ಅವಹೇಳನಕಾರಿ ವಿಡಿಯೊ; ಕ್ಷಮೆ ಕೇಳಿದ ಯುವಕ

ಈ ಬಗ್ಗೆ ಬಿಜೆಪಿ ಯುವ ಮೋರ್ಚಾ ಕಾರ್ಯಕರ್ತರು ನಗರ ಪೊಲೀಸ್ ಠಾಣೆಗೆ ದೂರು ಸಲ್ಲಿಸಿದ್ದರು. ಪೊಲೀಸರು ಸೋಮವಾರ ಯಾಸಿನ್‌ ಅವರನ್ನು ಠಾಣೆಗೆ ಕರೆಯಿಸಿ ಬುದ್ಧಿ ಮಾತಿನ ಜತೆಗೆ ಎಚ್ಚರಿಕೆ ನೀಡಿ ಕಳುಹಿಸಿದರು.

ಇದೇ ವೇಳೆ ಯುವ ಮೋರ್ಚಾ ಕಾರ್ಯಕರ್ತರು ಚಿತ್ರೀಕರಿಸಿರುವ ವಿಡಿಯೊದಲ್ಲಿ ಮಾತನಾಡಿರುವ ಯಾಸಿನ್‌, ‘ನಾನು ಬೇಕೆಂದು ಅವಹೇಳನಕಾರಿ ಹೇಳಿಕೆ ನೀಡಿಲ್ಲ. ಸ್ನೇಹಿತ ಅಕ್ಬರ್‌ ಸೇರಿದಂತೆ ಕೆಲವರು ಬೈಯುವಂತೆ ನನಗೆ ಹೇಳಿಕೊಟ್ಟಿದ್ದರು. ಮೋದಿ, ಆದಿತ್ಯನಾಥ್ ಅವರು ನಮಗೆ ಮೋಸ ಮಾಡಿಲ್ಲ. ಒಳ್ಳೆಯದೇ ಮಾಡಿದ್ದಾರೆ. ಆದರೆ ಸ್ನೇಹಿತರು ನನ್ನ ಕೈಯಲ್ಲಿ ಹೇಳಿಸಿ ಈ ರೀತಿ ಮಾಡಿಸಿದ್ದಾರೆ. ಆದ್ದರಿಂದ ನಾನು ಅವರ ಕ್ಷಮಾಪಣೆ ಕೇಳುತ್ತೇನೆ’ ಎಂದು ಹೇಳಿದ್ದಾರೆ.

‘ನಾನು ಇನ್ನೊಂದು ಬಾರಿ ಈ ರೀತಿ ತಪ್ಪು ಮಾಡುವುದಿಲ್ಲ. ಯಾರ ಉಸಾಬರಿಗೂ ಹೋಗುವುದಿಲ್ಲ. ಇಂತಹ ಕೆಲಸ ಯಾರಾದರೂ ಮಾಡಿದರೆ ತಿಳಿ ಹೇಳುತ್ತೇನೆ. ಏಕೆಂದರೆ ನನ್ನ ಪರಿಸ್ಥಿತಿ ಬೇರೆ ಯಾರಿಗೂ ಬರಬಾರದು. ನನಗೆ ಹೆಂಡತಿ, ಇಬ್ಬರು ಮಕ್ಕಳಿದ್ದಾರೆ. ಬುದ್ಧಿ ಇಲ್ಲದೆ, ತಿಳಿಯದೆ ಇಂತಹ ತಪ್ಪು ಮಾಡಿರುವೆ. ಈಗ ಬುದ್ಧಿ ಬಂದಿದೆ ಕ್ಷಮಿಸಿ’ ಎಂದು ತಿಳಿಸಿದ್ದಾರೆ.