ರಸ್ತೆಯಲ್ಲಿ ಕಲ್ಲು: ಸಂಚಾರಕ್ಕೆ ತೊಂದರೆ

ಕಿರು ಸೇತುವೆಯಲ್ಲಿ ಕಲ್ಲು ಬಿದ್ದಿರುವುದರಿಂದ ವಾಹನ ಸವಾರರು ಪರದಾಡಬೇಕಾಗಿದೆ. ಅಲ್ಲದೆ, ಸ್ಥಿತಿ ಕಂಡು ಕೆಲ ವಾಹನ ಸವಾರರು ಮುದ್ದಲಗುಂದಿ -ಕಿಡದೂರು ಮಾರ್ಗವಾಗಿ ತುರಡಗಿ ಮೂಲಕ 1 ಲಿಂಗಸಗೂರಿಗೆ ಹೋಗುತ್ತಿದ್ದಾರೆ.

ತಾವರಗೇರಾ ಕಡೆ ತೆರಳುವ ಪ್ರಯಾಣಿಕರು ಕಿಡದೂರು ಮತ್ತು ಮುದ್ದಲಗುಂದಿ ಮಾರ್ಗವಾಗಿ 25 ಕಿ.ಮೀ ಹೆಚ್ಚು ಸುತ್ತಾಕಿಕೊಂಡು ತೆರಳಬೇಕಾಗಿದೆ. ಇದರಿಂದ ಪ್ರಯಾಣಿಕರು ಲೋಕೋಪಯೋಗಿ ಇಲಾಖೆ ಮತ್ತು ಜನಪ್ರತಿನಿಗಳ ವಿರುದ್ಧ ಹಿಡಿಶಾಪ ಹಾಕಿ, ಪ್ರಯಾಣ ಬೆಳಸುತ್ತಿದ್ದಾರೆ.

‘ಕಳೆದ 5-6 ತಿಂಗಳಿಂದ ರಾತ್ರಿ ವೇಳೆ ಮುದೇನೂರಿನಿಂದ ಜಾಲಿಹಾಳ, ದೋಟಿಹಾಳ ಮೂಲಕ ಕುಷ್ಟಗಿ ಮತ್ತು ಇಲಕಲ್ ನಗರಕ್ಕೆ 5-6ಲಾರಿಗಳು ಕಲ್ಲು ಸಾಗಿಸುತ್ತಿವೆ. ಕ್ರಮ ಕೈಗೊಳ್ಳಬೇಕಾದ ತಾವರಗೇರಾ ಪೊಲೀಸರು ಮೌನ ವಹಿಸಿದ್ದಾರೆ’ ಎಂದು ಗ್ರಾಮಸ್ಥರು ದೂರಿದರು.

ಭಾರೀ ಗಾತ್ರದ ಕಲ್ಲು ರಸ್ತೆ ಮಧ್ಯೆ ಬಿದ್ದು ಎರಡು-ಮೂರು ದಿನಗಳು ಕಳೆದರೂ ಲೋಕೋಪಯೋಗಿ ಇಲಾಖೆ ಸೇರಿದಂತೆ ಇತರೆ ಇಲಾಖೆಗಳ ಅಕಾರಿಗಳು ಇತ್ತ ಸುಳಿದು ಕಲ್ಲನ್ನು ಸ್ಥಳಾಂತರ ಮಾಡಿಲ್ಲ.

ಅಂಗವಿಕಲರೊಬ್ಬರು ಈ ಮಾರ್ಗದಲ್ಲಿ ಹೋಗುತ್ತಿದ್ದಾಗ ಕಲ್ಲು ಇದ್ದುದನ್ನು ಕಂಡು ಮಾರ್ಗ ಬದಲಿಸಲು ಹೋಗು ತ್ರೀಚಕ್ರ ವಾಹನ ಮುಗುಚಿ ಬಿದ್ದಿದ್ದಾರೆ. ಸಂಬಂಧಪಟ್ಟವರು ಗಮನ ಹರಿಸಿ ಕಲ್ಲು ಸ್ಥಳಾಂತರಿಸಬೇಕು ಎಂದು ಕುಷ್ಟಗಿ ವಿಕಲಚೇತನರ ತಾಲ್ಲೂಕು ಒಕ್ಕೂಟ ಅಧ್ಯಕ್ಷ ಚಂದ್ರಶೇಖರ ಕುಂಬಾರ ಒತ್ತಾಯಿಸಿದರು.