ನೋಟು ವಿನಿಮಯ: ಷೆಲ್‌ ಕಂಪೆನಿ ಖಾತೆ ಬಳಕೆ

ಗುರುವಾರ , ಜೂನ್ 20, 2019
27 °C

ನೋಟು ವಿನಿಮಯ: ಷೆಲ್‌ ಕಂಪೆನಿ ಖಾತೆ ಬಳಕೆ

Published:
Updated:

ನವದೆಹಲಿ: ನೋಟು ರದ್ದತಿ ಬಳಿಕ ಷೆಲ್‌ ಕಂಪೆನಿಗಳ ಶೂನ್ಯ ಖಾತೆಗಳಲ್ಲಿ ಭಾರಿ ಪ್ರಮಾಣದಲ್ಲಿ ನಗದು ಜಮಾ ಮಾಡಿ, ಹಿಂದಕ್ಕೆ ಪಡೆಯಲಾಗಿದೆ.

ದೇಶದಲ್ಲಿ ಎರಡು ಲಕ್ಷಕ್ಕೂ ಅಧಿಕ ತೆರಿಗೆ ವಂಚಕ ಕಂಪೆನಿಗಳಿವೆ (ಷೆಲ್‌ ಕಂಪೆನಿಗಳು). ನೋಟು ರದ್ದತಿಗೂ ಮುನ್ನ (ನವೆಂಬರ್‌ 8) 5,800 ಕಂಪೆನಿಗಳ ಖಾತೆಗಳಲ್ಲಿ ಹಣವೇ ಇರಲಿಲ್ಲ. ನವೆಂಬರ್ 8ರ ನಂತರ ಆ ಕಂಪೆನಿಗಳ ಖಾತೆಗಳಿಗೆ ₹4,552 ಕೋಟಿ ನಗದು ಜಮಾ ಆಗಿದ್ದು, ₹4,552 ಕೋಟಿ ತೆಗೆಯಲಾಗಿದೆ.

ಕೇವಲ 13 ಬ್ಯಾಂಕ್‌ಗಳು ಸರ್ಕಾರಕ್ಕೆ ನೀಡಿರುವ ಮಾಹಿತಿಯಿಂದ ಇದು ತಿಳಿದುಬಂದಿದೆ.  ಕೆಲವು ಕಂಪೆನಿಗಳ ಹೆಸರಿನಲ್ಲಿ 100ಕ್ಕೂ ಹೆಚ್ಚು ಖಾತೆಗಳಿವೆ. ಒಂದು ಕಂಪೆನಿ ಹೆಸರಿನಲ್ಲಿ 2,134 ಖಾತೆಗಳಿವೆ ಎಂಬ ಮಾಹಿತಿ ದೊರೆತಿದೆ ಎಂದು ಕಾರ್ಪೊರೇಟ್‌ ವ್ಯವಹಾರಗಳ ಸಚಿವಾಲಯ ಹೇಳಿದೆ.

ಹಣಕಾಸು ಲೆಕ್ಕಪತ್ರ ಸಲ್ಲಿಸದ ಮತ್ತು ಇತರ ನಿಯಂತ್ರಣ ನಿಯಮಗಳನ್ನು ಪಾಲಿಸದ 2 ಲಕ್ಷಕ್ಕೂ ಅಧಿಕ ಕಂಪೆನಿಗಳ ನೋಂದಣಿಯನ್ನು ಸೆಪ್ಟೆಂಬರ್‌ನಲ್ಲಿ ರದ್ದು ಮಾಡಲಾಗಿದೆ. ಇದೀಗ ಈ ಕಂಪೆನಿಗಳ ಖಾತೆಗಳ ಪರಿಶೀಲನೆ ನಡೆಸಲಾಗುತ್ತಿದೆ.

2016ರ ನವೆಂಬರ್‌ 8ರಂದು ಒಂದು ಬ್ಯಾಂಕ್‌ನಲ್ಲಿ 429 ಕಂಪೆನಿಗಳು ಹೊಂದಿದ್ದ ಖಾತೆಗಳಲ್ಲಿ ನಗದು ಇರಲಿಲ್ಲ. ಆದರೆ ನವೆಂಬರ್ 8ರ ಬಳಿಕ ಆ ಖಾತೆಗಳಲ್ಲಿ ₹11 ಕೋಟಿ ಜಮಾ ಮಾಡಿ ಅದನ್ನು ಹಿಂದಕ್ಕೆ ಪಡೆಯಲಾಗಿದೆ. ಸರ್ಕಾರ ಈ ಖಾತೆಗಳನ್ನು ಸ್ಥಗಿತಗೊಳಿಸಿದಾಗ ಅವುಗಳಲ್ಲಿ ₹42 ಸಾವಿರ ಮಾತ್ರ ಇತ್ತು. 

ಇನ್ನೊಂದು ಬ್ಯಾಂಕ್‌ನಲ್ಲಿ 3000 ಕಂಪೆನಿಗಳು ಒಂದಕ್ಕಿಂತ ಹೆಚ್ಚು ಖಾತೆಗಳನ್ನು ಹೊಂದಿರುವುದು ಪತ್ತೆಯಾಗಿದೆ. ಈ ಖಾತೆಗಳಲ್ಲಿಯೂ ಒಟ್ಟಾರೆ ₹13 ಕೋಟಿ ನಗದು ಇತ್ತು. ಈ ಖಾತೆಗಳಿಗೂ ₹3,800 ಕೋಟಿ ಜಮಾ ಆಗಿದ್ದು, ಅಷ್ಟೇ ಮೊತ್ತವನ್ನು ಹಿಂದಕ್ಕೆ ಪಡೆಯಲಾಗಿದೆ ಎಂದು ಸಚಿವಾಲಯ ತಿಳಿಸಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry