‘ವಿದ್ಯುಚ್ಚಾಲಿತ ಮೆಟ್ರೊ ರೈಲುಗಳು ಅತ್ಯಂತ ಕಡಿಮೆ ಶಬ್ದವನ್ನು ಉಂಟು ಮಾಡುತ್ತವೆ. ರೈಲು ಎತ್ತರಿಸಿದ ಮಾರ್ಗದಲ್ಲಿ ಹಾಗೂ ಸುರಂಗದಲ್ಲಿ ಸಾಗುವಾಗ ಅದರ ಸದ್ದಿನಿಂದ ಸಾರ್ವಜನಿಕರಿಗೆ ಅಷ್ಟೇನೂ ತೊಂದರೆ ಉಂಟಾಗುವುದಿಲ್ಲ. ಆದರೆ, ರ‍್ಯಾಂಪ್‌ ಬಳಿ ಸಾಗುವಾಗ ಶಬ್ದದ ಪ್ರಮಾಣ ಹೆಚ್ಚಾಗುತ್ತದೆ. ಇದರ ಪ್ರಮಾಣವನ್ನೂ ಕಡಿಮೆ ಮಾಡುವ ಉದ್ದೇಶದಿಂದ ನಾವು ರ‍್ಯಾಂಪ್‌ಗಳ ಬಳಿ ಶಬ್ದ ನಿಯಂತ್ರಣ ವ್ಯವಸ್ಥೆ ಅಳವಡಿಸಲು ಮುಂದಾಗಿದ್ದೇವೆ’ ಎಂದು ನಿಗಮದ ಹೆಸರು ಹೇಳಲು ಇಚ್ಛಿಸದ ಅಧಿಕಾರಿಯೊಬ್ಬರು ‘ಪ್ರಜಾವಾಣಿ’ಗೆ ತಿಳಿಸಿದರು.
