ಎಂಜಿನ್‌ನಿಂದ ಕಳಚಿದ ಬೋಗಿ: ತಪ್ಪಿದ ಅನಾಹುತ

ಬುಧವಾರ, ಜೂನ್ 19, 2019
28 °C

ಎಂಜಿನ್‌ನಿಂದ ಕಳಚಿದ ಬೋಗಿ: ತಪ್ಪಿದ ಅನಾಹುತ

Published:
Updated:

ಗದಗ: ತಾಲ್ಲೂಕಿನ ಹರ್ಲಾಪುರ ಬಳಿ ಸೋಮವಾರ ಬೆಳಿಗ್ಗೆ, ಹುಬ್ಬಳ್ಳಿ– ತಿರುಪತಿ ಪ್ಯಾಸೆಂಜರ್‌ ರೈಲಿನ ಎಂಜಿನ್‌ನಿಂದ ಬೋಗಿಗಳು ಬೇರ್ಪಟ್ಟು, ಎಂಜಿನ್‌ ಮಾತ್ರ ಹಳಿಗಳ ಮೇಲೆ ಅರ್ಧ ಕಿ.ಮೀ ನಷ್ಟು ಮುಂದೆ ಸಾಗಿ, ಆತಂಕ ಸೃಷ್ಟಿಸಿತ್ತು.

ಘಟನೆಯಲ್ಲಿ ಯಾವುದೇ ಅನಾಹುತ ಆಗಿಲ್ಲ. ಆದರೆ, ರೈಲು ಸಂಚಾರದಲ್ಲಿ 10 ನಿಮಿಷ ವ್ಯತ್ಯಯವಾಯಿತು.

‘ರೈಲು ಹುಬ್ಬಳ್ಳಿಯಿಂದ ತಿರುಪತಿಗೆ ಹೊರಟಿತ್ತು. ಬೆಳಿಗ್ಗೆ 9.50ರ ಸುಮಾರಿಗೆ ಗದುಗಿನ ಕಣಗಿನಹಾಳ ದಾಟಿ, ಹರ್ಲಾಪುರ ನಿಲ್ದಾಣ ಪ್ರವೇಶಿಸಲು ಎರಡು ನಿಮಿಷ ಇದ್ದಾಗ ಕೊಂಡಿ ಕಳಚಿ ಬೋಗಿಗಳು ಎಂಜಿನ್‌ನಿಂದ ಬೇರ್ಪಟ್ಟವು. ಇದು ಲೋಕೊ ಪೈಲಟ್ ಗಮನಕ್ಕೆ ಬರುವಷ್ಟರಲ್ಲಿ, ಎಂಜಿನ್‌ ಅರ್ಧ ಕಿ.ಮೀ ನಷ್ಟು ಮುಂದೆ ಹೋಗಿತ್ತು. ನಂತರ ಎಂಜಿನ್‌ನೊಂದಿಗೆ ವಾಪಸ್‌ ಬಂದ ಲೋಕೋ ಪೈಲಟ್, ಬೋಗಿಯ ಕೊಂಡಿಯನ್ನು ಎಂಜಿನ್‌ಗೆ ಸಮರ್ಪಕವಾಗಿ ಜೋಡಿಸಿದರು. ನಂತರ ಪ್ರಯಾಣ ಮುಂದುವರೆಯಿತು’ ಎಂದು ನೈರುತ್ಯ ರೈಲ್ವೆಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಕಿರಣ್‌ ತಿಳಿಸಿದರು.

‘ಸಾಮಾನ್ಯವಾಗಿ ಬೋಗಿಗಳ ಕೊಂಡಿ ಕಳಚುವುದಿಲ್ಲ. ತಾಂತ್ರಿಕ ಲೋಪದಿಂದ ಈ ರೀತಿ ಆಗಿರಬಹುದು. ತನಿಖೆ ನಂತರ ಕಾರಣ ತಿಳಿಯಲಿದೆ’ ಎಂದು ಅವರು ಹೇಳಿದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry