ಅಮಿತಾಭ್ ಬಚ್ಚನ್, ರೋನಿತ್‌ ರಾಯ್, ಚಂದ್ರಚೂಡ್ ಸಿಂಗ್

ಬುಧವಾರ, ಜೂನ್ 19, 2019
28 °C

ಅಮಿತಾಭ್ ಬಚ್ಚನ್, ರೋನಿತ್‌ ರಾಯ್, ಚಂದ್ರಚೂಡ್ ಸಿಂಗ್

Published:
Updated:
ಅಮಿತಾಭ್ ಬಚ್ಚನ್, ರೋನಿತ್‌ ರಾಯ್, ಚಂದ್ರಚೂಡ್ ಸಿಂಗ್

ಅಮಿತಾಭ್ ಬಚ್ಚನ್

‘ಬಾಲಿವುಡ್ ಶೆಹನ್‌ಷಾ’ ಎಂದೇ ಖ್ಯಾತರಾದ ನಟ ಅಮಿತಾಭ್ ಬಚ್ಚನ್ ಅವರ ಹುಟ್ಟುಹಬ್ಬ ಇಂದು (ಜನನ: 11ನೇ ಅಕ್ಟೋಬರ್, 1942). ಅಮಿತಾಭ್ ಹರಿವಂಶ್ ರಾಯ್ ಶ್ರೀವಾತ್ಸವ ಬಚ್ಚನ್ ಇದು ಅವರ ಪೂರ್ಣ ಹೆಸರು.

ಎಪ್ಪತ್ತರ ದಶಕದಲ್ಲಿ ಆ್ಯಂಗ್ರಿ ಯಂಗ್ ಮೆನ್ ಆಗಿ ಬಾಲಿವುಡ್ ಸಿನಿಮಾಗಳಲ್ಲಿ ಕಾಣಿಸಿಕೊಂಡ ಅಮಿತಾಭ್, ಈಗಲೂ ಕಿರುತೆರೆ ಮತ್ತು ಬೆಳ್ಳಿತೆರೆಯಲ್ಲಿ ಬೇಡಿಕೆ ಉಳಿಸಿಕೊಂಡವರು.

190ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿರುವ ಅವರಿಗೆ ಪದ್ಮಶ್ರೀ, ಪದ್ಮಭೂಷಣ ಮತ್ತು ಪದ್ಮವಿಭೂಷಣ ಪ್ರಶಸ್ತಿಗಳು ಸಂದಿವೆ. ಕಿರುತೆರೆಯ ಜನಪ್ರಿಯ ಷೋ ’ಕೋನ್ ಬನೇಗಾ ಕರೋಡ್‌ಪತಿ’ಯನ್ನು ನಡೆಸಿಕೊಡುತ್ತಿರುವ ಅಮಿತಾಭ್‌ಗೀಗ 75ರ ಹರೆಯ.

ರೋನಿತ್ ರಾಯ್

ಬೆಳ್ಳಿತೆರೆ–ಕಿರುತೆರೆ ಎರಡರಲ್ಲೂ ಜನಪ್ರಿಯರಾದ ನಟ ರೋನಿತ್ ರಾಯ್ ಅವರ ಜನುಮದಿನ ಇಂದು (ಜನನ: 11ನೇ ಅಕ್ಟೋಬರ್, 1965).

ಸಿನಿಮಾಗಳ ಮೂಲಕ ನಟನಾ ವೃತ್ತಿ ಆರಂಭಿಸಿದ ರೋನಿತ್ ರಾಯ್, ಏಕ್ತಾ ಕಪೂರ್ ಅವರ ’ಕ್ಯೂಕಿ ಸಾಂಸ್ ಭೀ ಕಭೀ ಬಹೂ ಥೀ’ ಧಾರಾವಾಹಿಯ ಮೂಲಕ ಕಿರುತೆರೆಯಲ್ಲಿ ಹೆಚ್ಚು ಜನಪ್ರಿಯರಾದರು. ಅಮಿತಾಭ್ ಜನುಮದಿನದಂದೇ ಜನಿಸಿರುವ ರೋನಿತ್‌, ಕಿರುತೆರೆಯ ’ಬಿಗ್ ಬಿ’ ಎಂದೂ ಖ್ಯಾತರಾಗಿದ್ದಾರೆ.

ಚಂದ್ರಚೂಡ್‌ ಸಿಂಗ್

ನಟ ಚಂದ್ರಚೂಡ್ ಸಿಂಗ್ ಅವರ ಹುಟ್ಟುಹಬ್ಬ ಇಂದು (ಜನನ: ಅಕ್ಟೋಬರ್ 11, 1968).

‘ತೇರೆ ಮೇರ್ ಸಪ್ನೆ’ ಮೂಲಕ ಬಾಲಿವುಡ್ ಪ್ರವೇಶಿಸಿದ ಚಂದ್ರಚೂಡ್ ’ಮಾಚೀಸ್’ ಚಿತ್ರದಲ್ಲಿ ನಟಿ ತಬುಗೆ ಸರಿಸಾಟಿಯಾಗಿ ನಟಿಸಿ ಸೈ ಅನಿಸಿಕೊಂಡವರು. ಈ ಚಿತ್ರದ ಅಭಿನಯಕ್ಕಾಗಿ ಫಿಲಂಫೇರ್ ಪ್ರಶಸ್ತಿಗೂ ಭಾಜನರಾದರು. ನಟಿಸಿದ್ದು ಬೆರಳೆಣಿಕೆಯಷ್ಟು ಚಿತ್ರಗಳಾದರೂ ಪ್ರೇಕ್ಷಕರ ಮನದಲ್ಲಿ ನೆನಪಿನಲ್ಲಿ ಉಳಿಯುವಂಥ ಪಾತ್ರಗಳನ್ನು ಮಾಡಿದವರು ಚಂದ್ರಚೂಡ್.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry