ದೇಶದ ಷೇರುಪೇಟೆ ದಾಖಲೆ: 11,000 ಅಂಶ ದಾಟಿದ ನಿಫ್ಟಿ, 36,000 ಅಂಶ ಮುಟ್ಟಿದ ಸೆನ್ಸೆಕ್ಸ್‌

7

ದೇಶದ ಷೇರುಪೇಟೆ ದಾಖಲೆ: 11,000 ಅಂಶ ದಾಟಿದ ನಿಫ್ಟಿ, 36,000 ಅಂಶ ಮುಟ್ಟಿದ ಸೆನ್ಸೆಕ್ಸ್‌

Published:
Updated:
ದೇಶದ ಷೇರುಪೇಟೆ ದಾಖಲೆ: 11,000 ಅಂಶ ದಾಟಿದ ನಿಫ್ಟಿ, 36,000 ಅಂಶ ಮುಟ್ಟಿದ ಸೆನ್ಸೆಕ್ಸ್‌

ಮುಂಬೈ: ದೇಶದ ಷೇರುಪೇಟೆಗಳಲ್ಲಿ ಮಂಗಳವಾರ ಸೂಚ್ಯಂಕ ಗರಿಷ್ಠ ಮಟ್ಟ ತಲುಪಿದ್ದು, ಐತಿಹಾಸಿಕ ದಾಖಲೆ ಸೃಷ್ಟಿಯಾಗಿದೆ.

ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ (ಬಿಎಸ್‌ಇ) ಸೆನ್ಸೆಕ್ಸ್‌ 159.98 ಅಂಶ ಜಿಗಿತ ಕಂಡು ಸಾರ್ವಕಾಲಿಕ ಗರಿಷ್ಠ ಮಟ್ಟ 35,957.99 ಅಂಶಗಳ ಗಡಿ ದಾಟಿ ವಹಿವಾಟು ಮುಂದುವರಿದಿದೆ.

ರಾಷ್ಟ್ರೀಯ ಷೇರುಪೇಟೆ ಸೂಚ್ಯಂಕ (ಎನ್‌ಎಸ್‌ಇ) ನಿಫ್ಟಿ 56.80 ಅಂಶ ಏರಿಕೆ ಕಂಡು, ಸಾರ್ವಕಾಲಿಕ ದಾಖಲೆ ಮಟ್ಟವಾದ 11,02‌3 ಅಂಶಗಳನ್ನು ತಲುಪಿದೆ.

ವಿದೇಶಿ ಬಂಡವಾಳ ಒಳಹರಿವು ನಿರಂತರವಾಗಿದೆ. ದೇಶಿ ಹೂಡಿಕೆದಾರರು ಉತ್ತಮ ಖರೀದಿ ಚಟುವಟಿಕೆ ನಡೆಸುತ್ತಿದ್ದಾರೆ. ಇದು ಷೇರುಪೇಟೆಯಲ್ಲಿ ಸಕಾರಾತ್ಮಕ ವಹಿವಾಟಿಗೆ ಕಾರಣವಾಗುತ್ತಿದೆ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಣೆ ಮಾಡಿದ್ದಾರೆ.

ಇದೇ ವೇಳೆ ಡಾಲರ್‌ ಎದುರು ರೂಪಾಯಿ ಮೌಲ್ಯ 5ಪೈಸೆಯಷ್ಟು ಏರಿಕೆ ಕಂಡಿದೆ. ಅಮೆರಿಕದ ಡಾಲರ್‌ ಎದುರು ರೂಪಾಯಿ ಮೌಲ್ಯ 63.82ರಂತೆ ವಿನಿಮಯವಾಗಿದೆ.

ಪ್ರಸ್ತುತ ಬಿಎಸ್‌ಇ 36,035 ಅಂಶ ಹಾಗೂ ಎನ್ಎಸ್‌ಇ 11,048 ಅಂಶ ಮುಟ್ಟಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry