ಬೆಂಗಳೂರು: ‘ರಾಜ್ಯ ಸಹಕಾರ ಅಪೆಕ್ಸ್ ಬ್ಯಾಂಕ್‌ ಆರ್ಥಿಕವಾಗಿ ಸದೃಢವಾಗಿದ್ದು, ಬ್ಯಾಂಕಿನ ನಿವ್ವಳ ಮೌಲ್ಯ₹ 1,010.83 ಕೋಟಿ’ ಎಂದು
ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ತಿಳಿಸಿದ್ದಾರೆ.
ರೈತರ ಸಾಲ ಮನ್ನಾ ಹೊರೆ ಹೊಂದಿಸಲು ಮೈಸೂರು ಮಿನರಲ್ಸ್‌ (ಎಂಎಂಎಲ್‌)ನಿಂದ ₹ 1400 ಕೋಟಿಯನ್ನು ಅಪೆಕ್ಸ್ ಬ್ಯಾಂಕಿನಲ್ಲಿ ಠೇವಣಿ ಇಡಲು ನಿರ್ಧರಿಸಲಾಗಿದೆ.
ಸಾರ್ವಜನಿಕ ಉದ್ದಿಮೆಗಳ ಇಲಾಖೆ ಸುತ್ತೋಲೆಯ ಪ್ರಕಾರ, ಠೇವಣಿಇಡಲು ನಿವ್ವಳ ಮೌಲ್ಯ ₹ 500 ಕೋಟಿಗೂ ಹೆಚ್ಚು ಇರಬೇಕು. ಅಪೆಕ್ಸ್ ಬ್ಯಾಂಕಿನ ನಿವ್ವಳ ಮೌಲ್ಯ ಕಡಿಮೆ ಇರುವುದರಿಂದ ಠೇವಣಿ ಇಡಲು ಅವಕಾಶ ಇಲ್ಲ ಎಂದು ಎಂಎಂಎಲ್‌ ಮಂಡಳಿ ವರದಿಯಲ್ಲಿ
ಉಲ್ಲೇಖಿಸಲಾಗಿತ್ತು.
ಆದರೆ, ಈ ಬಗ್ಗೆ ಸ್ಪಷ್ಟನೆ ನೀಡಿರುವ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ, ‘ಅಪೆಕ್ಸ್‌ಬ್ಯಾಂಕು ರಾಜ್ಯದ ಏಕೈಕ ಷೆಡ್ಯೂಲ್ಡ್‌ ಸಹಕಾರಿ ಬ್ಯಾಂಕ್‌ ಆಗಿದೆ.
ಲೆಕ್ಕ ಪರಿಶೋಧಕರು ದೃಢೀಕರಿಸಿದ 2016–17ನೇ ಸಾಲಿನ ಆರ್ಥಿಕ ವಹಿವಾಟು ವರದಿಯಲ್ಲಿ ನಿವ್ವಳ ಮೌಲ್ಯದ ಬಗ್ಗೆ ಉಲ್ಲೇಖ ಇದೆ’ ಎಂದು ಅವರು ತಿಳಿಸಿದ್ದಾರೆ.
