಮಕ್ಕಳಿಗೆ ತಿಳಿಸಿದರು. ಕಾಡಿನಲ್ಲಿ ಸುಮಾರು ಎರಡು ಗಂಟೆಗೂ ಹೆಚ್ಚು ಕಾಲ ಕಳೆದ ಮಕ್ಕಳು ಅರಣ್ಯದೊಳಗೆ ಸುತ್ತಾಡಿ ಸಂಭ್ರಮಿಸಿದರು.

ಅರಣ್ಯ ಅಧಿಕಾರಿಗಳು ತಮ್ಮ ಕರ್ತವ್ಯಗಳ ವಿವರಣೆಯ ಜತೆಗೆ, ಗಿಡ, ಮರ, ಪ್ರಾಣಿ ಹಾಗೂ ಪಕ್ಷಿಗಳು ಸೇರಿದಂತೆ ಕಾಡಿನೊಳಗಿರುವ ಅಪರೂಪದ ಜೀವಸಂಕುಲಗಳನ್ನು ಉಳಿಸುವುದರ ಮೂಲಕ ಪರಿಸರ ಸಮತೋಲನ ಕಾಪಾಡುವುದರ ಕುರಿತು ಮಕ್ಕಳಿಗೆ ಮಾಹಿತಿ ನೀಡಿದರು. ಜತೆಗೆ ಅರಣ್ಯ ಸಂಪತ್ತು ನಾಶಪಡಿಸುವವರ ವಿರುದ್ಧ ಇರುವ ಕಠಿಣ ಕಾನೂನು ಕುರಿತು ಅರಿವು ಮೂಡಿಸಿದರು.

ಶ್ರೀಹರ್ಷ, ಉದಯ ಕುಮಾರ್‌ ಭಾಗವಹಿಸಿದ್ದರು. ವಲಯ ಅರಣ್ಯಾಧಿಕಾರಿಗಳಾದ ವಿಜಯ ಕುಮಾರ್‌, ಎಂ.ಉಷಾ ಹಾಗೂ ಉಪ ವಲಯಾರಣ್ಯ ಅಧಿಕಾರಿ ಮಣಕೂರ ಉಪಸ್ಥಿತರಿದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry