<p><strong>ಬೆಂಗಳೂರು:</strong> ಆ್ಯಪಲ್ ತಯಾರಿಸಿರುವ ದುಬಾರಿ ಮೊಬೈಲ್ ‘ಐಫೋನ್ 10’ ನವೆಂಬರ್ 3 ರಿಂದ ಸ್ಥಳೀಯ ಗ್ರಾಹಕರ ಕೈಸೇರಲಿದೆ.</p>.<p>ಐಫೋನ್ ಖರೀದಿಸಲು ಜಾಗತಿಕ ಗ್ರಾಹಕರಿಗೆ ಒದಗಿಸಿದ್ದ ಮುಂಗಡ ಕಾಯ್ದಿರಿಸುವ ಸೌಲಭ್ಯವನ್ನು ಈಗ ಭಾರತದ ಗ್ರಾಹಕರಿಗೂ ವಿಸ್ತರಿಸಲಾಗಿದೆ. ಹೀಗಾಗಿ ಐಫೋನ್ ಅಭಿಮಾನಿಗಳು ಈ ಮೊಬೈಲ್ ಖರೀದಿಸಲು ಮುಗಿ ಬಿದ್ದಿದ್ದು, ಮೊಬೈಲ್ ಕೈಸೇರಲು ಅವರೀಗ ಹೆಚ್ಚು ದಿನಗಳವರೆಗೆ ಕಾಯಬೇಕಾಗಿಲ್ಲ.</p>.<p>‘ಐಫೋನ್ 10’ 5.8 ಗಾತ್ರದ ವಿಶಾಲ ಪರದೆ, 64 ಜಿಬಿ ಮತ್ತು 256 ಜಿಬಿ ಸಾಮರ್ಥ್ಯದ ಎರಡು ಬಣ್ಣಗಳ ಮಾದರಿಗಳಲ್ಲಿ ಲಭ್ಯ ಇರಲಿದೆ. ಇವುಗಳ ಆರಂಭಿಕ ಬೆಲೆ ₹ 89 ಸಾವಿರ ಇರಲಿದೆ. ಗರಿಷ್ಠ ಬೆಲೆ ₹ 1,02,000 ಇದೆ.</p>.<p>ಇದೇ ಮೊದಲ ಬಾರಿಗೆ ‘ಐಫೋನ್ 10’ರ ಜಾಗತಿಕ ಬಿಡುಗಡೆ ಜತೆಗೆ ಭಾರತದಲ್ಲಿಯೂ ಮಾರುಕಟ್ಟೆಗೆ ಪರಿಚಯಿಸಲಾಗುತ್ತಿದೆ.</p>.<p>‘ಬೆಲೆಗೆ ಹೆಚ್ಚು ಆದ್ಯತೆ ನೀಡುವ ಭಾರತದಲ್ಲಿ ಈ ಐಫೋನ್ಗೆ ಕಂಡುಬರುತ್ತಿರುವ ಬೇಡಿಕೆ ಅಚ್ಚರಿದಾಯಕವಾಗಿದೆ’ ಎಂದು ಮಾರುಕಟ್ಟೆ ವಿಶ್ಲೇಷಕ ಅಮಿತ್ ಮಿಶ್ರಾ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಐಫೋನ್ 8’ಗೆ ಅಮೆರಿಕ, ಕೆನಡಾ ಮತ್ತು ಭಾರತದಲ್ಲಿಯೂ ಕಡಿಮೆ ಬೇಡಿಕೆ ಕಂಡುಬಂದಿತ್ತು. ಇದರಿಂದ ಆ್ಯಪಲ್ ಇಂಕ್ನ ಷೇರು ಬೆಲೆ ಶೇ 3ರಷ್ಟು ಕುಸಿತ ಕಂಡಿತ್ತು. ಈ ಕಾರಣಕ್ಕೆ ‘ಐಫೋನ್ 10’ರ ಜಾಗತಿಕ ಮಾರಾಟವು ಕುತೂಹಲ ಮೂಡಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆ್ಯಪಲ್ ತಯಾರಿಸಿರುವ ದುಬಾರಿ ಮೊಬೈಲ್ ‘ಐಫೋನ್ 10’ ನವೆಂಬರ್ 3 ರಿಂದ ಸ್ಥಳೀಯ ಗ್ರಾಹಕರ ಕೈಸೇರಲಿದೆ.</p>.<p>ಐಫೋನ್ ಖರೀದಿಸಲು ಜಾಗತಿಕ ಗ್ರಾಹಕರಿಗೆ ಒದಗಿಸಿದ್ದ ಮುಂಗಡ ಕಾಯ್ದಿರಿಸುವ ಸೌಲಭ್ಯವನ್ನು ಈಗ ಭಾರತದ ಗ್ರಾಹಕರಿಗೂ ವಿಸ್ತರಿಸಲಾಗಿದೆ. ಹೀಗಾಗಿ ಐಫೋನ್ ಅಭಿಮಾನಿಗಳು ಈ ಮೊಬೈಲ್ ಖರೀದಿಸಲು ಮುಗಿ ಬಿದ್ದಿದ್ದು, ಮೊಬೈಲ್ ಕೈಸೇರಲು ಅವರೀಗ ಹೆಚ್ಚು ದಿನಗಳವರೆಗೆ ಕಾಯಬೇಕಾಗಿಲ್ಲ.</p>.<p>‘ಐಫೋನ್ 10’ 5.8 ಗಾತ್ರದ ವಿಶಾಲ ಪರದೆ, 64 ಜಿಬಿ ಮತ್ತು 256 ಜಿಬಿ ಸಾಮರ್ಥ್ಯದ ಎರಡು ಬಣ್ಣಗಳ ಮಾದರಿಗಳಲ್ಲಿ ಲಭ್ಯ ಇರಲಿದೆ. ಇವುಗಳ ಆರಂಭಿಕ ಬೆಲೆ ₹ 89 ಸಾವಿರ ಇರಲಿದೆ. ಗರಿಷ್ಠ ಬೆಲೆ ₹ 1,02,000 ಇದೆ.</p>.<p>ಇದೇ ಮೊದಲ ಬಾರಿಗೆ ‘ಐಫೋನ್ 10’ರ ಜಾಗತಿಕ ಬಿಡುಗಡೆ ಜತೆಗೆ ಭಾರತದಲ್ಲಿಯೂ ಮಾರುಕಟ್ಟೆಗೆ ಪರಿಚಯಿಸಲಾಗುತ್ತಿದೆ.</p>.<p>‘ಬೆಲೆಗೆ ಹೆಚ್ಚು ಆದ್ಯತೆ ನೀಡುವ ಭಾರತದಲ್ಲಿ ಈ ಐಫೋನ್ಗೆ ಕಂಡುಬರುತ್ತಿರುವ ಬೇಡಿಕೆ ಅಚ್ಚರಿದಾಯಕವಾಗಿದೆ’ ಎಂದು ಮಾರುಕಟ್ಟೆ ವಿಶ್ಲೇಷಕ ಅಮಿತ್ ಮಿಶ್ರಾ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಐಫೋನ್ 8’ಗೆ ಅಮೆರಿಕ, ಕೆನಡಾ ಮತ್ತು ಭಾರತದಲ್ಲಿಯೂ ಕಡಿಮೆ ಬೇಡಿಕೆ ಕಂಡುಬಂದಿತ್ತು. ಇದರಿಂದ ಆ್ಯಪಲ್ ಇಂಕ್ನ ಷೇರು ಬೆಲೆ ಶೇ 3ರಷ್ಟು ಕುಸಿತ ಕಂಡಿತ್ತು. ಈ ಕಾರಣಕ್ಕೆ ‘ಐಫೋನ್ 10’ರ ಜಾಗತಿಕ ಮಾರಾಟವು ಕುತೂಹಲ ಮೂಡಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>