₹ 3,500 ಕೋಟಿ ಮೊತ್ತದ ಬೇನಾಮಿ ಆಸ್ತಿ ವಶ

ಫ್ಲ್ಯಾಟ್ಸ್‌, ನಿವೇಶನ, ಮಳಿಗೆ, ಚಿನ್ನಾಭರಣ, ಬ್ಯಾಂಕ್‌ ಠೇವಣಿ ಮತ್ತು ವಾಹನ ಸೇರಿದಂತೆ 900ಕ್ಕೂ ಹೆಚ್ಚು ಬೇನಾಮಿ ಆಸ್ತಿಗಳನ್ನು ಜಪ್ತಿ ಮಾಡ
ಲಾಗಿದೆ. 2016ರ ನವೆಂಬರ್ 1ರಿಂದ ಈ ಕಾಯ್ದೆ ಜಾರಿಗೆ ಬಂದಿದೆ. ಕಾಯ್ದೆಯು ಆಸ್ತಿಗಳನ್ನು ತಾತ್ಪೂರ್ತಿಕವಾಗಿ ವಶಪಡಿಸಿಕೊಳ್ಳಲು ನಂತರ ಚರ ಮತ್ತು ಸ್ಥಿರಾಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಅವಕಾಶ ಮಾಡಿಕೊಡುತ್ತದೆ.

ಬೇನಾಮಿ ಆಸ್ತಿಯ ಪ್ರಯೋಜನ ಪಡೆದ ಮಾಲೀಕ,  ಬೇನಾಮಿ ವಹಿವಾಟು ನಡೆಸಲು ಪ್ರೇರಣೆ ನೀಡಿದವರನ್ನು ವಿಚಾರಣೆಗೆ ಗುರಿ‍ಪಡಿಸಲೂ ಅವಕಾಶ ಇದೆ. ತಪ್ಪಿತಸ್ಥರಿಗೆ 7 ವರ್ಷಗಳ ಕಠಿಣ ಶಿಕ್ಷೆ ವಿಧಿಸಲು ಮತ್ತು ವಶಪಡಿಸಿಕೊಂಡ ಆಸ್ತಿಯ ಶೇ 25ರಷ್ಟು ದಂಡ ವಿಧಿಸಬಹುದು.

ಆದಾಯ ತೆರಿಗೆ ಇಲಾಖೆಯು ತನ್ನ ತನಿಖಾ ನಿರ್ದೇಶನಾಲಯದಡಿ ದೇಶದಾದ್ಯಂತ  24 ಬೇನಾಮಿ ವಹಿವಾಟು ತಡೆ ಘಟಕಗಳನ್ನು ಸ್ಥಾಪಿಸಿದೆ. ಬೇನಾಮಿ ಆಸ್ತಿಗಳ ವಿರುದ್ಧ ತ್ವರಿತ ಕ್ರಮ ಕೈಗೊಳ್ಳಲು  ಈ ಘಟಕಗಳು ನೆರವಾಗುತ್ತಿವೆ. ವಶಪಡಿಸಿಕೊಂಡಿರುವ ಆಸ್ತಿಗಳಲ್ಲಿ ₹ 2,900 ಕೋಟಿಗಳಿಗಿಂತ ಹೆಚ್ಚಿನ ಮೊತ್ತದ ಸ್ಥಿರಾಸ್ತಿಗಳಿವೆ ಎಂದು ಇಲಾಖೆ ತಿಳಿಸಿದೆ.

***
ಅನಾಮಧೇಯ ಹೆಸರಿನಲ್ಲಿ ವಹಿವಾಟು ನಡೆಸುವುದು, ಕಾನೂನುಬದ್ಧ ಮಾಲೀಕನ ಹೆಸರು ಉಲ್ಲೇಖಿಸದಿರುವುದು  ಬೇನಾಮಿ ವಹಿವಾಟು ಆಗಿರುತ್ತದೆ. ನಿಜವಾದ ಫಲಾನುಭವಿ ಬದಲಿಗೆ ಬೇರೊಬ್ಬರ ಅಥವಾ ಕಪೋಲಕಲ್ಪಿತ ಹೆಸರಿನಲ್ಲಿ ಆಸ್ತಿಪಾಸ್ತಿ ಖರೀದಿಸುವುದೂ ಬೇನಾಮಿ ವಹಿವಾಟು ಆಗಿರುತ್ತದೆ.