‘ಕೊತ್ತಂಬರಿ, ಮೆಂತೆ ಕೇಳುವವರೇ ಇಲ್ಲ’

‘ಈಗ ಒಂದು ರೂಪಾಯಿಗೆ ಏನೂ ಬರುವುದಿಲ್ಲ. ಆದರೆ ಬನಹಟ್ಟಿ ಮಾರುಕಟ್ಟೆಯಲ್ಲಿ ರೈತರು ಸದ್ಯ ಕೊತ್ತಂಬರಿ, ಮೆಂತೆ ಸೊಪ್ಪನ್ನು ಕೇವಲ ಒಂದು ರೂಪಾಯಿಗೆ ಕಟ್ಟು ಮಾರಾಟ ಮಾಡುತ್ತಿದ್ದಾರೆ. ಶನಿವಾರ ಮಾರುಕಟ್ಟೆಗೆ ಭೇಟಿ ನೀಡಿದಾಗ ಮಾರುಕಟ್ಟೆಯಲ್ಲಿ ಎಲ್ಲೆಲ್ಲೂ ಸೊಪ್ಪಿನ ರಾಶಿಯೇ ಕಾಣಿಸಿತು.

ಒಂದು ಎಕರೆ ಕೊತ್ತಂಬರಿ ಸೊಪ್ಪನ್ನು ಬೆಳೆಯಲು 5ರಿಂದ 6 ಸಾವಿರದವರೆಗೆ ಖರ್ಚಾಗುತ್ತದೆ. ಆದರೆ ಈಗ ಇಲ್ಲಿ ಕೇವಲ ಒಂದು ರೂಪಾಯಿಗೆ ಒಂದು ಕಟ್ಟು ಕೂಡಾ ಯಾರು ಕೇಳುತ್ತಿಲ್ಲ. ಕೊತ್ತಂಬರಿ ಬೆಳೆದ ಖರ್ಚು ಬಂದರೆ ಸಾಕು’ ಎಂದು ರೈತರಾದ ಯಲ್ಲಪ್ಪ ಬಣಾಜ, ಲಕ್ಷ್ಮಣ ಜಾಲಿಕಟ್ಟಿ, ಶಂಕರ ಮಲಾಬದಿ, ಪ್ರಕಾಶ ದೊಡ್ಡಪ್ಪಗೋಳ, ಮಹಾಂತೇಶ ಜಾಲಿಕಟ್ಟಿ, ಸಂಜೀವ ಕಾಡದೇವರ ತಿಳಿಸಿದರು.

ಐದಾರು ದಿನಗಳಿಂದ ಮಾರುಕಟ್ಟೆಗೆ ಮೆಂತೆ ಮತ್ತು ಕೊತ್ತಂಬರಿ ಸೊಪ್ಪು ಬೇಡಿಕೆಗಿಂತ ಹೆಚ್ಚು ಆವಕಗೊಳ್ಳುತ್ತಿದೆ. ಕೊಳ್ಳುವವರೇ ಇಲ್ಲದಂತಾಗಿದೆ ಎಂದು ತರಕಾರಿ ವ್ಯಾಪಾರಸ್ಥ ಸುರೇಶ ಬಾಳಿಕಾಯಿ ಹೇಳಿದರು.ವಿಶ್ವಜ ಕಾಡದೇವರ