ಕಪ್ಪಲೆಪ್ಪ ಜಲಪಾತ: ಹದಗೆಟ್ಟ ರಸ್ತೆ

ಮಂಗಳವಾರ, ಜೂನ್ 25, 2019
30 °C

ಕಪ್ಪಲೆಪ್ಪ ಜಲಪಾತ: ಹದಗೆಟ್ಟ ರಸ್ತೆ

Published:
Updated:
ಕಪ್ಪಲೆಪ್ಪ ಜಲಪಾತ: ಹದಗೆಟ್ಟ ರಸ್ತೆ

ಹನುಮಸಾಗರ: ಕಬ್ಬರಗಿ ಬೆಟ್ಟದಲ್ಲಿನ ಕಪ್ಪಲೆಪ್ಪ ಜಲಪಾತ ಮೈತುಂಬಿ ಹರಿಯುತ್ತಿದೆ. ವಿವಿಧ ಭಾಗಗಳಿಂದ ಸಾವಿರಾರು ಜನರು ಈ ಜಲಪಾತದ ದೃಶ್ಯ ಸವಿಯಲು, ಬರುತ್ತಿದ್ದಾರೆ. ಹಾಗೆ ಬಂದವರಿಗೆ ಮೊದಲು ಎದುರಾಗುವುದೇ ರಸ್ತೆಯ ಸಮಸ್ಯೆ.

‘ಈ ಮೊದಲು ಕಬ್ಬರಗಿ ಮಾರ್ಗವಾಗಿ ಮಹಾಸತಿ ದೇವಾಲಯದ ಹಿಂಭಾಗದ ರಸ್ತೆಯ ಮೂಲಕ ಬೆಟ್ಟ ಏರಿ ಎರಡು ಕಿ.ಮೀ. ನಡೆದುಕೊಂಡು ಹೋಗಬೇಕಿತ್ತು. ಆದರೆ ಈಚೆಗೆ ಮಹಾಸತಿ ದೇವಸ್ಥಾನದ ಹಿಂಭಾಗದಲ್ಲಿನ ಹಳೆಯ ರಸ್ತೆಯನ್ನು ಪಕ್ಕದ ಜಮೀನಿನ ಮಾಲೀಕರು ಬಂದ್‌ ಮಾಡಿದ್ದರಿಂದ ಪ್ರವಾಸಿಗರು ಕಚ್ಚಾ ರಸ್ತೆಯ ಮೂಲಕ ಹೋಗಬೇಕಾಗಿದೆ’ ಎಂದು ಸ್ಥಳೀಯರು ಹೇಳುತ್ತಾರೆ.

‘ಮಣ್ಣಿನ ಈ ರಸ್ತೆಯಲ್ಲಿ ಆಳದವರೆಗೆ ಗುಂಡಿಗಳು ಬಿದ್ದಿರುವುದರಿಂದ ತ್ರಿಚಕ್ರವಾಹನಗಳು, ಕಾರ್‌ ರಸ್ತೆ ದಾಟಲು ಸಾಧ್ಯವಾಗದಿರುವುದರಿಂದ ವಾಹನಗಳು ಕಬ್ಬರಗಿ ಗ್ರಾಮದಲ್ಲಿಯೇ ಠಿಕಾಣಿ ಹೂಡಿ ಬಂದವರು ನಾಲ್ಕು ಕಿ.ಮೀ. ನಡೆದುಕೊಂಡು ಹೋಗಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ’ಎನ್ನುತ್ತಾರೆ ಪ್ರವಾಸಿಗರು.

‘ಈ ಹಿಂದೆ ಕಪ್ಪಲೆಪ್ಪದವರೆಗೆ ರಸ್ತೆ ನಿರ್ಮಾಣ ಮಾಡುವುದಕ್ಕಾಗಿ ನಬಾರ್ಡ್‌ನಿಂದ ₹ಡಡ25 ಲಕ್ಷ ಮಂಜೂರಾಗಿತ್ತು. ಆದರೆ ಇದು ಕಾಯ್ದಿಟ್ಟ ಅರಣ್ಯವಾಗಿರುವುದರಿಂದ ಹಾಗೂ ಅರಣ್ಯ ಇಲಾಖೆ ಅನುಮತಿ ನೀಡದ ಕಾರಣ ರಸ್ತೆ ಕಾಮಗಾರಿ ನಡೆಯಲಿಲ್ಲ. ಆದರೆ ಕಪ್ಪಲೆಪ್ಪ ಬೆಟ್ಟದವರೆಗೂ ರಸ್ತೆ ಮಾಡಲು ಯಾವ ಅನುಮತಿ ಬೇಕಿಲ್ಲ.

ಈ ಬಗ್ಗೆ ಗ್ರಾಮ ಪಂಚಾಯಿತಿ‌, ತಾಲ್ಲೂಕು ಪಂಚಾಯಿತಿ ಗಮನಹರಿಸಬೇಕು’ ಎಂದು ಬಾಗಲಕೋಟೆಯಿಂದ ಬಂದಿದ್ದ ಪ್ರವಾಸಿಗರಾದ ಪ್ರದೀಪ, ಶಿವರಾಜ, ಜಗನ್‌ ಹೇಳುತ್ತಾರೆ. ‘ಉತ್ತಮ ಮಳೆಗಾಲದ ಈ ದಿನಗಳಲ್ಲಿ ಗಮನ ಸೆಳೆದಿರುವ ಕಪ್ಪಲೆಪ್ಪ ಜಲಪಾತಕ್ಕೆ ಹೋಗಲು ಕನಿಷ್ಠ ಮಾರ್ಗ, ಮಾರ್ಗಸೂಚಿಗಳು’ ಇಲ್ಲ ಎಂದು ಗಂಗಾವತಿಯಿಂದ ಬಂದಿದ್ದ ಕೇಶವ ಪಾಟೀಲ ದೂರಿದರು.

‘ಸರಿಯಾದ ರಸ್ತೆ ಇಲ್ಲದೆ ದಾರಿಯುದ್ದಕ್ಕೂ ಕಲ್ಲು ಬಂಡೆಗಳು, ಮುಳ್ಳು, ಕಂಟಿಗಳನ್ನು ದಾಟಿ ಜಲಪಾತ ತಲುಪಬೇಕಾದ ದುಃಸ್ಥಿತಿ ಇದೆ. ಜಲಪಾತದ ಸಮೀಪ ಯಾವುದೇ ವಾಹನಗಳು ಹೋಗಲು ಸಾಧ್ಯವೇ ಇಲ್ಲ.

ಬಂದ ದ್ವಿಚಕ್ರವಾಹನಗಳು ಎರಡು ಕಿ.ಮೀ ದೂರದ ನಿರ್ಜನ ಪ್ರದೇಶದಲ್ಲಿ ನಿಲ್ಲಿಸಿ ಹೋಗಬೇಕು. ಮರಳಿ ಬರುವುದರೊಳಗೆ ಬೈಕ್‌ ಸುಸ್ಥಿತಿಯಲ್ಲಿರುತ್ತದೆ ಎಂಬ ಖಾತ್ರಿಯೂ ಇಲ್ಲ’ ಎಂದು ಅವರು ದೂರುತ್ತಾರೆ. ಸಂಬಂಧಪಟ್ಟವರು ಇತ್ತ ಗಮನಹರಿಸಿ. ರಸ್ತೆ ಅಭಿವೃದ್ಧಿಪಡಿಸಿದರೆ ಪ್ರವಾಸೋದ್ಯಮಕ್ಕೂ ಉತ್ತೇಜನ ಕಲ್ಪಿಸಿದಂತಾಗುತ್ತದೆ ಎಂಬುದು ಸ್ಥಳೀಯರ ಒತ್ತಾಯ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry