ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬೋಧನಾ ವೃತ್ತಿ ತ್ಯಜಿಸಲು ಒಪ್ಪದ ಪತ್ನಿಯನ್ನು ಕೊಂದ ಪತಿ

Last Updated 14 ಡಿಸೆಂಬರ್ 2017, 13:31 IST
ಅಕ್ಷರ ಗಾತ್ರ

ಪೂರ್ಣಿಯಾ/ಬಿಹಾರ: ಬೋಧನಾ ವೃತ್ತಿಯನ್ನು ತ್ಯಜಿಸಲು ಒಪ್ಪದ ಪತ್ನಿಯನ್ನು ಪತಿ ಬರ್ಬರವಾಗಿ ಕೊಂದ ಘಟನೆ ಇಲ್ಲಿನ ಬೈಸಿ ವೃತ್ತದಲ್ಲಿ ಮಂಗಳವಾರ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.

ಮೃತ ಪತ್ನಿ ತಬಸುಮ್ ಅರಾ (26) ಅವರು ಪೂರ್ಣಿಯಾಸ ಜನತಾ ಗ್ರಾಮದಲ್ಲಿದ್ದ  ಸರ್ಕಾರ ಅನುದಾನಿತ ತಲಿಮಿ ಮರ್ಕಜ್ ಶಾಲೆಯಲ್ಲಿ ಶಿಕ್ಷಕಿಯಾಗಿ ಕಾರ್ಯನಿರ್ವಹಿಸುತ್ತಿದ್ದರು. ಇವರು ಪಣಿಸರಾ ಗ್ರಾಮದ ಮೊಹಮ್ಮದ್ ಅಸ್ಲಾಮ್ ಅವರನ್ನು 2010ರಲ್ಲಿ ವಿವಾಹವಾಗಿದ್ದರು.

ತಬಸುಮ್ ಕತೀಹಾರ್‌ನಲ್ಲಿದ್ದ ಬಿ.ಎ ಪರೀಕ್ಷೆಯನ್ನು ಮುಗಿಸಿ ಸಹೋದರ ರಾಜಾ ಅವರ ಜತೆ ಮನೆಗೆ ವಾಪಸ್ಸಾಗುತ್ತಿದ್ದರು. ಈ ವೇಳೆ ಬೈಸಿ ವೃತ್ತದಲ್ಲಿ ಬೈಕ್‌ನ್ನು ತಡೆದ ಅಸ್ಲಾಮ್ ಪತ್ನಿ ತಬಸುಮ್‌ಗೆ ಕತ್ತಿಯಿಂದ ತಿವಿದು ಹತ್ಯೆಗೈದಿದ್ದಾರೆ.

ತಕ್ಷಣವೇ ಪೂರ್ಣಿಯಾದ ಆಸ್ಪತ್ರೆಗೆ ದಾಖಲಿಸಿದರೂ ಯಾವುದೇ ಪ್ರಯೋಜನವಾಗಿಲ್ಲ. ಚಿಕಿತ್ಸೆ ನಡೆಯುತ್ತಿದ್ದ ವೇಳೆ ಮೃತಪಟ್ಟಿದ್ದಾರೆ ಎಂದು ಸಹೋದರ ರಾಜಾ ಹೇಳಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT