ಮೀಸಲಾತಿ; ಸಮುದಾಯಕ್ಕೆ ಅನ್ಯಾಯ

‘ರಾಜ್ಯದಲ್ಲಿ ಸಮುದಾಯದ ಜನಸಂಖ್ಯೆ 19 ಲಕ್ಷ ಇದ್ದಾಗ ಶೇ 3ರಷ್ಟು ಮೀಸಲಾತಿ ಜಾರಿ ಮಾಡಲಾಯಿತು. ಈಗ ಜನಸಂಖ್ಯೆ 70 ಲಕ್ಷ ದಾಟಿದೆ. ಆದರೆ ಅದೇ ಮೀಸಲಾತಿ ಮುಂದುವರಿದಿದೆ. ಇದರಿಂದ ಸಮುದಾಯಕ್ಕೆ ಅನ್ಯಾಯವಾಗಿದೆ’ ಎಂದರು.

‘ಜನಾಂಗಕ್ಕೆ ಆಗುತ್ತಿರುವ ಅನ್ಯಾಯ ಖಂಡಿಸಿ ಉನ್ನತ ಮಟ್ಟದಲ್ಲಿ ಹೋರಾಟ ನಡೆದಿದೆ. ಎಲ್ಲರೂ ಒಗ್ಗಟ್ಟಾಗಿ ನ್ಯಾಯ ಸಿಗುವವರೆಗೂ ಹೋರಾಟ ಮುಂದುವರಿಸಬೇಕು’ ಎಂದು ಸಲಹೆ ನೀಡಿದರು.

‘ಮಹರ್ಷಿ ವಾಲ್ಮೀಕಿಯನ್ನು ಹಲವರು ದರೋಡೆಕೋರ, ಕಳ್ಳ ಎಂದು ಬಿಂಬಿಸಿದ್ದಾರೆ. ಆದರೆ ಅವರು ಬದುಕಿದ್ದೇ ತೇತ್ರಾಯುಗದಲ್ಲಿ. ಆಗ ಹಣದ ಚಲಾವಣೆ ಇರಲಿಲ್ಲ. ಹಣ ಇಲ್ಲ ಎಂದ ಮೇಲೆ ಕಳ್ಳತನದ ಮಾತೇ ಇಲ್ಲ. ಮೇಲಾಗಿ ಕಳ್ಳತನ ಮಾಡುವ ಅಗತ್ಯ ಅವರಿಗೆ ಇರಲಿಲ್ಲ’ ಎಂದು ಅಭಿಪ್ರಾಯಪಟ್ಟರು.

ಜಿಲ್ಲಾ ಪಂಚಾಯಿತಿ ಸದಸ್ಯ ಬಿ.ವಿ.ಮಹೇಶ್ ಮಾತನಾಡಿ, ‘ರಾಜ್ಯದಲ್ಲಿ ನಾಯಕ ಜನಾಂಗ ದೊಡ್ಡಮಟ್ಟದಲ್ಲಿದೆ. ಕ್ಷೇತ್ರದಲ್ಲಿ ರಾಜಕೀಯವಾಗಿ ನಾಯಕ ಜನಾಂಗ ಹಿಂದುಳಿದಿದೆ ಎನ್ನುವುದನ್ನು ಒಪ್ಪಲು ಸಾಧ್ಯವಿಲ್ಲ’ ಎಂದರು.

‘ವಾಲ್ಮೀಕಿ ಅವರು ಮಹಾನ್ ಚೇತನ. ಅವರು ಜಯಂತಿ ಆಚರಣೆ ಸಮುದಾಯಕ್ಕೆ ಸೀಮಿತವಲ್ಲ. ಎಲ್ಲರೂ ಸೇರಿ ಆಚರಿಸುವ ಕಾರ್ಯಕ್ರಮವಾಗಬೇಕು’ ಎಂದು ಆಶಯ ವ್ಯಕ್ತಪಡಿಸಿದರು.

ಚಲನಚಿತ್ರ ನಿರ್ದೇಶಕ ರಾಧಾಕೃಷ್ಣ, ವಾಲ್ಮೀಕಿ ಕುರಿತು ಉಪನ್ಯಾಸ ನೀಡಿದರು. ತಹಶೀಲ್ದಾರ್ ಎಲ್.ಸತ್ಯಪ್ರಕಾಶ್, ಜಿಲ್ಲಾ ಪಂಚಾಯಿತಿ ಸದಸ್ಯ ಗೋವಿಂದಸ್ವಾಮಿ, ತಾಲ್ಲೂಕು ಪಂಚಾಯಿತಿ ಉಪಾಧ್ಯಕ್ಷೆ ಗಿರಿಜಮ್ಮ, ಪ್ರಮುಖರಾದ ಬೆಳ್ಳಿ ಗಂಗಾಧರ್, ಡಿ.ಎಂ.ಶಿವಾನಂದ, ಮುರಳಿ, ಸದಾಶಿವ, ಎಸ್.ಶ್ರೀನಿವಾಸಮೂರ್ತಿ, ಅಪ್ಪೇಗೌಡ, ನಾರಾಯಣಸ್ವಾಮಿ, ಜಯಣ್ಣ ವೆಂಕಟಸ್ವಾಮಿ, ರಾಜಣ್ಣ, ಶ್ರೀನಿವಾಸ್ ಹಾಜರಿದ್ದರು.